Tag: دھی رانی پروگرام

لاہور: وزیراعلیٰ پنجاب مریم نواز نے پاکستان کا پہلا پنجاب دھی رانی پروگرام لانچ کر دیا۔

باغی ٹی وی : لاہور کے میرج ہال میں 51 شادیوں کے اجتماعی تقریب سے پروگرام کا آغاز ہوا اور نوبیاہتا جوڑوں میں پانچ کرسچن جوڑے بھی شامل تھے وزیراعلیٰ نے تمام نوبیاہتا جوڑوں کو مبارکباد اور دعائیں دیں ڈاکٹر مفتی محمد رمضان سیالوی اور بشپ ندیم کامران نے دعا کرائی۔

نو بیاہتا دلہا دلہن کو میٹرس، کھانے پکانے کا سامان، ڈنر سیٹ سمیت دیگر سامان کے تحائف دیے گئے اس موقع پر وزیراعلیٰ پنجاب مریم نواز نے دھی رانی پروگرام سلام کارڈ کی لانچنگ بھی کی اور ہر دلہن کو سلامی کارڈ بھی دیا۔

اینکر پرسن ہرمیت سنگھ عالمی اربعین ایوارڈ میں پہلی پوزیشن کیلئے منتخب

دلہنیں دھی رانی سلامی کارڈ کے ذریعے ایک لاکھ روپے سلامی حاصل کر سکیں گی تقریب کے شرکا کو محکمہ سوشل ویلفیئر کی جانب سے ظہرانہ دیا گیا اور اس موقع پر مریم نواز نے کہا کہ شادی بچوں اور والدین کیلئے ایک جذباتی لمحہ ہوتاہے، میں بھی آپ کی ماں ہوں، میں بھی خوش ہوں۔

بلاول بھٹو نے شہید ذوالفقار علی بھٹو ایکسپریس وے کے فیز ون کا افتتاح کردیا

وزیر اطلاعات پنجاب عظمٰی بخاری نے کہا ہے کہ پنجاب حکومت بہت جلد دیہاتی خواتین کے لائیو سٹاک پروگرام لا رہی ہے۔ وزیر اعلٰی پنجاب کے قریب ترین دھی رانی پروگرام جلد شروع ہو جائیگا۔

باغی ٹی وی کے مطابق مقامی ہوٹل میں ایک تقریب میں بطور مہمان خصوصی خطاب کرتے ہوئے عظمٰی بخاری نے کہا کہ پنجاب وہ واحد صوبہ ہے جس نے سب سے پہلے کم عمر بچیوں کی شادی پر پابندی لگائی۔ گالم گلوچ، طوفان بدتمیزی، جلاؤ گھراؤ اور مار دو اس ملک کا مقدر نہیں ہیں۔ ہمارے ملک میں جب تک مسالے والی نیوز نہ ہو وہ نیوز ہی نہیں سمجھی جاتی۔ ملکی تعمیر و ترقی میں میڈیا سمیت تمام اداروں کا مثبت کردار نا گزیر ہے۔ انہوں نے کہا کہ پاکستان دنیا کے ان ممالک میں شامل ہیں جہاں بڑھتی ہوئی آبادی کی وجہ سے بہت مسائل جنم لے رہے ہیں۔ جس رفتار سے آبادی بڑھ رہی ہے ویسے وسائل نہیں بڑھ رہے۔دنیا میں بہت سے اسلامی ممالک فیملی پلاننگ کر رہے ہیں مگر بدقسمتی سے ہمارے ملک میں اس پر بات کرنا بھی گناہ سمجھا جاتا ہے۔ مذہب پر ہم سب کی اپنی اپنی تعریف ہے۔ دکھ کی بات ہے کہ سیاست دانوں کے پاس ان ایشوز پر بات کرنے کے لئے وقت ہی نہیں ہے۔ ہم جب تک اپنے ایشوز پر مل کر بات نہیں کریں گے ایشوز حل نہیں ہوں گے۔ انکا کہنا تھا کہ پیمرا ء رولز کے مطابق تمام چینلز کو اپنے ایئر ٹائم میں سے دس فیصد وقت پبلک سروس کے میسجز کے لئے صرف کرنا ہوتا ہے۔ مگر یہاں کوئی بھی میڈیا ہاؤس اس رول کو فالو نہیں کرتا۔ وزیر اطلاعات نے کہا کہ ہم سب کو دیکھنا چاہیے کہ ہمارے ملک میں کتنی عورتیں اور بچے غذائی قلت کا شکار ہیں۔ ڈومیسٹک وائیلنس کا بل میں نے بنایا تھا مگر مجھ پر فتوے لگ گئے تھے۔ آج خواتین کی اچھی صحت بہت بڑا ایشو ہے۔ پانچ بچوں کی بجائے دو بچوں کو پالنا بہت آسان ہے۔ وزیر اعلٰی پنجاب فیملی پلاننگ کے ٹاپک کو بڑی سنجیدگی سے لیتی ہیں۔ہم وفاقی حکومت کے ساتھ بھی اس معاملے پر کام کررہے ہیں۔ ہم سب کو ایک ٹیبل پر بیٹھنا اور فیملی پلاننگ پر بات کرنا ہوگی۔ ہم سب مل کر اور ایک دوسرے کے ساتھ ڈائیلاگ کرکے ہی ملک کو آگے لے جا سکتے ہیں۔کوئی بھی حکومت اپنے طور پر کچھ نہیں کرسکتی ریاست کو اس پر مل کر چلنے کی ضرورت ہے۔ انکا مزید کہنا تھا کہ ہم اتنے زیادہ ماڈرن ہوچکے ہیں کہ ہمارے ملک میں بھی اولڈ ایج ہوم کھل گئے ہیں۔ ہمارے صوبے میں ورچوئل پولیس اسٹیشنز کے اندر خواتین کو پولیس اسٹیشن آئے بغیر تحفظ فراہم کیا جاتا ہے۔ وزیر اعلٰی پنجاب کی جانب سے بچیوں کو موٹرسائیکلیں دی جارہی ہیں۔پاکستان کو اس کا مقام دلوانا ہے۔پاکستان کی معیشت کو کامیاب معیشت بنانا ہے۔

بینکوں کو 11 ہزار 179 ارب روپے مارکیٹ آپریشن میں جاری

سونے کی قیمتوں میں آج بھی بڑی کمی

اسلام آباد،بلوچستان کے اسکول اور کالجز میں تعطیلات کا اعلان

پاکستان میں 87 فیصد ادائیگیاں ڈیجیٹل ذرائع سے کی جا رہی

لاہور:وزیراعلیٰ پنجاب مریم نواز کی ہدایت پر "دھی رانی پروگرام” کے تحت دسمبرسے اجتماعی شادیوں کا باقاعدہ آغاز کیا جائے گا۔

باغی ٹی وی : صوبائی وزیر سوشل ویلفیئر اینڈ بیت المال سہیل شوکت بٹ کی زیر صدارت اجلاس ہوا، اجلاس میں وزیراعلیٰ پنجاب کے سیاسی مشیر ذیشان ملک، سیکرٹری سوشل ویلفیئر جاوید اختر محمود، ڈی جی سوشل ویلفیئر سکندر ذیشان، سیکرٹری ویمن ڈیولپمنٹ عثمان علی خان، کمشنر لاہور زید بن مسعود اور ڈپٹی کمشنر لاہور سید موسیٰ رضا نے شرکت کی۔

ڈی جی سوشل ویلفیئر سکندر ذیشان نے اجلاس کے شرکاء کو دھی رانی پروجیکٹ پر پیشرفت سے آگاہ کیا بریفنگ میں بتایا گیا کہ دسمبر 2024 سے اجتماعی شادیوں کا باقاعدہ آغاز کیا جائے گا اور وزیراعلیٰ پنجاب مریم نواز کے دستِ شفقت سے اس نیک عمل کا آغاز لاہور سے کیا جائے گا،پروگرام کے تحت ایسی غریب، یتیم اور جسمانی معذوری کا شکار خواتین جن کے والدین معذور ہیں اور جن کی عمر 18 سے 40 سال کے درمیان ہے، وہ اس پروگرام میں شمولیت کی اہل ہوں گی۔

بریفنگ میں بتایا گیا کہ وزیراعلیٰ پنجاب مریم نواز دھی رانی پروگرام کے تحت صوبے کے تمام اضلاع میں پہلے مرحلے میں 1500 مستحق جوڑوں کی اجتماعی شادیاں کروائیں گی پروگرام کے بارے میں شکایات کے لیے سیکرٹری سوشل ویلفیئر کے دفتر میں براہ راست رابطہ کیا جا سکتا ہے۔

صوبائی وزیر سہیل شوکت بٹ نے کہا کہ وزیراعلیٰ پنجاب مریم نواز کی جانب سے اجتماعی شادیوں کا اعلان حقیقی فلاحی اسلامی ریاست کی جانب ایک اہم قدم ہے اجتماعی شادیوں کے دوران جوڑوں کو دی جانے والی سلامی کی رقم1 لاکھ روپے ہوگی اجتماعی شادیوں کے دوران وزیراعلیٰ پنجاب کی جانب سے دیئے جانے والے تحفوں کی خریداری پیپرا قوانین کے مطابق کی جائے گی تاکہ تحائف کی خریداری کے عمل میں شفافیت برقرار رکھی جا سکے۔