قومی ٹیم کے سابق کپتان بابر اعظم نے ٹی 20 انٹرنیشنل کرکٹ میں تاریخ رقم کرتے ہوئے روہت شرما کا ریکارڈ توڑ دیا اور دنیا کے سب سے زیادہ رنز بنانے والے بیٹر بن گئے۔
جنوبی افریقہ کے خلاف دوسرے ٹی 20 میچ میں بابر اعظم نے 11 رنز بنا کر یہ سنگِ میل عبور کیا۔ سابق کپتان اب تک 123 میچز میں 4 ہزار 234 رنز بنا چکے ہیں۔بابر اعظم نے اپنے ٹی 20 کیریئر میں 3 سنچریاں اور 36 نصف سنچریاں اسکور کیں، جبکہ ان کا اسٹرائیک ریٹ 128.77 رہا۔اس سے قبل یہ اعزاز سابق بھارتی کپتان روہت شرما کے پاس تھا، جنہوں نے 159 میچز میں 4 ہزار 231 رنز بنا رکھے تھے۔
ٹی 20 انٹرنیشنل کے دیگر ٹاپ بیٹرز میں ویرات کوہلی 117 اننگز میں 4 ہزار 188 رنز کے ساتھ تیسرے، جو بٹلر 132 اننگز میں 3 ہزار 869 رنز کے ساتھ چوتھے، جبکہ پال اسٹرلنگ 3 ہزار 710 رنز کے ساتھ پانچویں نمبر پر ہیں۔واضح رہے کہ پاکستان نے دوسرے ٹی 20 انٹرنیشنل میں شاندار کارکردگی دکھاتے ہوئے جنوبی افریقہ کو 9 وکٹوں سے شکست دے کر سیریز 1-1 سے برابر کر دی
وزیر دفاع نے دانیال چوہدری کے بیان کی سخت مذمت کر دی
تنزانیہ میں انتخابی تشدد، 700 افراد ہلاک، انٹرنیٹ بند اور کرفیو نافذ
ناصر شاہ کی سندھ میں فائر سیفٹی اقدامات تیز کرنے کی ہدایت
امریکا کی وینزویلا میں ممکنہ فوجی کارروائی کی تیاری، اہداف کی نشاندہی