بلوچستان کی تحصیل نوشکی میں مزدا اور ویگن میں تصادم ہوگیا جس کے نتیجے میں 4 افراد جھلس کر جاں بحق ہو گئے۔
باغی ٹی وی : لیویز ذرائع کا کہنا ہے کہ نوشکی حادثہ آر سی ڈی شاہراہ جورکین کے مقام پر پیش آیا ہے ٹریفک حادثے میں جاں بحق ہونے والوں کی لاشوں کو ٹیچنگ اسپتال منتقل کردیا گیا ہے۔
دوسری جانب آزاد کشمیر کے ضلع مظفر آباد کی تحصیل نصیرآباد میں کار دریائے نیلم میں جاگری، جس کے نتیجے میں 4 افراد جاں بحق ہوگئے واقعے کی اطلاع ملتے ہی پولیس اور ریسکیو کی ٹیمیں جائے حادثہ پر پہنچ گئی، اورریسکیو آپریشن شروع کردیا،ریسکیو کے مطابق حادثہ رات کو بارش کے باعث پھسلن کی وجہ سے ہوا، رضاکار دریائے نیلم سے لاشیں نکالنے میں مصروف ہیں۔
خیبر میں سی ٹی ڈی اور دہشتگردوں کے درمیان فائرنگ،3 دہشت گرد ہلاک
علاوہ ازیں ٹھٹہ میں کینجھر جھیل کے قریب ماہی گیروں کی وین اور ٹرک کے تصادم میں 7 افراد جاں بحق ہوگئے چلیا اور کینجھر جھیل کے درمیان قومی شاہراہ پر ماہی گیروں کو لے کر جانے والی وین مخالف سمت سے آنے والے ٹرک سے ٹکرا گئی جس کے نتیجے میں 4 افراد موقع پر جاں بحق ہوگئے زخمیوں کو سول اسپتال مکلی منتقل کیا گیا جہاں اسپتال میں زخموں کی تاب نہ لاتے ہوئے ایک شخص دم توڑ گیا وین کے مالک اور ایک اور شخص کو نازک حالت میں کراچی بھیجا گیا تاہم دونوں زخمیوں کو کراچی لے جانے والی ایمبولینس مہنگائی کے خلاف احتجاج میں گھگھر پھاٹک کے قریب پھنس گئی اور تاخیر سے اسپتال پہنچنے کے باعث دونوں زخمیوں نے دم توڑ دیا۔
