پاکستان مخالف فلم دھرندر کے اداکار ندیم خان کو پولیس نے گھریلو ملازمہ سے زیادتی کرنے کے الزام میں گرفتار کرلیا۔
بھارتی میڈیا کے مطابق 41 سالہ خاتون نے شکایت درج کروائی کہ وہ مختلف اداکاروں کے گھروں میں کام کر چکی ہیں اور گزشتہ کئی برسوں سے ندیم خان کے گھر میں بھی کام کر رہی تھیںدونوں کے درمیان قربت بڑھی اور اداکار نے شادی کا وعدہ کیا تھا۔
بھارتی میڈیا کے مطابق متاثرہ خاتون نے الزام عائد کیا ہے کہ شادی کے وعدے پر اداکار نے گزشتہ 10 برس کے دوران متعدد بار ان کے ساتھ زیادتی کی اب اداکار نے شادی سے انکار کردیا جس پر انہوں نے پولیس سے رجوع کیا۔
بھارتی میڈیا کا کہنا ہے کہ پولیس کے مطابق ندیم خان کو اس شکایت پر 22 جنوری کو گرفتار کیا گیا تھا اور وہ اس وقت پولیس کی حراست میں ہیں۔
رنویر سنگھ کی آنے والیفلم ’دھرندر‘ میں پاکستانی پرچم کے بعد پاکستان پیپلز پارٹی (پی پی پی) کے جھنڈے، بینرز اور بینظیر بھٹو کی تصویر کو استعمال کیے جانے کی ویڈیو سامنے آگئی۔
’دھرندر‘ کے کرداروں اور ایکشن مناظر کے جاری کیے گئے ٹیزر میں پیپلز پارٹی کے بینرز، جھنڈے اور بینظیر بھٹو کی تصویر کو بھی دکھایا گیاجاری کیے گئے ٹیزر میں فلم کے مرکزی کرداروں کو دکھایا گیا ہے، جن میں رنویر سنگھ، سنجے دت، اکشے کھنہ اور ارجن رام پال سمیت دیگر کو بھی دکھایا گیا ہےفلم کے ٹیزر، مناظر اور کرداروں سے معلوم ہوتا ہے کہ اس میں پاکستان مخالف بیانیے کو پیش کیا گیا ہے۔
فلم کے جاری کیے گئے مناظر کی ویڈیو میں پاکستان پولیس کے کرداروں کو بھی دکھایا گیا ہےپاکستان پولیس کی جانب سے سنجے دت کے کردار کو گرفتار کرنے کے مناظر بھی دکھائے گئے ہیں جب کہ رنویر سنگھ کی جانب سے قتل و غارت گری کرنے کے مناظر بھی ممکنہ طور پر پاکستانی علاقوں میں دکھائے گئے ہیں۔
مذکورہ مناظر سے قبل فلم کی شوٹنگ کی ایک ویڈیو وائرل ہوئی تھی، جس میں پاکستانی پرچم کو لہراتے دیکھا گیا تھا، جس پر بھارتی سوشل میڈیا صارفین نے رنویر سنگھ کو آڑے ہاتھوں لیتے ہوئے ان کے بائیکاٹ کا مطالبہ بھی کیا تھا۔
ابھی یہ واضح نہیں ہے کہ ’دھرندر‘ کی کہانی کیا ہے لیکن بھارتی میڈیا رپورٹس کے مطابق مذکورہ فلم میں بھارتی خفیہ ایجنسی کے ایک اہلکار کے انتہائی خفیہ اور بڑے مشن کو دکھایا جائے گا جو کہ قومی سلامتی کے معاملات پر کئی سازشوں کو بے نقاب کرتے دکھائی دیں گے۔
