Tag: ذدگان

برطانیہ نے پاکستان کے سیلاب متاثرین کی مدد کے لیے 1 کروڑ 50 لاکھ پاؤنڈز (تقریباً سات ارب پاکستانی روپے ) کی مالی مدد کا اعلان کر دیا۔

🇬🇧 announces further £15m of assistance for Pakistan, over 10% of @UNinPak @GovtofPakistan #FlashAppeal cc @CMShehbaz @BBhuttoZardari @sherryrehman👇https://t.co/zTRK0BjPjH

— Christian Turner (@CTurnerFCDO) September 1, 2022

سیکرٹری خارجہ لز ٹرس نے اعلان کرتے ہوئے کہا کہ برطانیہ پاکستان کو تباہ کن سیلاب کے بعد زندگی بچانے کے لیے امداد فراہم کر رہا ہے، ملک کا ایک تہائی حصہ پانی کے اندر ڈوبا ہوا ہے۔

برطانوی حکومت کی طرف سے جاری کردہ بیان کے مطابق برطانیہ کی طرف سے 15 ملین پاؤنڈز کی امداد سے ملک بھر کے لوگوں کو پناہ گاہ اور ضروری سامان فراہم کرنے میں مدد ملے گی۔ سیلاب سے 33 ملین سے زیادہ افراد متاثر ہوئے ہیں، 1,100 افراد زندگی کی بازی ہار چکے ہیں، سکریٹری خارجہ کی طرف سے اعلان کردہ تازہ ترین فنڈنگ گزشتہ ہفتے کے آخر میں برطانیہ کی جانب سے تباہی کے لیے 1.5 ملین پاؤنڈ فراہم کرنے کے بعد سامنے آئی ہے۔

برطانیہ سیلاب متاثرین کی مدد کیلئے پاکستان کو 15 ملین پاؤنڈ کی مالی مدد کرے گا.5 ملین پاؤنڈ اقوام متحدہ کی فلیش اپیل کے بعد پاکستان کو دیے جا رہے ہیں۔10 ملین پاؤنڈ متاثرہ علاقوں میں کام کرنے والی عالمی ایجنسیوں کے ذریعہ دیے جائیں گے۔ 10 ملین پاؤنڈ کی رقم پینے کے صاف پانی شیلٹر اور خواتین و بچیوں کی امداد پر خرچ کی جائے گی۔

برطانوی سیکرٹری خارجہ لز ٹرس نے کہا کہ پاکستان کے ساتھ کھڑے ہیں کیونکہ لاکھوں لوگوں کو تباہ کن سیلابوں کا سامنا ہے جس نے ملک کا ایک تہائی حصہ متاثر کیا ہے جو تقریباً برطانیہ کے حجم کے برابر ہے، ایک بڑے انسانی ہمدردی کے عطیہ دہندگان کے طور پر ہم سب سے زیادہ کمزور لوگوں تک زندگی بچانے والی امداد حاصل کرنے کے لیے ہر ممکن کوشش کریں گے

وزیر مملکت برائے جنوبی اور وسطی ایشیائی لارڈ طارق احمد آف ومبلڈن نے کہا کہ ہم موسمیاتی تبدیلی کے المناک اثرات اور لاکھوں لوگوں پر پڑنے والے اثرات کو پہلے سے دیکھ رہے ہیں۔ برطانیہ پاکستانی حکام کے ساتھ 24 گھنٹے کام کر رہا ہے تاکہ اس بات کا تعین کیا جا سکے کہ قلیل مدتی اور طویل مدتی میں کس مدد کی ضرورت ہے۔

صوبائی وزیر سکول ایجوکیشن پنجاب مراد راس کی سیلاب سے ہونے والے نقصان و تباہی کا جائزہ لینے کے لئے پنجاب کے ضلع راجن پور پہنچ گئے۔ اس موقع پر اظہارِ خیال کرتے ہوئے وزیر تعلیم پنجاب مراد راس کا کہنا تھا کہ سیلاب کی بدولت لوگوں کا بہت نقصان ہوا ہے۔ یہاں راجن پور میں لوگوں کی فصلیں تباہ اور بہت سی عمارتیں سیلاب سے متاثر ہوئیں ہیں۔

مراد راس نے بتایا کہ راجن پور میں بہت سے سکول بھی سیلاب کی تباہی کی بدولت متاثر ہوئے اور آج ہم نے کئی ایسے سکولوں کا دورہ کیا جن میں پانی کھڑا ہے۔ وزیر تعلیم پنجاب نے یقین دہانی کرائی کہ حکومتِ پنجاب سیلاب سے متاثرہ افراد کو ریلیف فراہم کرنے کے لئے دن رات کام کر رہی ہے۔ سیلاب زدگان کیلئے ہر ممکن آسانیاں پیدا کریں گے۔ مراد راس نے یہ بھی کہا کہ موجودہ صورتحال میں لوگوں کو اشد ضرورت خوراک اور ٹینٹوں کی ہے۔ متاثرین جب تک چاہیں حکومتِ پنجاب کے قائم کردہ فلڈ ریلیف کیمپوں میں رہ سکتے ہیں۔

صوبائی وزیر تعلیم نے مخیر خضرات سے درخواست کی کہ مصیبت کی اس مشکل گھڑی میں عوام کی مدد کیلئے اس کارِ خیر میں بڑھ چڑھ کر حصہ لیں۔مراد راس کا یہ بھی کہنا تھا کہ پاکستان تحریک انصاف نے کبھی کسی بھی مشکل لمحے میں ملک کے لوگوں کو اکیلا نہیں چھوڑا۔ صوبائی وزیر تعلیم مراد راس نے ضلع راجن پور کے دورے کے موقع پر حکومتِ پنجاب کی جانب سے سیلاب زدگان کو ریلیف فراہم کرنے کے لئے قائم کردہ فلڈ رلیف کیمپوں کا دورہ کیا اور اس موقع پر کیمپوں میں مقیم افراد سے ان کو درپیش مسائل کے حوالے بھی دریافت کیا۔

وزیر تعلیم پنجاب مراد راس کی ضلع راجن پور آمد پر سردار بیرسٹر علی رضا خان دریشک، سردار محمد اویس خان دریشک، سی ای او ایجوکیشن راجن پور و دیگر نے ان کا پُرتپاک استقبال کیا۔