صوبائی ڈیزاسٹر مینجمنٹ اتھارٹی (پی ڈی ایم اے) پنجاب نے دریاؤں میں طغیانی کی صورتحال کے پیش نظر شہریوں کو خبردار کرتے ہوئے کہا ہے کہ ماہی گیری اور دیگر سرگرمیوں سے اجتناب کریں اور دریاؤں کے اطراف سیرو تفریح سے گریز کریں۔
پی ڈی ایم اے کے مطابق دریائے چناب میں مرالہ ہیڈ ورکس پر پانی کا بہاؤ 1 لاکھ 17 ہزار کیوسک، خانکی ہیڈ ورکس پر 2 لاکھ 48 ہزار کیوسک اور قادرآباد ہیڈ ورکس پر 3 لاکھ 85 ہزار کیوسک ریکارڈ کیا گیا ہے۔ چنیوٹ پل پر پانی کا بہاؤ 5 لاکھ 54 ہزار کیوسک تک پہنچ گیا ہے۔تریموں ہیڈ ورکس پر پانی کا بہاؤ 2 لاکھ 39 ہزار کیوسک ہے، جبکہ دریائے راوی میں جسڑ کے مقام پر بہاؤ 80 ہزار کیوسک، راوی سائفن پر 1 لاکھ 10 ہزار کیوسک اور شاہدرہ کے مقام پر 1 لاکھ 8 ہزار کیوسک ریکارڈ ہوا ہے۔
بلوکی ہیڈ ورکس پر پانی کا بہاؤ 1 لاکھ 38 ہزار کیوسک، سدھنائی ہیڈ ورکس پر 1 لاکھ 30 ہزار کیوسک، دریائے ستلج میں جی ایس والا پر 3 لاکھ 19 ہزار کیوسک اور سلیمانکی ہیڈ ورکس پر 1 لاکھ 39 ہزار کیوسک ہے۔ اسلام ہیڈ ورکس پر بہاؤ 1 لاکھ 2 ہزار کیوسک جبکہ پنجند ہیڈ ورکس پر 2 لاکھ 24 ہزار کیوسک ریکارڈ کیا گیا ہے۔
ڈی جی پی ڈی ایم اے نے کہا کہ دریاؤں میں طغیانی کے باعث شہری اپنی اور دوسروں کی حفاظت کے لیے احتیاطی تدابیر اختیار کریں اور کسی بھی قسم کی سرگرمیوں سے باز رہیں۔
بنوں میں گیس پائپ لائن پر حملہ، دھماکے سے آگ بھڑک اٹھی
پاکستان اور چین کے درمیان تعاون اور سرمایہ کاری کیلئے 21 یادداشتوں پر دستخط