دی فارن پریس ایسوسی ایشن (ایف پی اے) نے غزہ میں صحافیوں کی رسائی میں مسلسل تاخیر پر گہری تشویش ظاہر کی ہے۔
تنظیم کے مطابق اسرائیلی سپریم کورٹ نے ایک بار پھر حکومتی جواب کے لیے مہلت دے دی ہے، حالانکہ درخواست گزشتہ 14 ماہ سے زیرِ التوا ہے اور اسرائیلی حکومت کوئی سنجیدہ دلچسپی نہیں دکھا رہی۔ایف پی اے کا کہنا ہے کہ عدالت کا 23 اکتوبر کا حکم حتمی سمجھا گیا تھا، لیکن نئی توسیع انتہائی مایوس کن ہے۔ ستمبر 2024 سے جاری بار بار کی تاخیر نے نہ صرف قانونی عمل کو غیر سنجیدہ بنا دیا ہے بلکہ صحافیوں کی آزادی اور شفافیت کے حوالے سے بھی شدید خدشات پیدا کر دیے ہیں۔
عدالت نے اسرائیلی حکومت کو 4 دسمبر تک جواب دینے کی مہلت دی ہے، اور ایف پی اے کو امید ہے کہ یہ آخری توسیع ثابت ہوگی