Tag: دانش تیمور

اداکار دانش تیمور کی صلاحیتوں سے کون واقف نہیں ہے. انہیں چھوٹی اور بڑی سکرین پر یکساں‌مقبولیت حاصل ہے. ان کے ھوالے سے خبریں ہیں کہ انہوں نے حال ہی میں ایک فلم میکر کو فلم کرنے سے منع کر دیا ہے. دانش تیمور کو ایک بڑے بجٹ کی فلم میں‌ منہ مانگا معاوضہ دئیے جانے کی پیشکش کی گئی لیکن انہوں نے فلم کرنے سے منع کر دیا . اور منع کرنے کی وجہ یہ ہے کہ ان کو اس فلم میں اپنا کردارپسند نہیں آیا اور کردار سننے کے بعد انہوں نے فیصلہ کیا کہ وہ فلم نہیں کریں گے. دانش تیمور اس سے پہلے بھی ڈائریکٹر سنگیتا کی فلم میں‌کام کر چکے ہیں، ان کی اس فلم کو خاص پذیرائی نہیں‌ ملی تھی.

حال ہی میں ان کا ڈرامہ سیریل کیسی تیری خود غرضی اختتام پذیرہوا ہے اس میں دانش تیمور نے ایک ایسے عاشق کا کردار نبھایا جو اپنی پسند کو پانے کے لئے کسی بھی حد تک جا سکتا ہے. دانش کے اس کردارپر بہت زیادہ تنقید ہوئی تاہم ان کی اداکاری کو بہت زیادہ پسند کیا گیا . اس ڈرامے میں ان کے ساتھ اداکارہ درفشاں نے مرکزی کردار ادا کیا . یاد رہے کہ دانش تیمور آئزہ خان کے شوہر ہیں اور دونوں کم مگر معیاری کام کرنے کو ترجیح دیتے ہیں.

چھوٹی عمر میں شوبز انڈسٹری میں آنے والی لائبہ خان نے نہایت ہی کم عرصے میں نام بنایا ہے . انہوں نے اپنے حالیہ انٹرویو میں کہا ہے کہ میں حافظ قرآن ہوں . نو سال کی عمر میں ، میں نے قرآن مجید حفظ کر لیا تھا. اور یہ بات میں بہت زیادہ لوگوں کو بتاتی نہیں تھی. انہوں نے کہا کہ فہد مصطفی اور دانش تیمور میرے کرش ہیں. انہوں نے ایک سوال کے جواب میں انہوں نے کہا کہ میں‌ آج تک رینٹ کے گھر میں رہتی ہوں اور میں نے اپنی ماں کو شفٹنگ کے دوران بہت زیادہ پریشان ہوتے دیکھا ہے. ہمارے گھر کی جب میں‌شفٹنگ ہوتے دیکھتی تھی تو بہت پریشان ہوتی تھی میری امی بہت سر کھپاتی تھیں . میرے دل میں یہ سب دیکھ کر خواہش پیدا ہوتی تھی کہ خدایا مجھے اتنے پیسے دے کہ میں اپنی

امی کو ایک گھر بنا کر دوں. اور میں اپنی امی کو گھر بنا کر دوں گی. انہوں نے مزید کہا کہ میں نے تو گھر میں سب کو کہہ رکھا ہے کہ میری شادی کی جب تک بات نہ کریں جب تک کہ میں اپنی امی کو گھر نہ بنا کر دے دوں . میرا یہی ٹارگٹ ہے کہ میں اپنی امی کو گھر بنا کر دوں اسکے لئے کوشش کررہی ہوں. یاد رہے کہ لائبہ خان نیو کمرز میں سے ایک ایسی اداکارہ ہیں‌جنہوں کیرئیر کی شروعات میں ہی نامور لوگوں کے ساتھ کام کیا ہے. ان کی فین فالونگ بھی کافی زیادہ ہے.

چھوٹی سکرین کی باصلاحیت اداکارہ آئزہ خان اور دانش تیمور کی جوڑی کو بہت زیادہ پسند کیا جاتا ہے. دونوں سات برس پہلے شادی کے بندھن میں بندھے ان کے دو بچے ہیں. یہ خوبصورت جوڑا اپنی تمام تر مصروفیات ترک کرکے پہنچا ہے کینڈا. وہاں ان دونوں نے اپنے بچوں کے ہمراہ منائی اپنی شادی کی ساتویں سالگرہ. اس موقع پر دونوں کافی خوش دکھائی دے رہے ہیں. آئزہ اور دانش نے سوشل میڈیا پر اپنی شادی کی سالگرہ کی تصاویر شئیر کیں.ان کے مداحوں نے ان تصاویر کو بے حد سراہا اور ان کو شادی کی مبارکباد دی. دانش اور آئزہ نے پسند کی شادی کی تھی دونوں اس رشتے میں کافی خوش دکھائی دیتے ہیں. دانش تیمور اور آئزہ خان کا

کیرئیر دیکھا جائے تو آئزہ دانش سے آگے نظر آتی ہیں. ان کا ڈرامہ سیریل میرے پاس تم نے کامیابی کے نئے ریکارڈز قائم کئے اس میں ان کے کردار پر کافی تنقید ہوئی لیکن وہ اس تنقید سے بالکل بھی نہیں گھبرائیں. دانش تیمور نے ڈراموں کے ساتھ فلموں میں بھی کام کیا لیکن وہ بڑی سکرین پر شائقین کو کچھ زیادہ متاثر نہ کر سکے. تاہم ابھی تک آئزہ خان نے بڑی سکرین پر کام نہیں کیا. آئزہ خان کی چھوٹی سکرین پر جوڑی عمران عباس کے ساتھ بہت سراہی جاتی ہے.