Tag: دہشت گردی کے خلاف جنگ

شمالی وزیرستان: 19 مئی 2022 کو جنوبی وزیرستان کے ضلع مکین کے جنرل علاقے میں فوجی قافلے پر دیسی ساختہ بم کا دھماکہ ہوا۔ ذرائع کے مطابق اس بزدلانہ حملے میں حوالدار محمد سنورشہید ہوگئے ہیں ، حوالدار محمد سنورکا تعلق جہلم سے تھا اور ان کی عمر 39 سال تھی ، علاقے میں کسی بھی دہشت گرد کے خاتمے کے لیے علاقے کی کلیئرنس کی جا رہی ہے۔

شمالی وزیرستان سے پاک فوج کے ذرائع کے مطابق پاک فوج کے جوانوں نے شمالی وزیرستان میں ملک وقوم کے دشمنوں کے خلاف آپریشن جاری ہیں اور ایک تازہ آپریشن میں پاک فوج کے جوانوں نے 17 مئی 22 کو سیکیورٹی فورسز نے شمالی وزیرستان کے ضلع میر علی کے جنرل ایریا میں انٹیلی جنس کی بنیاد پر آپریشن کیا۔

پاک فوج کے شعبہ تعلقات عامہ ( آئی ایس پی آر) کی طرف سے جاری کردہ بیان کے مطابق خیبرپختونخوا کے ضلع شمالی وزیرستان کے علاقے میر علی میں سیکیورٹی فورسز نے خفیہ اطلاعات کے ملنے کےبعد ان دہشت گردوں کا پیچھا کیا اورپھرایک کامیاب کارروائی کی

شدید فائرنگ کے تبادلے میں ایک دہشت گرد مارا گیا۔ مارے گئے دہشت گرد کی شناخت دہشت گرد محمد الطاف کے نام سے ہوئی ہے۔ ہلاک دہشت گرد سے اسلحہ اور گولہ بارود بھی برآمد ہوا ہے۔ مارا گیا دہشت گرد سیکورٹی فورسز کے خلاف دہشت گردی کی کارروائیوں میں سرگرم رہتا ہے۔