ممبئی: فلم ’’گلی بوائے‘‘ کے معروف گلوکار دھرمیش پرمار 24 برس کی عمر میں چل بسے۔
باغی ٹی وی : بھارتی میڈیا کے مطابق دھرمیش پرمار کی ہلاکت کار حادثے میں ہوئی ہے تاہم ابھی تک ان کی موت کی وجہ کی تصدیق نہیں کی جاسکی ہے گلوکار کی موت نے ان کے مداحوں کو صدمے میں مبتلا کردیا ہے جب کہ اداکار رنویر سنگھ اور سدھانت چترویدی نے بھی دھرمیش پرمار کی موت پر افسوس کا اظہار کیا ہے۔
کنگنا رناوت نے” کشمیرفائلز” کی تعریفوں کے پل باندھ دئیے
گلوکار دھرمیش پرمار نے فلم ’’گلی بوائے‘‘ کا ساؤنڈ ٹریک ’’انڈیا91‘‘ میں اپنی آواز کا جادو جگایا تھا اس کے علاوہ وہ ایک میوزک بینڈ ’’سوادیسی‘‘ کا بھی حصہ تھے فلم ’’گلی بوائے‘‘ 2019 کی کامیاب فلم تھی جس میں اداکار رنویر سنگھ اور سدھانت چترویدی نے ریپر گلوکار کے کردار نبھائے تھے۔
رپورٹ کے مطابق گلوکاردھرمیش پرمار کی موت کی وجہ جاننے کے لیے تحقیقات کی جارہی ہیں ایک میوزک پورٹل کے مطابق ریپر توڑ فوڑ کے گانوں کا بنیادی موضوع ’’کرپٹ اداروں‘‘ کے خلاف کھڑا ہونا تھا اور وہ اپنی موسیقی سے ماحولیاتی اور انسانی حقوق کے لیے آواز اٹھاتے تھے۔
اداکار پربھاس کی فلم کو منفی تبصرے،24 سالہ مداح نے خودکشی کر لی
گلوکار کا ایک ساؤنڈ ٹریک ’’دی وارلی ریوولٹ‘‘ جس کے لیے انہوں نے ایک سماجی کارکن پرکاش کے ساتھ اشتراک کیا تھا یہ گانا ممبئی کے آرے جنگل میں درختوں کی کٹائی کے خلاف تھا۔