تالیف : مولانا مختار احمد سلفی
صفحات : 270
قیمت :920روپے
ناشر : دارالسلام انٹر نیشنل ، لوئر مال ، نزد سیکرٹریٹ سٹاپ ، لاہور
برائے رابطہ : 024-37324034
قرآ ن و سنت کو سمجھنے کے لیے عربی علوم میں ’’فن نحو کو ‘‘ بنیادی مقام حاصل ہے ۔ جب تک کوئی شخص اس فن میں مہارت تامہ حاصل نہ کرے اس وقت تک اس کے لیے علوم اسلامیہ کو کماحقہ سمجھنا ممکن نہیں ۔ قرآ ن و سنت کو سمجھنے کے لیے نحو کا علم بنیاد ہے ۔ا س کے متعلق مشہور زمانہ مقولہ ہے’’ نحو کی کلام میں وہی حیثیت ہے جو کھانے میں نمک کی ہے ‘‘ الغرض ’’ نحو ‘‘ ایک نہایت اہم علم ہے۔ اسی کے پیش نظر مدارس اسلامیہ میں اس فن کو بڑی اہمیت حاصل ہے ۔ یہی وجہ ہے کہ مختلف ادوار میں علمائے اسلام نے اس فن کے متعلق کتابیں لکھی ہیں اور اسے آ سان سے آ سان تر بنانے کی کوششیں کی ہیں۔ زیر نظر کتاب مختار النحو بھی اسی سلسلے کی ایک اہم کڑی ہے۔یہ اپنے موضوع پر نہایت ہی لاجواب اور آسان کتاب ہے۔ اس میں قرآنی مثالوں کے ذریعے علم النحو کو آسان فہم انداز میں سمجھانے کی بھرپور کوشش کی گئی ہے۔کتاب کی عبارت عام فہم ہے ۔ عربی زبان کے تمام بنیادی قواعد کو عام فہم زبان میں لکھا گیا ہے۔ ہر قانون کی توضیح مثالوں کے ذریعے کی گئی ہے ۔ کتاب ایک مقدمہ تین ابواب اور ایک خاتمہ پر مشتمل ہے ۔ پوری کتاب کو 70 اسباق پر تقسیم کیا گیا ہے۔ مقدمہ میں نحو کی بنیادی باتیں ذکر کی گئی ہیں۔
پہلا باب اسم، دوسرا باب فاعل اور تیسرا باب حرف کے بیان میں ہے۔ اسباق کے آ خر میں مشقی سوالات اور قران و حدیث کی مثالوں سے مزین تمرینات دی گئی ہیں۔تمام مثالیں قرآ ن و حدیث اور احادیث نبویہ سے ماخوذ ہیں۔ کوشش یہی کی گئی ہے کہ ہر مثال آ سانی سے سمجھ میں آ نے والی ہو ۔ کتاب کے آ خر میں نحو کے قوانین کو عربی عبارت پر لاگو کرنے کے لیے اجرا اور مطالعہ کا طریقہ کار بھی بتایا گیا ہے ۔ اسی طرح ہر سبق کی ایک مثال کی ترکیب کر دی گئی ہے تاکہ اس کو سامنے رکھتے ہوئے باقی مثالوں کی ترکیب کرنا آسان ہو جائے ۔ کتاب کے اسلوب کو نحو کی دوسری کتابوں کے مطابق ہی رکھا گیا ہے تاکہ قارئین کی ذہنی استعداد میں باآسانی اضافہ ہو ۔ جو قارئین محنت اور کوشش سے اس کتاب کو پوری طرح سمجھ کر پڑھیں گے وہ کافی حد تک فن نحو کے ابتدائی قواعد میں ماہر ہو جائیں گیاور عربی زبان کو صحیح طرح سے پڑھنے ، سمجھنے ، لکھنے اور بولنے پر قادر ہوجائیں گے ان شاء اللہ ۔
نام کتاب : مسنون نماز اور روز مرہ کی دعائیں
تبصرہ کتب، زکوٰۃ ،عشراور صدقۃ الفطر
تبصرہ کتب،واقعہ معراج اور اس کے مشاہدات
تبصرہ کتب،بچوں کا اسلامی انسائیکلوپیڈیا
تبصرہ کتب، خواتین کے امتیازی مسائل
نام کتاب : جنوں اورشیطانوں کی دنیا
نوجوان نسل کے لیے پیارے رسول ﷺ کی سنہری سیرت
”سیرت حسن وحسین رضی اللہ عنھما“
دارالسلام نے انگریزی ترجمہ کے ساتھ” سٹڈی دی نوبل قرآن “ شائع کردیا