چئیرمین پی سی بی ذکا اشرف کی آسٹریلوی وزیراعظم سے ملاقات ہوئی

آسٹریلوی وزیراعظم نے پاکستان کرکٹ کیلئے ذکا اشرف کی خدمات کو سراہا ،آسٹریلوی وزیراعظم کا کہنا تھا کہ پاکستان اور آسٹریلیا کے درمیان کرکٹ سمیت دیگر شعبوں میں بھی ہم آہنگی ہے، آسٹریلوی وزیراعظم نے کرکٹ آسٹریلیا کے سربراہ کو ہدایت کی کہ پاکستان کے ساتھ کرکٹ تعلقات کو مزید مضبوط بنایا جائے،

Chairman PCB Management Committee Mr Zaka Ashraf meets former Australia cricketer Glenn McGrath during the PM reception at Prime Minister House, Sydney and discussed matters of mutual interest. pic.twitter.com/belNmjTqG4

— Pakistan Cricket (@TheRealPCB) January 1, 2024

سڈنی میں آسٹریلوی وزیراعظم انتھونی البانیز کی جانب سے منعقدہ تقریب میں پاکستان کرکٹ ٹیم نے شرکت کی،تقریب میں دونوں ٹیموں کے علاوہ پاکستان کرکٹ بورڈ کی منیجمنٹ کمیٹی کے چیرمین ذکا اشرف نے بھی شرکت کی،آسٹریلوی وزیراعظم نے دونوں ٹیموں کو خوش آمدید کہا ،آسٹریلوی وزیراعظم کا اس موقع پر کہنا تھا کہ پاکستان ٹیم نے اس دورے میں اچھی کرکٹ کھیلی ہے خاص کر میلبرن ٹیسٹ میں، انہوں نے اس دورے میں پاکستان کرکٹ ٹیم کے مثالی رویے کی بھی تعریف کرتے ہوئے امید ظاہر کی کہ سڈنی ٹیسٹ میں بھی اچھی کرکٹ دیکھنے کو ملے گی،پاکستان کرکٹ ٹیم کے کپتان شان مسعود نے آسٹریلوی وزیراعظم کا شکریہ ادا کیا کہ انہوں پاکستان ٹیم کو مدعو کیا، انہوں نے کہا کہ اس سیریز میں دونوں ٹیمیں مثبت کرکٹ کھیل رہی ہیں، اس طرح کے دورے ہمیں نہ صرف کھیل بلکہ اپنے طرز عمل کے ذریعے ملک کے سفیر کا کردار ادا کرنے کے مواقع بھی فراہم کرتے ہیں

کرسی آنی جانی چیز ہے آج آپ ہیں کل کوئی اور ہوگا ، ایسے کام کئے جانے چاہئیں کہ لوگ بعد میں یاد رکھیں ،رضوان کا ذکا اشرف سے مکالمہ
چیئرمین کرکٹ بورڈ ذکا اشرف کی میلبرن میں کھلاڑیوں سے ملاقات ہوئی ہے،چیئرمین ذکاء اشرف کی میلبرن میں کھلاڑیوں سے ملاقات کی روداد سامنے آگئی ہے، نجی ٹی وی کے مطابق چیئرمین سے ملاقات سے پہلے ٹیم کے سینئر کھلاڑیوں نے ذکاء اشرف کو ٹف ٹائم دینے کا پلان بنایا،قومی کرکٹ ٹیم میں پلیئر پاور پھر سے سر اٹھانے لگی ،محمد رضوان نے ذکا اشرف سے مکالمہ کرتے ہوئے کہا کہ کرسی آنی جانی چیز ہے آج آپ ہیں کل کوئی اور ہوگا ، ایسے کام کئے جانے چاہئیں کہ لوگ بعد میں یاد رکھیں ، معلوم ہونا چاہئے کہ ورلڈکپ کون کھیلے گا کون نہیں، ذکا اشرف نے سابق کپتان بابراعظم سے کہا کہ بابر اعظم آپ بھی کچھ بولیں ،جس پر بابر اعظم نے کہا کہ چیئرمین صاحب ، سب اچھا ہے سب ٹھیک چل رہا ہے ،

ذکاء اشرف کی آسٹریلین لیجنڈری فاسٹ بولر گلین میگ گرا کو پاکستان کیلئے کام کرنے کی پیشکش
پاکستان کرکٹ بورڈ کے سربراہ ذکاء اشرف نے آسٹریلین لیجنڈری فاسٹ بولر گلین میگ گرا کو پاکستان کیلئے کام کرنے کی پیشکش کر دی ،کہا کہ ہم چاہتے ہیں آپ پاکستانی بولرز کو نکھارنے میں رول ادا کریں ، میگ گرا نے جواب میں کہا کہ اکستان کیلئے کام کرنا اعزاز ہوگا مجھے سوچنے کیلئے وقت دیں ، فی الحال آئی پی ایل میں مصروف ہوں لیکن آفر پر سوچنے کیلئے وقت درکار ہے ، میگ گرا کو آفر دینے کے موقع پر ٹیم ڈائریکٹر محمد حفیظ بھی موجود تھے

پاکستانی کھلاڑی طلحہ کے کنٹرول میں،ذکا اشرف کی آڈیو لیک

بھارت میں منعقدہ آئی سی سی ورلڈ کپ 2023 ، پاکستانی ٹیم کی ناقص ترین کارکردگی، کپتان بابراعظم نے ذکا اشرف سے ملاقات کے بعد استعفیٰ دے دیا تھا،

بابراعظم کے استعفیٰ کے بعد پی سی بی نے شان مسعود کو ٹیسٹ جبکہ شاہین آفریدی کو ٹی ٹوئنٹی ٹیم کا کپتان مقرر کیا، شاہین آفریدی کو کپتان مقرر کیے جانے کے بعد ان کے سسر سابق آل راؤنڈر شاہد آفریدی کو تنقید کا سامنا کرنا پڑا تھا کہ انہوں نے داماد کو کپتان بنانے کے لیے لابنگ کی ہے، انہی دنوں شاہد آفریدی نے نگران وزیراعظم انوارالحق کاکڑ اور ذکااشرف سے الگ الگ ملاقاتیں کی تھیں،

اب سماجی رابطے کی ویب سائٹ ٹویٹر پر کھیلوں کو کور کرنے والے صحافی قادر خواجہ نے ایک آڈیو لیک ہے جس میں ذکا اشرف کسی سے بات کر رہے ہیں،چیئرمین پی سی بی مینیجمنٹ کمیٹی ذکا اشرف مبینہ طور پر بابر اعظم کو کپتانی سے ہٹائے جانے کے حوالے سے گفتگو کر رہے ہیں،

آڈیو میں نامعلوم خاتون کہتی ہیں کہ "ہم شائقین ہیں ہم دیکھتے ہیں،ذکا اشرف کہتے ہیں کہ ہم نے انضمام الحق کو ہٹایا، اس نے میڈیا میں جا کر ہمارے خلاف بولنا شروع کر دیا،نامعلوم خاتون کہتی ہیں کہ کپتان صاحب اپنے دوستوں کو ،ا پنے قریبیوں کو کھلانا شروع کر دیتے ہیں،ذکا اشرف کہتے ہیں ” انضمام الحق نے” نامعلوم خاتون کہتی ہیں کہ شاداب کی کوئی جگہ نہیں بنتی،ذکا اشرف کہتے ہیں کہ جی ہاں،نامعلوم خاتون کہتی ہیں کہ یہ نہیں ہونا چاہئے، ذکا اشرف کہتے ہیں کہ اس کی وجہ سے پاکستان کی کرکٹ خراب ہو رہی ہے، آڈیو میں ایک شخص کہتا ہے کہ حسن علی بھی تو ایسا ہی تھا ورلڈ کپ کھیل گیا،خاتون کہتی ہیں کہ نہیں نہیں، حسن تو اس لئے کھیلا تھا کہ نسیم شاہ نہیں تھا ناں،ذکا اشرف کہتے ہیں کہ حسن بھی تو بابر کا دوست ہے،ایک بندہ طلحہ نام ہے ،پلیئرز ایجنٹ ہے،اس نے نیشنل ٹیم کے آٹھ پلیئرز کو قابو کیا ہوا ہے،طلحہ نے کنٹریکٹ سائن کیا ہوا ہے کھلاڑیوں کے ساتھ،اتنا ہوشیا ر آدمی ہے کہ پلیئرز کے گھروں میں جا کر فیملی کے ساتھ بھی تعلقات بنائے ہوئے ہیں،پلیئرز ایسے ہیں کہ اس کے بغیر ہل بھی نہیں سکتے،طلحہ عثمانی پتہ نہیں کیا نام ہے اس کا،ابھی بابر اعظم کو میں نے کہا کہ تم ٹیسٹ کی کپتانی رکھو،تمہیں وائیٹ بال سے ہٹانے کا سوچا ہے،کہتا ہے جی اچھا ،میں گھر پوچھ لوں ذرا پھر فیصلہ کر کے بتاتا ہوں،بابراعظم نے گھر سے نہیں پوچھا، اس نے طلحہ سے مشورہ کیا،اس نے مشورہ دیا تم سب چھوڑ دو،

Breaking News
فاختہ چئیرمین پی سی بی مینجمنٹ کمیٹی ذکاء اشرف صاحب کی مبینہ آڈیو منظر عام پر لے آئی. کیسے انہوں نے پلاننگ کی.کیسے محمد رضوان کو وائیٹ بال کی کپتانی نہ کرنے دی.بابر اعظم کے خلاف کونسا پلان بی تیار تھا فاختہ سب منظر عام پر لے آئی،،،@TalhaAisham
پر الزام عائد کیا کہ… pic.twitter.com/Kxy1a3dAnv

— Qadir Khawaja (@iamqadirkhawaja) December 18, 2023

نامعلوم خاتون آڈیو میں کہتی ہیں کہ ہاں تو ٹھیک ہے،کوہلی بھی تو نہیں ہے کپتان، اس نے ٹنڈولکر کا ریکارڈ توڑ دیا،ذکا اشرف کہتے ہیں کہ میرا پلان بی تیار تھا کہ اگر بابر نے ایسے کیا تو میں ایسے کروں‌گا،جب بابر نے کپتانی چھوڑی تو میں نے فٹا فٹ دوسرے بندے کو کہا کہ چل بھئی تو کپتان ہے،خاتون کہتی ہیں کہ تو وائٹ بال میں کپتان کون ہے اب شان مسعود،ذکا اشرف کہتے ہیں کہ نہیں وائیٹ بال میں شاہین آفریدی ہے، ٹھیک ہے وہ،خاتون کہتی ہیں کہ وائیٹ بال میں رضوان بہتر نہیں تھا،ذکا اشرف کہتے ہیں کہ رضوان مجھے پسند تھا لیکن وہ بھی بابر اور طلحہ کے ساتھ ملوث تھا،ہمارے آٹھ پلیئرز قابو کئے ہوئے ہیں،جو مرضی کر لے وہ، خاتون کہتی ہیں کہ ایسے دیکھیں تو شاہین پھر شاہد آفریدی کے کنٹرول میں ہے،ذکا اشرف کہتے ہیں کہ شاہد آفریدی تو سسسر ہے شاہین کا،خاتون کہتی ہیں کہ سسر ہے دیکھیں وہ بہت زیادہ مداخلت کرتا ہے،نامعلوم شخص کہتے ہیں کہ دیکھیں بیٹا اتنا تو پھر چلتا ہی ناں،نامعلوم خاتون کہتی ہیں کہ اللہ کرے بس پاکستان کے لئے بہتر ہو

آڈیو لیک ہونے کے بعد تنویر کہتے ہیں کہ شاباش قادر خواجہ ایکسپوز کرو ان سب کو پریشر اے گا ڈرنا نہیں ہم تمہارے ساتھ ہیں اب لوگوں کو سب پتا چل گیا ہے کے بابر کو ہٹانے میں بلیک میلر اور ان سب کا ایجنڈا تھا ،لوگوں، یہ دیکھو بابر کو ہٹانے کے لئے famalies discuss کر رہی ہیں ،ذکا اشرف استعفیٰ دو

شاباش قادر خواجہ ایکسپوز کرو ان سب کو پریشر اے گا ڈرنا نہیں ہم تمہارے ساتھ ہیں اب لوگوں کو سب پتا چل گیا ہے کے بابر کو ہٹانے میں بلیک میلر اور ان سب کا ایجنڈا تھا
لوگوں، یہ دیکھو بابر کو ہٹانے کے لئے famalies discuss کر رہی ہیں
ذکا اشرف استعفیٰ دو pic.twitter.com/pPFJhXwTbS

— Tanveer Says (@ImTanveerA) December 18, 2023

چیئرمین پی سی بی ذکا اشرف مشکل میں پھنس گئے، پی سی بی منیجمنٹ کمیٹی کے رکن نے ذکا اشرف کے خلاف عہدے کے غلط استعمال سمیت دیگر الزامات لگائے ہیں

کھیلوں کی خبروں بارے معروف ویب سائٹ کرک انفو نے رپورٹ کیا ہے کہ پی سی بی مینجمنٹ کمیٹی کے رکن ذوالفقار ملک کی جانب سے ذکا اشرف کے خلاف مینجمنٹ کمیٹی کو ایک ای میل بھیجی گئی ہے، اس ای میل کی کاپیاں پی سی بی کے پیٹرن ان چیف وزیراعظم پاکستان اور وزارت بین الصوبائی رابطہ کو بھی بھیجی گئی ہیں.

چیئرمین پی سی بی ذکا اشرف کے خلاف پی سی بی منیجمنٹ کمیٹی کے رکن کی جانب سے ای میل میں کہا گیا ہے کہ ذکا اشرف بورڈ کے روز مرہ کے معاملات کو چلانے کے اپنے مقررہ قانونی تقاضے پورے کرنے میں ناکام رہے ہیں، انہوں نے وزارت بین الصوبائی رابطے کے احکامات کو نظر اندازکیا اور بورڈ کے انتخابات نہیں کروائے جس کے تحت بورڈ کے مستقل چیئرمین کا انتخاب ہونا تھا،ای میل میں مزید کہا گیا کہ ذکا اشرف نے اپنے سرٹیفکیٹس بھی فراہم نہیں کیے جو چیئرمین پی سی بی کے لیے لازمی ہیں،انہوں نے اپنے بیٹے چوہدری محمد خان کو بورڈ کے معاملات میں غیر قانونی مداخلت کی اجازت دی، ای میل میں‌مزید کہا گیا کہ ذکا اشرف نے پی سی بی الیکشن کمشنز کے آفس کا اپنے مخالفین کے خلاف غلط استعمال کرتے ہوئے ریجنز کے بوگس انتخابات کروائے، ذکا اشرف کے حالیہ دور میں کچھ سنگین غلط کاریاں اور غیر قانونی چیزیں نوٹ کیں جسے ریکارڈ پر لانا ضروری سمجھتا ہوں اس ای میل کے ذریعے موجودہ دور میں مینجمنٹ کمیٹی کے زیادہ تر ممبران کی منظوری کے بغیر کیے گئے غیر قانونی اور غلط فیصلوں سے خود کو الگ کرنا چاہتا ہوں

پی سی بی کی مینجمنٹ کمیٹی کے رکن ذوالفقار کا ای میل میں مزید کہنا تھ کہ ذکا اشرف نے کچھ ایسے طویل المدتی فیصلے کیے جس کا انہیں اختیار نہیں تھا جیسےچیف سلیکٹر کی 3 سال کے لیے 25 لاکھ روپے ماہانہ پر تعیناتی، متعدد ڈائریکٹرز، کنسلٹنٹس، آفیشلز، دیگر کمیٹیوں کی تعیناتی، متعدد پراجیکٹس کی منظوری، بڑے پیمانے پر اخراجات، لیگل کونسلر کی مہنگے داموں تعیناتی اور متعدد حکام کو عہدے سے ہٹانا مینجمنٹ کمیٹی کے دائرہ کار کی صریح خلاف ورزی ہے

دوسری جانب ذکا اشرف کی کرسی خطرے میں نظر آ رہی ہے، ذکا اشرف کی مدت ختم ہو رہی ہے وہ توسیع چاہتے ہیں تاہم شاہد آفریدی یا نجم سیٹھی کو پی سی بی کا چیئرمین بنایا جا سکتا ہے، ذکا اشرف کی مینجمنٹ کمیٹی کی معیاد 5 نومبرکو ختم ہورہی ہے تاہم موجودہ چیئرمین کرکٹ بورڈ مینجمنٹ کمیٹی اس کی توسیع کے لئے کوشاں ہے،کئی اہم شخصیات چیئرمین بننے کے لئے کوشاں ہیں،گزشتہ دن شاہد آفریدی کی بھی نگران وزیراعظم انوارالحق کاکڑ سے ملاقات ہوئی جس کے بعد یہ بھی کہا جا رہا ہے کہ شاہد آفریدی متوقع چیئرمین ہو سکتےہیں یا انہیں پی سی بی میں اہم ذمہ داری دی جا سکتی ہے،

دوسری جانب چیئرمین پی سی بی مینجمنٹ کمیٹی ذکا اشرف کے حوالہ سے سمری نگران وزیراعظم انوار الحق کاکڑ کو بھجوا دی گئی ہے، سمری وزیراعظم ہاؤس میں موصول ہو گئی،وزارت بین الصوبائی رابطہ نے وزیراعظم انوار الحق کاکڑ کو چیئرمین پی سی بی کے مستقبل سے متعلق سمری بھیجی گئی ،سمری میں کہا گیا کہ موجودہ مینجمنٹ کمیٹی کے چیئرمین ذکا اشرف کی مدت کل پوری ہورہی ہے اور ان کے مستقبل سے متعلق وزیراعظم اپنی رائے سےآگاہ کریں، چیئرمین مینجمنٹ کمیٹی کی تعیناتی کا نوٹیفکیشن 5 جولائی کو جاری ہوا جس کی مدت 4 ماہ تھی

انضمام الحق مکر گئے،انڈیا کے ساتھ گٹھ جوڑ،ڈالروں کی بارش

مولانا یوسف جمیل کا ویڈیو پیغام آیا ہے جس میں انہوں نے کہا ہے کہ عاصم جمیل نے خود کشی ہی کی ہے

اسرائیل پر حملہ کی اصل کہانی مبشر لقمان کی زبانی

ڈنڈا تیار، کورٹ مارشل کی گونج،پی آئی اے بند، مبشر لقمان نے کہانی کھول دی

جو کام حکومتیں نہ کر سکیں،آرمی چیف کی ایک ملاقات نے کر دیا