Tag: دیپیکا پڈوکون

یپیکا پڈوکون آج 36 برس کی ہو گئیں ہیں، دیپیکا اپنے سٹائل اور خوبصورت اداکاری کی وجہ سے کافی مشہور ہیں. دیپیکا بالی وڈ کی سب سے زیادہ پسند کی جانے والی اداکاراؤں میں سے ایک ہیں۔ انہوں اپنے فنی کیرئیر کا آغاز شاہ رخ خان کے ساتھ اوم شانتی اوم سے کیا تھا پہلی ہی فلم نے ان کی قسمت بدل دی ،اور دیپیکا ہر بڑے فلم میکر کی چوائس بن گئیں، یوں پہلی فلم کے بعد اداکارہ نے پیچھے مڑ کر نہیں دیکھا۔ آج ان کا شمارہندوستان کی سب سے زیادہ معاوضہ لینے والی اداکاراؤں میں ہوتاہے. ان کی خدمات کے اعتراف میں انہیں تین فلم فئیر بھی مل چکے ہیں. 2018 میں ٹائم نے دیپیکا دنیا کی 100 بااثر ترین شخصیات میں سے ایک قرار دیا اور 2022 میں TIME100 امپیکٹ ایوارڈ سے نوازا۔

دیپیکا پڈوکون بیڈمنٹن کھلاڑی پرکاش پڈوکون کی بیٹی ہیں جو کہ کوپن ہیگن میں پیدا ہوئیں اور ان کی پرورش بنگلور میں ہوئی۔ انہوں نے قومی سطح کی چیمپئن شپ میں بیڈمنٹن کھیلی لیکن فیشن ماڈل بننے کے لیے اس کھیل کو چھوڑ دیا۔بہت جلد ہی انہیں فلمی کرداروں کی پیشکشیں موصول ہونا شروع ہو گئیں ،اپنی پہلی فلم سے ہی انہوں نمبر ون اداکارائوں کو ٹف ٹائم دینا شروع کر دیا اور فلم فئیر جیتا. ان کی مشہور فلموں میں کاک ٹیل ، ہیپی نیو ائیر ، باجی رائو مستانی ، پدماوت ، پیکو کے نام قابل زکر ہیں. دیپیکا آج کل فلم پٹھان میں اپنے بولڈ‌گانوں کی پکچرائزیشن کی وجہ سے بہت زیادہ چرچا میں ہیں، اداکارہ نے رنویر سنگھ سے شادی کی اور خاصی خوش ہیں۔

اداکار ارسلان نصیر بھی فلم پٹھان اور دیپیکا کے گانے پر ہونے والی تنقید میں‌ کود پڑے ہیں. انہوں انتہا پسند ہندئوں سے ایک سوال کیا ہے انہوں نےکہا ہے کہ آپ لوگ دیپیکا کے گانے پر تنقید کررہے ہیں کہ اس نے زعفرانی رنگ کا لباس پہن رکھا ہے، فلم پٹھان کے نام پر تنقید بھی کی جا رہی ہے ، ٹھیک ہے آپ جو کررہے ہیں کرتے رہیں لیکن زرا یہ تو بتائیے کہ اس پہ تنقید کیوں نہیں ہو رہی کہ دیپیکا گانے میں لفظ شرافت کو شریفی کہہ رہی ہیں. اس پہ بھی احتجاج کیا جائے کہ کیوں اردو زبان کا قتل عام ہو رہا ہے. ارسلان نصیر نے بھارتی فلم میکرز کو آڑھے ہاتھوں

لیتے ہوئے کہا کہ برائے مہربانی اردو زبان کا قتل عام بند کیاجائے. یاد رہے کہ فلم پٹھان جو کہ جنوری کے آخری ہفتے میں ریلیز ہونے جا رہی ہے اس پر انتہا پسند ہندو نہ صرف تنقید کررہے ہیں بلکہ فلم کے بائیکاٹ کا ٹرینڈ بھی چلایا جا رہا ہے، شاہ رخ خان اس فلم کے زریعے چار سال کے بعد بڑی سکرین پر واپسی کررہے ہیں. دوسری طرف دیپیکا اور شاہ رخ خان کو ایک ساتھ دیکھنے کےلئے شائقین کافی بے تاب نظر رہے ہیں . شاہ رخ خان کا کہنا ہےکہ یہ فلم ہر لحاظ‌ سے انٹرٹیننگ ہے.

فلم پٹھان جس سے شاہ رخ خان چار سال کے بعد سینما گھروں میں واپسی کررہے ہیں‌، اس کی ریلیز کا شائقین شدت سے انتظار کررہے ہیں. اس فلم کا حال ہی میں گانا ہمیں تو لوٹ‌لیا عشق والوں نے سپر ہٹ ہو گیا ہے سپر ہٹ ہونے کے ساتھ ساتھ تنقید کی زد میں بھی ہے، انتہا پسند ہندو اس فلم کو بین کرنے کی ڈیمانڈ کررہے ہیں اورباقاعدہ بائیکاٹ کے ٹرینڈز چلائے جا رہے ہیں. اس فلم کے حوالے سے تازہ اطلاعات یہ ہیں کہ اس فلم نے تمام تر تنازعات کے باوجود ریلیز سے پہلے ہی 270 کروڑ روپے کی کما لئے ہیں. 250 کروڑ بھارتی روپوں کے ساتھ بنی اس فلم کے او

ٹی ٹی رائٹس قبل ہی تقریبا 100 کروڑ روپے میں فروخت ہو چکے ہیں ، یاد رہے کہ پٹھان کے او ٹی ٹی حقوق ایمیزون پرائم نے خریدے ہیں۔ شاہ رخ خان کی اس فلم میں لُکس کافی مختلف ہیں پہلے کبھی ان کو ایسی لُکس میں نہیں دیکھا گیا. اُدھر شاہ رخ خان اور دیپیکا پڈوکون کی جوڑی کو بھی ایک ساتھ دیکھنے کےلئے شائقین بے صبری سے انتظارکررہے ہیں. دیکھنا یہ ہے کہ پٹھان بائیکاٹ ٹرینڈز کا شکار ہوپاتی ہے یا اچھا بزنس کرنے میں کامیاب ہوجاتی ہے.

بالی وڈ اداکارہ دیپیکا پڈوکون جن کاحال ہی میں گانا ہمیں تو لوٹ لیا عشق والوں نے ریلیز ہوا ہے. اس گانے کی ریلیز کے بعد وہ شدید تنقید کی زد میں ہیں. اس گانے پر شدید تنقید کے بعد ابھی تک شاہ رخ خان اور دیپیکا کا کوئی بیان سامنے نہیں‌آیا. اب اطلاعات ہیں کہ دیپیکا ممبئی سے قطر روانہ ہو گئی ہیں. دیپیکا پڈوکون ممبئی ائیر پورٹ پر بہت زیادہ پر اعمتاد دکھائی دیں. دوسری طرف فلم پٹھان کی ریلیز بھی خطرے میں نظر آرہی ہے کیونکہ اس فلم کا گانا اور نام تبدیل کئے جانے کی ڈیمانڈ کی جا رہی ہے.یاد رہے کہ شاہ رخ خان کی فلم پٹھان کے گیت میں ہیروئن دپیکا پڈوکون کے زعفرانی لباس کو وجہ بنا کر بھارتی انتہا پسندوں نے فلم کے بائیکاٹ کا اعلان کیا ہے۔ شاہ رخ کے ساتھ دپیکا کے

زعفرانی رنگ کے لباس کے منظر کو بھارتی انتہا پسندوں نے مذہبی تعصب کا رنگ دیا ہے۔ہندو مذہب میں زعفرانی رنگ کو مقدس سمجھا جاتا ہے ۔بھارتیہ جنتا پارٹی سے تعلق رکھنے والے بھارتی ریاست مدھیہ پردیش کے وزیر داخلہ نے گانے اور دپیکا کے کپڑوں کے رنگ کی مخالفت کی اور کہا کہ دپیکا جواہر لعل نہرو یونیورسٹی میں ہونے والے احتجاج کی حمایت بھی کرتی رہی ہیں۔انہوں نے کہا کہ فلم کے مناظر میں تبدیلی نہ کی گئی تو مدھیہ پردیش میں پابندی لگا دیں گے۔یوں شاہ رخ خان آگئے ہیں شدید پریشانی کی زد میں.

بالی وڈ کے کنگ کہلائے جانے والے شاہ رخ خان کی فلم پٹھان ریلیز سے قبل تنازعات کی زد میں آ گئی ہے۔ فلم پٹھان کے ریلیز ہونے والے پہلے گانے کو بھی سخت تنقیدکا سامنا کرنا پڑ رہا ہے۔اس گانے میں دیپکا پڈوکون زعفرانی رنگ کا لباس پہنے ڈانس کرتی نظر آئیں ۔ جس پرہندو انتہا پسند فلم اور فلم کے اداکاروں پر سخت تنقید کررہے ہیں ۔اور وہ اس فلم کے بائیکاٹ کا مطالبہ کر رہے ہیں۔ہندو انتہا پسندوں کے بعد اب مسلمان علماء بھی اس فلم پر تنقید کر ہے ہیں۔مدھیہ پردیش علما بورڈ کے صدر سید انیس علی نے کہا ہے کہ اس فلم نے مسلمانوں کے بھی جذبات کو ٹھیس پہنچائی ہے۔سید انیس علی مزید کہتے ہیں کہ اس فلم کا نام تبدیل کیا جائے۔فلم میں نہ صرف پٹھان

برادری کوبلکہ پوری مسلم کمیونٹی کو بدنا م کیا گیا ہے۔اگر فلم کانام تبدیل نہ کیا تو ہم مدھیہ پردیش میں اس فلم کو ریلیز نہیں ہونے دیں گے اور اس فلم کے خلاف قانونی چارہ جوئی کریں گے۔ یاد رہے کہ فلم کا جو گانا ریلیز کیا گیا ہے اس میں دیپیکا نہایت مختصر لباس میں نظر آرہی ہیں. دیپکا کا مختصر لباس زیادہ تنقید کی زد میں ہے. دیگر حوالوں سے بھی فلم کے بائیکاٹ کا ٹرینڈ چل رہا ہے اب دیکھنا یہ ہے کہ یہ فلم بائیکاٹ کے ٹرینڈ سے بچ جائیگی گا یا اس کاحال بھی لال سنگھ چڈھا جیسا ہی ہو گا .

شاہ رخ خان کی فلم پٹھان کا جب سے ٹیزر ریلیز ہوا ہے یہ تنازعات میں ہی گھری ہوئی نظر آتی ہے. حال ہی میں فلم کا گانا بے شرم رنگ جو کہ دیپیکا پڈوکون پر فلمایا گیا ہے ریلیز کیا گیا ہے گانے کے مناظر بولڈ ہونے کی وجہ سے اس پر خاصی تنقید کی جا رہی ہے ، دیپیکا اس میں مختصر لباس میں نظر آرہی ہیں. سوشل میڈیا صارفین بھی جہاں تنقید کرتے ہوئے نظر آرہے ہیں وہیں بھارت کی ریاست مدھیا پردیش کے وزیر داخلہ نے ’پٹھان‘ کا نیا گانا سامنے آنے کے بعد اس میں اداکارہ دیپیکا پڈوکون کے کپڑوں پر اعتراض کرتے ہوئے کہا ہے کہ نہ صرف فلم کا نام تبدیل

کیا جائے بلکہ اس میں پہنے گئے کپڑوں کو بھی ٹھیک کریں اور گانے کے کچھ مناظر کو بھی تبدیل کیا جائے. مدھیا پردیش کے وزیر داخلہ کا مزید کہنا ہے کہ اگر ایسا نہ کیا گیا تو ہم مدھیا پردیش میں فلم کی ریلیز کے بارے میں سوچیں گے. یاد رہے کہ فلم پٹھان اگلے برس ریلیز ہونے جا رہی ہے لیکن اب دیکھنا یہ ہے کہ مدھیا پردیش کے وزیر کے اعتراضات کے بعد شاہ رخ خان اور ان کی ٹیم ان اعتراضات سے نمٹنے کے لئے کیا حکمت عملی اپناتے ہیں.

بالی وڈ‌ اداکارہ دیپیکا پڈوکون جن کا حال ہی میں روہت شیٹی کی فلم سرکس میں گانا کرنٹ‌لگا رہے ریلیز ہوا ہے نے دھوم مچا دی ہے . دیپیکا پڈوکون کے بارے میں روہت شیٹی نے کہا ہے کہ میری فلم سنگھم اگین میں دیپیکا پڈوکون ایک پولیس آفیسر کا کردار ادا کریں گی . انہوں نے کہا کہ عموما ہوتا یہ ہےکہ مرد ہی پولیس والے بن کر ایکشن کرتے ہیں لیکن سنگھم اگین میں دیپیکا بھی پولیس والی بن کر ایکشن کردار کرتی نظر آئیں گی. روہت شیٹی کا کہنا ہے کہ جس طرح سے سنگھم کی پہلی فلموں کا پسند کیا گیا ہے اسی طرح‌سے سنگھم اگین کو بھی پسند کیا جائیگا. انہوں نے کہا کہ کرنٹ لگا رہے ایک آئٹم سانگ ہے جسے بہت ہی خوبصورت انداز میں فلمایا گیا ہے. دیپیکا کی

صلاحیتوں سے کسی کو بھی انکار نہیں‌ہو سکتا . اس لئے مجھے یقین ہے کہ یہ پولیس والی خاتون کا کردار بہت ہی خوبصورت طریقے سے نبھا لیں گی. یاد رہے کہ سنگھم اگین میں دیپیکا کے ساتھ اجے دیوگن ہوں گے اس فلم کی شوٹنگ اگلے برس شروع ہو گی اور روہٹ‌شیٹی کا دعوی ہے کہ اس فلم کو بھی پہلے کی طرح بہت زیادہ پسند کیا جائیگا .ان کا یہ بھی کہنا ہے کہ دیپیکا اور اجے کو ایک ساتھ بھی پسند کیا جائیگا.

دیپیکا پاڈوکون بالی وڈ کی سب سے خوبصورت اور باصلاحیت اداکارہ ہیں ، ان کے شوہر رنویر سنگھ کو بھی عوامی سطح پر بہت زیادہ پذیرائی ملتی ہے ، دونوں ایک بڑی فین فالونگ رکھتے ہیں. ان دونوں کے مداحوں کے لئے ایک بڑی خوشخبری ہے کیونکہ اب دونوں ایک ساتھ ڈانس نمبر میں دکھائی دیں گے . ڈائریکٹر روہٹ شیٹی کی فلم سرکس جس میں رنویر سنگھ مرکزی کردار ادا کررہے ہیں یہ 23 دسمبر کو ریلیز ہونے جا رہی ہے ، اس میں دیپیکا اور رنویر سنگھ کا گانا کرنٹ لگا رے کو شامل کیا گیا ہے. گانا ریلیز کر دیا گیا ہے ، مداح گانے کو بہت زیادہ پسند کررہے ہیں. اس گانے میں ہندی کے ساتھ تامل لفظ بھی استعمال کئے گئے ہیں.شائقین ان دونوں کے ڈانس نمبر کو دیکھ کر کافی خوش دکھائی دے رہے ہیں. اب اس ڈانس نمبر

کا فلم کی کامیابی میں کتنا کردار ہوتا ہے یہ تو آنے والا وقت ہی بتائے گا. یاد رہے کہ کچھ عرصہ قبل رنویر سنگھ اور دییکا پڈوکون کی علیحدگی کی خبریں بھی منظر عام پر آئیں تھیں جنہوں ان دونوں نے یکسر رد کر دیا تھا . جوڑا آپس میں کافی خوش ہے لیکن ان کی علیحدگی کی خبریں کیوں اور کیسے سامنے آئیں اس پر دونوں نے سوال اٹھائے تھے لیکن ان کے پرستار یہ جان کر کافی خوش ہوئے کہ دونوں ایک دوسرے کے ساتھ خوشگوار زندگی گزار رہے ہیں .

اداکارہ دیپیکا پڈوکون گزشتہ روز انسٹاگرام پر لائیو آئیں اور آئیں بھی وہ اپنے برانڈ کی تشہیر کے لئے . دیپیکا نے لائیو آکر برانڈ کی مصنوعات کے بارے میں بات کی اس کے فوائد سے لوگوں کو آگاہ کیا اس دوران رنویر سنگھ نے لائیو کمنٹس کرنا شروع کر دئیے. انہوں نے لکھا واہ واہ جوش تو دیکھو ، پھر انہوں نے اپنے مداحوں کو مخاطب کرتے ہوئے بتایا کہ ان کی اہلیہ سخت محنت کر رہی ہیں۔بعد میں انہوں نے برانڈ کی مصنوعات کی تعریفیں بھی کیں۔رنویر نے ایک سوال یہ بھی لکھا کہ آپ گھر کب آرہی ہیں؟یہ پہلا موقع نہیں ہے کہ رنویر نے لائیو دیپیکا کے ساتھ انٹریکشن کیا اس سے پہلے بھی یہ جوڑا ایک دوسرے کے ساتھ سوشل

میڈیا پر اکثر کمنٹس کے زریعے بات چیت کرتا رہتا ہے.واضح رہے کہ دیپیکا اور رنویر نے 4 نومبر کو اپنی شادی کی سالگرہ منائی اور اداکار رنویر سنگھ نے اپنی اہلیہ کو سرپرائز دیا اور سپرپرائز بھی ایسا تھا کہ وہ اپنی اہلیہ کے آفس چاکلیٹس لیکر پہنچ گئے. رنویر اس وقت روہت شیٹی کی فلم سرکس کی ریلیز کے لیے تیار یاں کررہے ہیں . اس میں پوجا ہیگڑے اور جیکولین فرنینڈس بھی اہم کرداروں میں نظر آئیں گی۔ اس کے علاوہ ان کی عالیہ بھٹ کے ساتھ راکی ​​اور رانی کی پریم کہانی بھی ریلیز ہونے والی ہے۔ دوسری جانب دیپیکا کے پاس شاہ رخ خان اور جان ابراہم کے ساتھ پٹھان، ہریتھک روشن کے ساتھ فائٹر فلم جیسا پراجیکٹ ہے.

رنویر سنگھ اس وقت فلم انڈسٹری کے باصلاحیت اداکاروں میں سے ایک ہیں۔ اداکار نے 2010 میں منیش شرما کی فلم بینڈ باجا بارات میں انوشکا شرما کے ساتھ بالی وڈ میں قدم رکھا۔ رنویر سنگھ نے پے در پے سپر ہٹ‌فلمیں دیں یوں انہوں نے پھر کبھی پیچھے مڑ کر نہیں دیکھا. رام لیلا، باجی راؤ مستانی، پدماوت، گلی بوائے، اور سمبا سمیت دیگر فلموں میں ان کی اداکاری دیکھنے سے تعلق رکھتی ہے. رنویر نے حال ہی میں ماراکیچ انٹرنیشنل فلم فیسٹیول کے 19ویں ایڈیشن میں شرکت کی، جہاں انہیں ایوارڈ ملا۔ میڈیا سے بات چیت کے دوران، اس نے کہا کہ میں‌نے شروع کے تین ساڑھے تین سال بہت جدوجہد کی ، مجھ سے ایسے سوال ہوتے تھے تم محنتی ہو، یا ہوشیار کارکن؟ میں خود کو

ہوشیار نہیں سمجھتا تھا اس لیے کہہ دیتا تھا کہ میں ایک محنتی ہوں۔تو مجھے آگے سے کہاجاتا کہ ڈارلنگ، ہوشیار بنو، سیکسی بنو۔ یوں میں نے شروع کے تین ساڑھے تین سالوں میں بہت تجربات کئے. واضح رہے کہ رنویر سنگھ کو آخری بار جیش بھائی جوردار میں دیکھا گیا تھا جس میں شالینی پانڈے، بومن ایرانی، اور رتنا پاٹھک شاہ نے کام کیا تھا۔ اس کے بعد رنویر کے پاس بھی پائپ لائن میں کئی پروجیکٹس ہیں جن میں روہت شیٹی کی اگلی ہدایت کاری والی فلم سرکس جس میں جیکولین فرنینڈس، پوجا ہیگڑے، اور ورون شرما شامل ہیں۔ یہ فلم 23 دسمبر 2022 کو دنیا بھر میں تھیٹر میں ریلیز ہونے والی ہے۔ سرکس 1982 کی ہندی فلم انگور پر مبنی ہے۔اس کے علاوہ رنویر کے پاس کرن جوہر کی رومانٹک کامیڈی فلم راکی ​​اور رانی کی پریم کہانی بھی ہے جس میں عالیہ بھٹ، دھرمیندر، شبانہ اعظمی اور جیا بچن ہیں۔ یہ فلم 28 اپریل 2023 کو تھیٹر میں ریلیز ہونے والی ہے۔