Baaghi TV

Tag: دالیں

  • دالوں اور چینی کی قیمتوں میں کمی

    دالوں اور چینی کی قیمتوں میں کمی

    لاہور: حکومت کی جانب سے دالوں اور چینی کی قیمتوں میں واضح کمی ریکارڈ کی گئی ہے۔

    باغی ٹی وی: چیئرمین ہول سیل گروسرز ایسوسی ایشن رؤف ابراہیم کا کہنا ہے کہ دالوں کی قیمتیں 25سے75 روپے تک کم ہوئی ہیں، دالوں کی قیمتوں میں مزید کمی کا امکان ہے،ستمبر سے اب تک کالے چنے کی فی کلو قیمت میں 50 روپے کمی ہوئی، اسی طرح 400 روپے فی کلو بکنے والی چنے کی دال کی قیمت 360 روپے ہوگئی، دال ماش کی فی کلو قیمت 500 روپے سے کم ہوکر 425 روپے ہوگئی، کابلی چنا درجہ اول کی قیمت 400 روپے کلو سے کم ہو کر 355 روپے ہوگئی، کابلی چنا چھوٹا دانہ کی قیمت 320 روپے سے کم ہوکر 295 روپے ہوگئی، جبکہ چینی کی قیمت 32 روپے کم ہو کر 157 سے 125 روپے پر آگئی۔

    دوسری جانب مارکیٹ میں 20کلو آٹے کے تھیلے کی قیمت میں 60 روپے کا اضافہ ہوا ہے اور 20 کلو کا تھیلہ 1625سے1685 روپے کا ہوگیا ہے، آٹے کی قیمت میں اضافے پر آٹا ڈیلرز اور تندور مالکان کی جانب سے قیمتوں میں کمی کا مطالبہ کیا جا رہا ہے۔

  • روس پاکستانی آلو سے اعلٰی معیار کی شراب بنا رہا ہے،قائمہ کمیٹی میں انکشاف

    روس پاکستانی آلو سے اعلٰی معیار کی شراب بنا رہا ہے،قائمہ کمیٹی میں انکشاف

    خورشید احمد جونیجو کی زیر صدارت قومی اسمبلی کی قائمہ کمیٹی تجارت کا اجلاس ہوا

    کمیٹی نے امپورٹ اینڈ ایکسپورٹ کنٹرول ترمیمی بل 2022 کی منظوری دیدی، اجلاس میں چیئرمین ٹی ڈیپ کی عدم شرکت پر چیئرمین کمیٹی نے اظہار برہمی کیا،چیئرمین کمیٹی نے کہا کہ چیئرمین ٹی ڈیپ کیوں نہیں آئے آئندہ نہ آئے تو نوٹس جاری کریں گے، اجلاس میں سیکرٹری کامرس کی عدم شرکتچیئرمین کمیٹی نے سیکرٹری کامرس کو آئندہ اجلاس میں شرکت کی ہدایات جاری کردیں، سپیشل سیکرٹری وزارت تجارت مجتبیٰ میمن نے اجلاس میں کہا کہ ٹی ڈیپ کا بورڈ فی الحال فعال نہیں ہے ،بورڈ سابق وزیر تجارت رزاق داؤد کے دور سے خالی ہے ،آئندہ دو ہفتے میں نیا بورڈ منظوری کیلئے وفاقی کابینہ کو بھجوا دیا جائے گا ،ممبر کمیٹی رانا ارادت شریف خان نے کہا کہ بورڈ کو جلد قائم کیا جائے اس طرح اداروں کو نہ چلایا جائے ، چیئرمین کمیٹی نے کہا کہ وزارت تجارت کو بورڈ ممبران کی تعیناتی کیلئے ایک ماہ دیتے ہیں ، حکام وزارت تجارت نے کہا کہ پاکستان میں صرف 16 ہزار برآمد کنندگان ہیں ،اب کورس ترتیب دیا ہے اور لوگوں کو تربیت فراہم کی جا رہی ہے ، اس سال سے قازقستان کو 20 ہزار ٹن آلو برآمد کیا جائے گا ،روس پہلے سے ہی پاکستان سے آلو خرید رہا ہے ، روس پاکستانی آلو سے اعلٰی معیار کی شراب بنا رہا ہے ،

    نوجوان جوڑے پر تشدد کرنیوالے ملزم عثمان مرزا کے بارے میں اہم انکشافات

    بنی گالہ کے کتوں سے کھیلنے والی "فرح”رات کے اندھیرے میں برقع پہن کر ہوئی فرار

    ہمیں چائے کے ساتھ کبھی بسکٹ بھی نہ کھلائے اورفرح گجر کو جو دل چاہا

    فرح خان کتنی جائیدادوں کی مالک ہیں؟ تہلکہ خیز تفصیلات سامنے آ گئیں

    پبلک اکاؤنٹس کمیٹی نے سابق پرنسپل سیکرٹری اعظم خان کے وارنٹ گرفتاری جاری کردیے

    وفاقی دارالحکومت میں ملزم عثمان مرزا کا نوجوان جوڑے پر بہیمانہ تشدد،لڑکی کے کپڑے بھی اتروا دیئے، ویڈیو وائرل

    عقیل کریم ڈھیڈی سیکیورٹیز پرائیوٹ لمیٹڈ کمپنی پاکستان ریلوے کی نادہندہ نکلی ،

    مالی سال 2021 /22 میں تجارت کے فروغ کے لیے کیے گئے اقدامات کا معاملہ بھی زیر بحث آیا ،سیکرٹری ٹریڈ ڈویلپمنٹ اتھارٹی آف پاکستان نے کمیٹی کو بریفنگ دی، حکام وزارت تجارت نے اجلاس میں کہا کہ تجارت کے فروغ کے لیے 85ایگزیبیشن کی منظوری دی گئی،جس میں سے 36 کی منظوری،48 ملتوی ہوئیں،چاول اور میز کی برآمد میں سب سے زیادہ اضافہ ہوا،اس سال سیلاب کی وجہ سے چاول کی کاشت کم ہوئی،22 کروڑ کی آبادی میں سے صرف 16 ہزار ایکسپورٹرز ہیں،ایکسپورٹرز صرف کسی ایک چیز پر ہی کام کرتے ہیں،دھاگہ بنانے والا 30 سال دھاگہ ہی بناتا رہے گا،ہم ایکسپورٹرز کو سہولیات کی فراہمی کے لیے کوشاں ہیں،ٹی ڈیپ نے اپنی ویب سائٹ بھی بنا رکھی ہے،جس پر تمام ایکسپورٹرز کو معلومات اور دیگر سہولیات دی جا رہی ہیں،پاکستان میں درآمدت اوربرآمدات کو ایگزم بینک سپورٹ کرے گا ، حکام ٹی ڈیپ نے کہا کہ پاکستان میں ایگزم بینک غیر فعال ہے وزارت خزانہ فنڈز نہیں دے رہی ،کمیٹی ایگزم بینک کو وزارت وزارت تجارت کے سپرد کرنے کی سفارش کرے ،قائمہ کمیٹی نے آئندہ اجلاس میں سیکرٹری خزانہ اور ایگزم بینک حکام کو طلب کرلیا

  • ڈالرمہنگاتو دالیں مہنگی ،ہول سیلرزگروسرزایسوسی ایشن نے پریشان کُن خبردے دی

    ڈالرمہنگاتو دالیں مہنگی ،ہول سیلرزگروسرزایسوسی ایشن نے پریشان کُن خبردے دی

    کراچی :ہول سیلرزگروسرزایسوسی ایشن نے کہا ہے کہ ڈالرمہنگا ہونے سے دالیں مہنگی ہوجائیں گی۔اطلاعات کے مطابق کراچی میں ہول سیلرزگروسرزایسوسی ایشن نے پریس کانفرنس کی جس میں ملک بھر کے امپورٹرزنے کراچی پورٹ کی پالیسیوں پرتحفظات کا اظہار کیا۔

    ہول سیلرز گروسرزایسوسی ایشن کے اعلیٰ عہدے دارعبد الرؤف ابراہیم نے کہا کہ ملک میں دالوں کی امپورٹ میں مسائل پیدا ہوگئے ہیں اور ڈالرکی عدم دستیابی اور بڑھتا ہوا ریٹ امپورٹ کوشدید متاثرکرچکا ہے۔انھوں نے کہا کہ کراچی پورٹ پرلاکھوں روپے کا مال پھنسا ہوا ہے،12 روز سے ڈالر مارکیٹ سےغائب ہے اور ایل سی بھی نہیں کھل رہی ہیں۔

    عبد الروف نے کہا کہ مارکیٹ میں ڈالر کی فراہمی بحال ہونے سے ریٹ نیچے آجائے گا۔ بینک ڈالرفراہم نہیں کررہاہے،اجناس کی امپورٹ رک چکی ہے، اس وقت عالمی مارکیٹ میں اجناس کی قیمت کم ہیں تاہم ہمارے ملک میں قیمت اوپرجارہی ہے۔انھوں نے یہ بھی کہا کہ ملک میں ڈالر کی قیمت میں55 روپےکافرق آچکاہے، شپنگ کمپنیاں امپورٹرز پر کروڑوں روپے کے چارجز عائد کررہی ہیں۔

    عبد الروف نے تجویز دی کہ اگر حکومت ڈالر مہیا کردے تو دالوں کی قیمت100 روپے فی کلو کم ہوجائے گی۔ انھوں نے یہ بھی کہا کہ غیرضروری اشیاء کی درآمد پر پابندی لگا کر غذائی اشیاء کی درآمد کیلئے ڈالر مہیا کئے جائیں۔

     

    دوسری طرف انٹربینک میں ڈالر کی قیمت میں 2 ہفتے بعد پہلی بار کمی آئی ہے۔جمعرات کو انٹربینک میں ڈالر15 پیسے سستا ہوکر 239.50 روپے پر آگیا۔ انٹر بینک میں ڈالر240روپے کی تاریخی حد آج عبور نہ کرسکا۔ انٹر بینک میں دن کے اختتام میں ڈالر صرف 6 پیسے کے اضافے سے 239.71 روپے پر بند ہوا.

    اوپن مارکیٹ میں بھی ڈالر1روپے سستا ہوکر 244 روپے پر بند ہوا۔ گذشتہ14 روز میں انٹر بینک میں ڈالر 21روپے مہنگا ہوا تھا۔

    رواں سال کے 6 ماہ میں ڈالر کی قیمت میں 57 روپے سے زائد کا اضافہ ہوا جب کہ گذشتہ ساڑھے 3 سال میں ڈالر 58 روپے مہنگا ہوا ہے۔

     

     

    ڈالر نے 7 ہفتوں میں بلند ترین سطح پر پہنچنے کے سابقہ ریکارڈ توڑ دئیے ہیں۔ آئی ایم ایف اور سعودی عرب کے سوا 4 ارب ڈالر کا ریلیف ملنے کے بعد بھی امریکی ڈالر کی قدر روکی نہیں جاسکی ہے۔ڈالر مہنگا ہونے سے پاکستان پر قرضوں کے بوجھ میں 2900 ارب روپے کا اضافہ ہوا۔

     

    ڈیلرز کےمطابق اگست میں 1 ارب ڈالر کی ریکارڈ فوڈ امپورٹ سے ڈالر کی طلب میں اضافہ ہوا ہے۔ڈیلرز کا کہنا تھا کہ امپورٹرز کو بینکوں سے ڈالرز دستیاب نہیں ہیں،قیمت بڑھتی دیکھ کر ایکسپورٹرز نے اپنے ڈالرز روک لئے ہیں۔

    کرنسی ڈیلرز کا کہنا تھا کہ سیلاب کے بعد درآمدی ضروریات کے لئے ڈالر کی طلب میں اضافہ ہوا ہے اور آئی ایم ایف کی ایکسچینج ریٹ کو فری فلوٹ رکھنے کی شرط نے بھی صورتحال دشوار کردی ہے۔

    صحافیوں کے خلاف مقدمات، شیریں مزاری میدان میں آ گئیں، بڑا اعلان کر دیا

    سرکاری زمین پر ذاتی سڑکیں، کلب اور سوئمنگ پول بن رہا ہے،ملک کو امراء لوٹ کر کھا گئے،عدالت برہم

    جتنی ناانصافی اسلام آباد میں ہے اتنی شاید ہی کسی اور جگہ ہو،عدالت

    اسلام آباد میں ریاست کا کہیں وجود ہی نہیں،ایلیٹ پر قانون نافذ نہیں ہوتا ،عدالت کے ریمارکس

  • ادویات کی قیمتوں میں اضافےکےساتھ ہی کھانےپینے کی اشیاء 48 فیصد مہنگی کردی گئیں

    ادویات کی قیمتوں میں اضافےکےساتھ ہی کھانےپینے کی اشیاء 48 فیصد مہنگی کردی گئیں

    یوٹیلیٹی اسٹورز پر دالوں کی قیمت میں 48 روپے فی کلو تک اضافہ کر دیا گیا۔ملک بھر میں یوٹیلیٹی اسٹورز پر مختلف دالوں کی قیمت میں اڑتالیس روپے کلو تک اضافہ کردیا گیا ہے، اور اس حوالے سے باضابطہ نوٹیفکیشن بھی جاری کردیا گیا ہے، جس کا اطلاق فوری ہوگا۔

    پاکستان میں مہنگائی12فیصد سے بڑھ کر21فیصد تک پہنچ گئی:ایشین ترقیاتی بینک

    نوٹیفکیشن کے مطابق مختلف دالیں 48 روپے فی کلو تک مہنگی کی گئی ہیں، کالے چنے کی فی کلو قیمت میں 48 روپے کا اضافہ ہوا، جس کے بعد کالے چنے کی قیمت 172 روپے سے بڑھا کر 220 روپے مقرر کی گئی ہے۔

    نوٹیفکیشن میں بتایا گیا ہے کہ دال مسور 40 روپے اضافے بعد 310 روپے فی کلو ہوگئی ہے، جب کہ لال لوبیا 35 روپے مہنگا کرکے نئی قیمت 270 روپے فی کلو مقرر کی گئی ہے۔

    مہنگائی کی شرح 14 سال کی بلند ترین سطح پر پہنچ گئی

    یوٹیلیٹی اسٹورز پر اب ثابت مسور بھی 35 روپے مہنگی میسر ہوگی، اور اس کی نئی قیمت 310 روپے فی کلو ہوگئی ہے، دال مونگ 30 روپے اضافے بعد 200 روپے فی کلو میں ملے گی، جب کہ دال چنا کی قیمت 190 روپے سے بڑھا کر 220 روپے کر دی گئی ہے۔

    اس سے پہلےادویات کی قیمتوں میں 300فیصد تک اضافہ ہونے سے مریضوں کو مشکلات کا سامنا ہے، جان بچانے والی ادویات کی قیمتیں جان نکالنے لگیں۔میڈیسن مارکیٹ میں ادویات کی قیمتیں آسمان پر پہنچ گئیں۔شوگر ،بلڈ پریشر اور دل کی بیماریوں میں استعمال ہونے والی ادویات مہنگی۔انفلوویک ویکسین کی قیمت 600سے بڑھا کر 1989کردی گئی۔

    شہر میں محکمہ صحت اور ڈرگ ریگولیٹری اتھارٹی شہر میں ادویات کی قیمتوں پر چیک اینڈ بیلنس رکھنے میں ناکام ہو گئی ہیں۔میڈیسن مارکیٹ میں جان بچانے والی ادویات کی قیمتیں اب آسمان سے باتیں کرنے لگی ۔

    حکمران مفادات کے لیے دست وگریبان، عوام مہنگائی کی آگ میں جل گئے،سراج الحق

    شوگر ،بلڈ پریشر اور دل کی بیماریوں میں استعمال ہونے والی ادویات منگی ،شوگر ،بلڈ پریشر اور دل کی بیماریوں میں استعمال ہونے والی ادویات منگی ہونے کیساتھ عام اسٹورز پر غائب بھی ہیں۔ جس کی وجہ سے لواحقین پریشان ہیں۔انفلوویک ویکسین کی قیمت 600سے بڑھا کر 1989کردی گئی۔