Tag: دعا زہرہ

کراچی کی دعا زہرہ کو ایک ماہ اور 21 روز بعد بہاولنگر کی تحصیل چشتیاں سے بازیاب کروا لیا گیا۔

باغی ٹی وی :تفصیلات کے مطابق ایس ایس پی اے وی سی سی زبیر نذیر شیخ نے تصدیق کرتے ہوئے بتایا کہ دعا زہرہ کے ساتھ ان کے شوہر ظہیر کو بھی حفاظتی تحویل میں لے لیا گیا ہےاب دعا زہرہ اور ان کے شوہر ظہیر کو قانونی تقاضے پورے کرنے کے بعد کراچی لایا جائے گا۔

دوسری جانب لاہور پولیس کا کہنا ہے کہ دونوں کو سی آئی اے پولیس نے ایک وکیل کے گھر سے برآمد کیا، دعا زہرہ اور اس کے شوہر کو کراچی پولیس کے حوالے کر دیا گیا ہے دعا زہرہ کے شوہر ظہیر کے سارے اہلخانہ پہلے ہی کراچی پولیس کی حراست میں ہیں۔

کل کہیں گے افغانستان سے سگنل آرہے ہیں تو ہم کیا کرینگے؟ دعازہرہ کیس میں عدالت کے…

دعا زہرہ کی بازیابی کے لیے سندھ پولیس نے سانگھڑ میں بھی چھاپے مارے تھے جبکہ دعا زہرہ نے 26 اپریل کو لاہور میں پولیس کو شوہر کے ساتھ رہنے کا بیان دیا تھا تاہم سندھ ہائیکورٹ نے دونوں کو ہر صورت عدالت میں پیش کرنے کے احکامات جاری کیے تھے-

دعا زہرہ کے اغوا کا معاملہ رواں سال 16 اپریل کو رپورٹ ہوا تھا تاہم بعد ازاں دعا زہرہ نے پنجاب میں ظہیر نامی لڑکے سے شادی کا اعتراف کیا تھا ویڈیو بیان میں دعا زہرہ نے کہا تھا کہ میں اپنی مرضی سے اپنے گھر سے آئی ہوں، میرے گھر والے زبردستی میری شادی کسی اور سے کرانا چاہ رہے تھے، وہ مجھے مارتے تھے، جس پر میں راضی نہیں ہوئی، اپنی مرضی سے آئی ہوں کسی نے اغوا نہیں کیا جب کہ گھر سے کوئی قیمتی سامان نہیں لائی-

دعا زہرہ نہیں ملی بلکہ صرف نکاح نامہ ملا،پولیس

میں کئی دن سے سوئی نہیں،دعا زہرا کی والدہ کا ویڈیو پیغام

 کراچی سے لاپتہ ہونے والی لڑکی دعا زہرہ کا ویڈیو بیان منظرعام پرآگیا

دعا زہرہ نے نکاح کے بعد والد کے خلاف استغاثہ دائر کردیا۔

دعا نے مزید کہا تھا کہ گھر والے میری عمر غلط بتارہے ہیں، میری عمر 18 سال ہے، اپنی مرضی سے ظہیر احمد سے کورٹ میرج کی ہے، کوئی زبردستی نہیں ہوئی لہٰذا مجھے تنگ نہ کیاجائے، اپنے گھر میں شوہر کے ساتھ بہت خوش ہوں دعا زہرہ نے اپنے شوہر کےحق میں بیان حلفی بھی دیا تھا ں اوربیان حلفی میں 17 اپریل کو ظہیراحمد سے نکاح کی تصدیق بھی کی تھی۔

دوسری جانب دعا زہرہ کے والد نے سندھ ہائیکورٹ میں دائر درخواست میں مؤقف اپنایا تھا کہ ان کی بیٹی ابھی 14 برس کی ہے لہذا قانون کے مطابق اس کی شادی نہیں ہو سکتی، اسے بازیاب کروا کر ہمارے حوالے کیا جائے۔

دعا زہرہ نے نکاح کے بعد والد کے خلاف استغاثہ دائر کردیا۔

دعا زہرا کے نکاح نامے پر لکھے پتے پر کون مقیم ؟دعا گھر سے کیسے نکلی تھی

نکاح نامے پر غلط پتہ،پولیس پھر دعا زہرہ تک کیسے پہنچی؟

کراچی سے بھاگ کر شادی کرنیوالی دعا زہرا کو عدالت نے بھی بڑا حکم دے دیا

واضح رہے کہ قبل ازیں سندھ ہائیکورٹ نے نمرہ کاظمی کی بازیابی سے متعلق درخواست نمٹا دی تھی عدالت نے نمرہ کاظمی سے پوچھا تھا کہ بیٹا آپ کو وہاں کوئی مسئلہ تو نہیں ہے آپ اپنی مرضی سے گئی تھیں یا آپ کو اغواء کیا گیا تھا، جس پرنمرہ نے بتایا کہ میں اپنی مرضی سے گئی تھی عدالت نے نمرہ کاظمی سے دوبارہ استفسار کیا تھا کہ کیا آپ کو اغواء کیا گیا تھا؟ جس پر نمرہ نے بتایا کہ نہیں میں اکیلے اور اپنی مرضی سے گئی تھی جسٹس اقبال کلہوڑو نے کہا کہ بچے جب بڑے ہو جاتے ہیں تو ان کے بھی حقوق ہوتے ہیں۔

دوسری جانب نجیب شاہ رخ کے وکیل نے کہا تھاکہ لڑکی سے شیلٹر ہاؤس میں کسی کو بھی ملنے کی اجازت نہ دی جائےجس پر جسٹس آغا فیصل نے ریمارکس دیئے کہ آپ نے یہ درخواست دائر نہیں کی، کیوں کسی کو لڑکی سے ملنے سے روک دیں؟عدالت نے کہا تھا کہ معاملہ ٹرائل کورٹ کو بھیج دیتے ہیں اور نمرہ کاظمی کو دار الامان بھیج دیتے ہیں، ٹرائل کورٹ کو ہدایت کر دیتے ہیں کہ کسٹڈی کا فیصلہ کرے۔

عدالت نے پولیس کو قانون کے مطابق کیس کا چالان ٹرائل کورٹ میں جمع کرانے کی ہدایت کرتے ہوئے کہا تھا کہ دارالامان میں نمرہ کاظمی سے والدین اور شوہر کو ملنے کی اجازت ہو گی، نمرہ کاظمی کی کسٹڈی اور دیگر معاملات کا فیصلہ ٹرائل کورٹ کرے گی-

عدالت نے نمرہ کاظمی کی بازیابی سے متعلق درخواست نمٹا دی

دعا زہرہ نے نکاح کے بعد والد کے خلاف استغاثہ دائر کردیا۔

باغی ٹی وی : لاہور کی سیشن عدالت میں والد کے خلاف دائر درخواست میں دعا زہرہ نے شادی کے بعد والد پرلاہورمیں واقع گھر میں گھسنے اور کزن کے ساتھ مل کراغوا کرنے کی کوشش کا الزام عائد کیا۔

میں اپنے گھر میں اپنے شوہر کے ساتھ بہت خوش ہوں، دعا زہرہ کا ویڈیو پیغام جاری

دعا زہرہ کا درخواست میں کہنا ہے کہ پسند سے شادی کی ہے اور اپنےشوہر کے ساتھ ہنسی خوشی رہ رہی ہوں میرے والد زبردستی میری شادی میرے کزن زین العابدین سے کرانا چاہتے ہیں 18اپریل کو والد مہدی کاظمی اور کزن زین العابدین اچانک گھر میں گھس آٸےاورمجھے برا بھلا کہا ۔محلے والوں کی مداخلت کی وجہ سے ساتھ لے جانے میں کامیاب نہ ہوسکے۔

دعا زہرہ نے عدالت سے استدعا کی کہ والد اورکزن کو مجھے ہراساں کرنے سے روکنے کا حکم دے لاہورکی سیشن عدالت نے دعا زہرہ کوہراساں کرنے سے روک دیا۔

دوسری جانب دعا زہرہ کے والدین کا کہنا ہےکہ ہوسکتا ہے ان کی بیٹی کی ویڈیوز بناکر اسے بلیک میل کیا گیا ہو کیونکہ دعا ویڈیو میں خوفزدہ نظر آرہی ہے۔

کراچی میں پریس کانفرنس کرتے ہوئے دعا زہرہ کے والد مہدی کاظمی نے بیٹی کو کراچی لانے کا مطالبہ کرتے ہوئے کہا کہ بچی کو اگر میرے پاس نہیں تو چائلڈ پروٹیکشن کےحوالے کیاجائے، مجھے ان پر پورا اعتماد ہے ہم غلط ہوتے تو میڈیا پرکیوں آتے۔

کراچی سےلاپتہ تیسری لڑکی کا نکاح نامہ بھی سامنے آگیا

انہوں نے کہا کہ میری شادی 2005 میں ہوئی، شادی کو 18 سال نہیں ہوئے تو بیٹی کیسے 18 سال کی ہوگئی؟ 27اپریل 2008 دعا کی تاریخِ پیدائش ہے مہدی کاظمی نے پریس کانفرنس کے دوران دعا زہرہ کا پیدائشی سرٹیفکیٹ بھی دکھایا۔

انہوں نے کہا کہ مکمل تفتیش کی جائے تاکہ معلوم ہوکہ اصل معاملہ کیا ہے، میری بیٹی سے جوکہلوایا جارہا ہے وہ اسی طرح بول رہی ہے، گیم کےاندرمیسجنگ سسٹم سے لڑکے نے میری بیٹی کوٹریپ کیا۔

دعا زہرہ کی والدہ نے کہا کہ دعا کا جس نے نکاح پڑھوایا ، نکاح نامے پر اس کی مہر نہیں، میں وکیل کی بیٹی ہوں اتنا قانون میں بھی جانتی ہوں، ہوسکتا ہےمیری بیٹی کی ویڈیوز بناکر اسے بلیک میل کیا گیا ہو، میری بیٹی ویڈیو میں خوف زدہ نظر آرہی ہے۔

دعا زہرہ کیس:اہم پیش رفت: پولیس نے مبینہ نکاح خواں کو حراست میں:مگرمعاملہ پھرپچیدہ

کراچی میں ایک ہفتے کے دوران ملیر سے دوسری لڑکی کے لاپتہ ہونے کا انکشاف ہوا ہے۔

باغی ٹی وی : تفصیلات کے مطابق ملیر سے لاپتہ ہونے والی لڑکی کی والدہ کا کہنا ہے کہ 20 اپریل کو سعود آباد سے ان کی 14 سالہ بیٹی نمرہ کاظمی لاپتہ ہوئی، نمرہ سعود آباد ایس ون ایریا سے لاپتا ہوئی۔

لڑکی کی والدہ کا بتانا ہے کہ صبح 9 بجے کام سے گئی واپس آئی تو نمرہ غائب تھی، کافی تلاش کے باوجود تاحال بیٹی کا کچھ پتہ نہیں چل سکا میری بیٹی دسویں جماعت کی طالبہ ہے اور اس کے امتحان ہونے والے تھے، وزیراعلیٰ، آئی جی سندھ اور دیگر اعلیٰ حکام سے مطالبہ ہے کہ میری بیٹی کو بازیاب کرائیں۔

پولیس کا کہنا ہے کہ بچی کے لاپتہ ہونے کا مقدمہ سعودآباد تھانے میں درج کر لیا گیا ہے اور مقدمہ درج کرکے لڑکی کی تلاش شروع کر دی ہے۔

یاد رہے کہ چند روز قبل کراچی کے علاقے ملیر گولڈن ٹاؤن سے دعا زہرہ نامی لڑکی بھی لاپتہ ہوئی تھی جس کا تاحال کچھ پتہ نہیں چل سکا ہے۔

اس حوالے سے کراچی پولیس چیف غلام نبی میمن کا کہنا ہے کہ پولیس ہر زاویے سے دعا زہرہ کے کیس کو دیکھ رہی ہے اور تمام جدید ٹیکنالوجی کی مدد سے بچی کو ڈھونڈنے کی کوشش کی جا رہی ہے دعازہرہ کی تلاش کےلیے ہر زاویے سے تفتیش کر رہے ہیں، تفتیش کر رہے ہیں تاکہ کوئی مسنگ لنک ہے تو وہ بھی تلاش کر سکیں۔

غلام نبی میمن کا کہنا تھا کہ پولیس اس معاملے میں کلیو لیس نہیں ہے، دعازہرہ کی بازیابی کے لیےہر کوشش اور تمام جدید ذرائع استعمال کر رہے ہیں کراچی ایسے حساس معاملے کو زیادہ اٹھانے سے تفتیش پر اثر پڑے گا، دعازہرہ کی بازیابی کے لیے پولیس ہر ممکن کوشش کر رہی ہے۔

دوسری جانب سماجی رابطے کی ویب سائٹ ٹوئٹر پر دعا زہرہ کے نام سے بنے ٹوئٹر اکاؤنٹ سے ٹوئٹ کیا گیا جس میں دعا زہرہ نے اپنے خیریت سے ہونے کی اطلا ع دی-

دعا زہرہ نے ٹوئٹ میں لکھا کہ میں دعا زہرہ ہوں گزشتہ چند دن میری زندگی کی بدترین دن تھے لیکن اللہ کا شکر ہے کہ اب میں ٹھیک ہوں اور اپنی فیملی کے ساتھ ہوں –

ٹوئٹ میں خاص طور پر اینکر پرسن وسیم بادامی اور معروف صحافی و اینکر اقرار الحسن اور آئی ایس پی آر کو بھی ٹیگ کرتے ہوئے مدد کے لئے شکریہ اداکیا گیا اور لکھا کہ ان تمام لوگوں کا شکریہ جنہوں نے اس مصیبت میں ساتھ دیا اور دعائیں کی-

تاہم دعا زہرہ کے نام سے بنائے گئے اکاؤنٹ سے کی گئی اس ٹوئٹ پر صارفین کا کہنا ہے کہ کچھ پراسرار بات ہے۔ کیوں کسی نے دعا زہرہ کے نام سے ٹویٹر اکاؤنٹ بنایا اور بنیادی طور پر ان کے گھر محفوظ ہونے کی جھوٹی افواہ پھیلائی یہاں تک کہ اس نے وسیم بادامی اور اقرار الحسن، ڈی جی آئی ایس پی آر کو ٹیگ کیا۔اور ہیش ٹیگ بھی استعمال کیا۔

صارفین کا کہنا ہے کہ اس اکاؤنٹ کا سراغ لگایا جانا چاہئے اور انہیں یقین ہے کہ یہ دعا کیس کو سلجھانے میں کم از کم تھوڑا سا اشارہ دے سکتا ہے-