وزیر خزانہ محمد اورنگزیب نے قومی اسمبلی میں بجٹ تقریر میں اعلان کیا ہے کہ ملکی دفاع حکومت کی سب سے اہم ترجیح ہے اور اس کے لیے 2,550 ارب روپے مختص کیے گئے ہیں۔
محمد اورنگزیب نے بھارتی جارحیت کے خلاف پاکستان کی سیاسی قیادت، افواجِ پاکستان اور عوام کی جواں مردی، دانشمندی اور یکجہتی کو تاریخی اہمیت دیتے ہوئے کہا کہ یہ کامیابی ایک شاندار عسکری فتح کے ساتھ قومی وقار اور غیرت کا بھی مظہر ہے۔انہوں نے بتایا کہ سول انتظامیہ کے اخراجات کے لیے 971 ارب روپے کا بجٹ رکھا گیا ہے۔
وزیر خزانہ نے پاکستان کی عسکری اور سیاسی قیادت کو مبارک باد دی اور کہا کہ ہماری افواج نے اپنی پیشہ ورانہ مہارت، شجاعت اور قربانی سے دشمن کو مؤثر جواب دیا، جس نے سرحدوں کے دفاع کو ناقابل تسخیر بنا دیا اور عالمی سطح پر پاکستان کا وقار بڑھایا۔
انہوں نے اس کامیابی کو قوم کی متحدہ قوت قرار دیتے ہوئے کہا کہ پاکستانی ہر مشکل میں متحد رہتے ہیں اور وطن کی حفاظت کے لیے سیسہ پلائی دیوار بن جاتے ہیں۔
سستی بجلی کے لیے 9 ہزار میگا واٹ بجلی گھروں کے معاہدے ختم
پیٹرولیم مصنوعات پر فی لیٹر 2.50 روپے کاربن لیوی عائد کرنے کا اعلان