سپریم کورٹ،سابق صدر پرویز مشرف حملہ کیس کے تحقیقاتی افسر کے قتل کا معاملہ،سپریم کورٹ نے راجہ ثقلین قتل کیس کے ملزمان کو بری کر دیا
عدالت نے ملزمان ارشد ستی،طاہر عباسی اور قاری یونس بری کر دیا،سپریم کورٹ کے تین رکنی بینچ نے دو ایک کے تناسب سے ملزمان کی بریت کا فیصلہ سنایا،جسٹس عائشہ ملک نے فیصلہ سے اختلاف کیا،جسٹس جمال مندوخیل کی سربراہی میں تین رکنی بینچ نے کیس کی سماعت کی،جسٹس عائشہ ملک اور جسٹس ملک شہزاد احمد تین رکنی بینچ کا حصہ تھے، ملزمان کی طرف سےعادل عزیز قاضی ایڈوکیٹ پیش ہوئے،انسپکٹر راجہ ثقلین کو 2004 میں راولپنڈی میں قتل کیا گیا تھا،چار ملزمان میں سے ایک ملزم مفتی عید محمد سکنہ ٹمن دوران قید انتقال کر گیا تھا
پنجاب پولیس کے مایہ ناز ،بہادر اور فرض شناس پولیس آفیسر انسپکٹر راجہ محمد ثقلین شہید کی سالانہ برسی ،جرائم پیشہ عناصر اور دہشت گردوں کے سامنے سیسہ پلائی ہوئی دیوار ثابت ہونے والے پولیس آفیسر کوراولپنڈی پولیس کی جانب سے خراج تحسین پیش کیا گیا ہے،
پنجاب پولیس کے 007 کے نام سے مشہور راجہ محمد ثقلین شہید کون؟
10جولائی 2004کو راولپنڈی پولیس کے بہادر اور فرض شناس پولیس آفیسر انسپکٹر راجہ محمد ثقلین دہشت گردوں کے خلاف جنگ لڑتے ہوئے اپنے ڈرائیور کانسٹیبل الطاف حسین کے ہمراہ شہادت کے رتبہ پر فائز ہوئے، شہید انسپکٹر راجہ محمد ثقلین انتہائی قابل اوردلیر پولیس آفیسر تھے جوہمیشہ جرائم پیشہ عناصر اور دہشت گردوں کے سامنے سیسہ پلائی ہوئی دیوار ثابت ہوئے ،انسپکٹر راجہ محمد ثقلین شہید نہ صرف راولپنڈی بلکہ پاکستان کے مایہ ناز پولیس افسران میں شمار ہوتے ہیں،وہ ایک ماہر تفتیشی آفیسرتھے جس کی بناپر انہوں نے متعدد اہم مقدمات کی تفتیش کرتے ہوئے نہ صرف ملزمان کوگرفتارکیابلکہ ان کوقانون کے مطابق سز ا بھی دلوائی ،انہوں نے بے شمار اہم مقد ما ت کی تفتیش میں اپنا کردار ادا کیاجن میں ایرانی کیڈٹ حملہ کیس ،انٹرنیشنل صحافی قتل کیس ،اہم سرکاری و مذہبی شخصیات کے قتل کے مقدمات کے علاوہ دہشت گردی کے متعدد مقدمات کی تفتیش کرتے ہوئے نہ صرف مقدمات کوٹریس کیابلکہ دہشت گردوں کی گرفتاری بھی عمل میں لائی ،پیرودھائی مسجد پر دہشت گرد حملہ ،ٹیکسلا ہسپتال پر دہشت گرد حملہ ،مری سکول پر دہشت گرد حملہ ،صدرپاکستان حملہ کیس میں انہوں نے تفتیش کرتے ہوئے دہشت گردوں کے ریکٹ کونہ صرف توڑا بلکہ ان کی گرفتار ی بھی کی ،انہوں نے القاعدہ کے دہشت گردوں کوبھی گرفتارکرکے قانون کے کٹہرے میں کھڑا کیا،ان کی پیشہ وارانہ مہارت کایہ عالم تھاکہ آپ جس علاقہ میں تعینات ہوتے جرائم پیشہ عناصر اس علاقے کو چھوڑ جانے میں ہی اپنی عافیت سمجھتے تھے ،منشیات سمگلرز کے خلاف بھی انہوں نے بے مثال کارروائیاں کرتے ہوئے منشیات کی فیکٹریاں بند کروانے کے ساتھ ان گنت ملزمان کی گرفتارکیے اور منشیات برآمد کیں،راجہ محمد ثقلین بہادری کی ایک مثال تھے اورجان کی پرواہ کیے بغیر دہشت گردوں کے خلاف مصروف جنگ تھے ،ان کی مہارت اورپیشہ وارانہ قابلیت کی وجہ سے دہشت گردوں کو اپنے مذموم مقاصد میں پے درپے ناکامیوں کاسامناتھا،اسی وجہ سے 10جولائی 2004 کودہشت گردوں نے منصونہ بندی کی تحت ان پر حملہ کیا، راجہ محمد ثقلین عباس کو 24 گولیاں لگیں اورانہوں نے اپنے ڈرائیور کانسٹیبل الطاف حسین کے ساتھ جام شہادت نوش فرمایا،راجہ محمد ثقلین عباس کی بے پناہ خدمت اورجرات وبہادری کی مثال پر ستارہ شجاعت اورپریزیڈنٹ پولیس میڈل سے نوازا گیا،آپ کوایس ایچ اوپاکستان اورپنجاب پولیس کے 007 کے نام سے یاد کیا جاتا ہے،
موجودہ بجٹ معیشت، عوام ،ملک کے لئے تباہ کن ثابت ہوگا،شاہد خاقان عباسی
شاہد خاقان عباسی کچھ بڑا کریں گے؟ن لیگ کی آخری حکومت
پی ٹی آئی کی ڈیجیٹل دہشت گردی کا سیاہ جال،بیرون ملک سے مالی معاونت
جسٹس ملک شہزاد نے چیف جسٹس سے چھٹیاں مانگ لیں
اگر کارروائی نہیں ہو رہی تو ایک شخص داد رسی کیلئے کیا کرے؟چیف جسٹس اسلام آباد ہائیکورٹ
عمران خان کیخلاف درخواست دینے پر جی ٹی وی نے رپورٹر کو معطل کردیا
سوال کرنا جرم بن گیا، صحافی محسن بلال کو نوکری سے "فارغ” کروا دیا گیا
صوبائی کابینہ نے بانی پی ٹی آئی کے خلاف شواہد کے تحت کارروائی کی اجازت دی
توشہ خانہ،نئی پالیسی کے تحت تحائف کون لے سکتا؟قائمہ کمیٹی میں تفصیلات پیش
باسکن رابنز پاکستان کو اربوں روپے جرمانے اور منی لانڈرنگ کی تحقیقات کا سامنا
اگلے دو مہینے بہت اہم،کچھ بڑا ہونیوالا؟عمران خان کی پہنچ بہت دور تک
اڈیالہ جیل میں قید عمران خان نے بالآخر گھٹنے ٹیک دیئے
جعلی ڈگری،جسٹس طارق جہانگیری کے خلاف ریفرنس دائر
"بھولے بابا” کا عام آدمی سے خود ساختہ بابا بننے کا سفر ،اربوں کے اثاثے