Tag: دوطرفہ تعلقات

وزیراعظم محمد شہباز شریف اور ملائیشیا کے وزیراعظم داتو سری انور ابراہیم کے درمیان ٹیلی فونک گفتگو ہوئی، جس میں دونوں رہنماؤں نے دوطرفہ تعلقات، علاقائی صورتحال اور غزہ امن معاہدے پر تبادلہ خیال کیا۔

وزیراعظم ہاؤس کے مطابق وزیراعظم شہباز شریف کو آج شام ملائیشین ہم منصب کا ٹیلی فون موصول ہوا۔ انہوں نے حالیہ دورۂ کوالالمپور کے دوران ملائیشیا کی قیادت اور عوام کی جانب سے فراہم کی گئی گرمجوش میزبانی پر شکریہ ادا کیا۔شہباز شریف نے کہا کہ دورے کے دوران طے پانے والے معاہدے، خصوصاً حلال گوشت کی برآمدات اور باہمی تعاون کے دیگر شعبے، پاکستان اور ملائیشیا کے تعلقات کو نئی بلندیوں تک لے گئے ہیں۔اعلامیے میں بتایا گیا کہ دونوں رہنماؤں نے علاقائی صورتحال پر بھی بات چیت کی۔ وزیراعظم شہباز شریف نے اپنے ملائیشین ہم منصب کو شرم الشیخ میں ہونے والی غزہ امن معاہدے کی دستخطی تقریب میں اپنی شرکت سے آگاہ کیا۔

دونوں رہنماؤں نے اس امن معاہدے کا خیر مقدم کرتے ہوئے امید ظاہر کی کہ اس سے فلسطینی عوام کی تکالیف میں کمی، انسانی امداد کی بلا روک ٹوک فراہمی اور خطے میں پائیدار امن کے قیام میں مدد ملے گی۔وزیراعظم شہباز شریف نے گفتگو کے دوران پاک۔افغان سرحدی صورتحال پر بھی روشنی ڈالی اور واضح کیا کہ پاکستان افغانستان میں امن و استحکام چاہتا ہے، تاہم اسے افغان سرزمین سے ہونے والی سرحد پار دہشت گردی کا مسلسل سامنا ہے۔انہوں نے زور دیا کہ افغان حکام ایسے دہشت گرد نیٹ ورکس کے خلاف فوری اور مؤثر کارروائی کریں جو پاکستان میں حملوں کی منصوبہ بندی کرتے ہیں۔

وزیراعظم نے بتایا کہ پاکستان نے افغان حکام کی درخواست پر دوحہ میں مذاکرات کی سہولت کے لیے عارضی جنگ بندی پر اتفاق کیا تھا، تاہم تمام دہشت گرد گروہوں بشمول فتنۃ الخوارج، فتنۃ الہندستان، کالعدم تحریک طالبان پاکستان (ٹی ٹی پی) اور بی ایل اے کے خلاف سخت کارروائی ضروری ہے تاکہ سرحدی علاقوں میں امن بحال کیا جا سکے۔ملائیشیا کے وزیراعظم انور ابراہیم نے صورتحال پر تشویش کا اظہار کرتے ہوئے خطے میں کشیدگی میں کمی اور امن و استحکام کی بحالی کے لیے تعمیری کردار ادا کرنے کی پیشکش کی

پی سی بی نے سہ فریقی ٹی 20 سیریز کے لیے زمبابوے کو فائنل کر لیا

نائب وزیراعظم و وزیر خارجہ سینیٹر اسحاق ڈار نے آذربائیجان اور ازبکستان کے وزرائے خارجہ سے علیحدہ علیحدہ ٹیلیفونک گفتگو کی، جس میں دوطرفہ تعلقات، علاقائی تعاون اور مشترکہ ترقیاتی منصوبوں پر تبادلہ خیال کیا گیا۔

دفتر خارجہ کے ترجمان کے مطابق اسحاق ڈار نے آذربائیجان کے وزیر خارجہ جیہون بایراموف سے گفتگو کے دوران وزیراعظم شہباز شریف اور ان کے وفد کو دی گئی پرتپاک میزبانی پر آذربائیجان کی حکومت کا شکریہ ادا کیا۔ اس موقع پر دونوں رہنماؤں نے آئندہ اقتصادی تعاون تنظیم (ECO) کے سربراہی اجلاس پر تفصیلی بات چیت کی، جو جولائی 2025 کے اوائل میں آذربائیجان میں منعقد ہوگا۔ وزرائے خارجہ نے اجلاس کی تیاریوں، شرکت کرنے والے ممالک اور طریقہ کار پر بھی تبادلہ خیال کیا۔

دوسری جانب اسحاق ڈار نے ازبکستان کے وزیر خارجہ سیدوف بختیار اودیلووچ سے بھی ٹیلیفونک رابطہ کیا۔ ترجمان کے مطابق بات چیت کے دوران ازبکستان، افغانستان اور پاکستان کے مابین مجوزہ ریلوے منصوبے پر پیشرفت کا جائزہ لیا گیا۔ فریم ورک معاہدے کی جلد تکمیل، دستخط کی تقریب کے انتظامات اور افغان قیادت سے رابطوں پر بھی بات چیت کی گئی۔

دفتر خارجہ کے مطابق تین ملکی ریلوے منصوبہ خطے میں تجارتی روابط کے فروغ اور معاشی ترقی کے لیے ایک اہم سنگ میل قرار دیا گیا ہے۔ان دو اہم سفارتی رابطوں کے ذریعے پاکستان نے علاقائی شراکت داری اور اقتصادی تعاون کے فروغ کے عزم کو مزید تقویت دی ہے۔

وزیراعظم کا بلوچستان کے لیے 250 ارب روپے مختص کرنے کا اعلان

کوئٹہ ، کوئلہ کان پر حملہ، قبائلی رہنما بھائی سمیت جاں بحق، 11 افراد زخمی