خواتین اور بچوں سے زیادتی و بدفعلی کے واقعات میں کمی نہ آ سکی
پنجاب کے صوبائی دارالحکومت لاہور میں راشن دلوانے کے بہانے دو سگے بھائیوں نے بھیک مانگنے والی بچیوں کی عزت لوٹ لی، واقعہ لاہور کے علاقے راوی روڈ میں پیش آیا پولیس نے واقعہ کا مقدمہ درج کر کے تحقیقات کا آغاز کر دیا ہے،پولیس حکام کے مطابق ملزمان دو سگے بھائی ہیں، انہوں نے بھیک مانگنے والی دو بچیوں کو کہاکہ ہمارے ساتھ چلو ،راشن دیتے ہیں، بچیاں ساتھ چلی گئیں جنکی عمریں 12 اور 15 برس ہیں، ملزمان نے بچیوں کو ساتھ لے جا کر راشن تو نہ دیا انکی عزت لوٹ لی، پولیس حکام کے مطابق ملزمان علاقے میں پھول بیچتے ہیں،واقعہ کے بعد فرار ہو چکے ہیں جلد ملزمان کو گرفتار کرلیا جائے گا
چیئرپرسن چائلڈ پروٹیکشن بیورو اور ممبرصوبائی اسمبلی پنجاب سارہ احمد نے راوی روڈ میں بھیک مانگتی 2بچیوں سے مبینہ زیادتی کے واقعہ کا نوٹس لیتے ہوئے چائلڈ پروٹیکشن بیورو کی ریسکیو ٹیم کو متاثرہ بچیوں اور لواحقین سے فوری رابطہ کرنے کی ہدایت کی ہے۔ اس حوالے سے انہوں نے کہا کہ راوی روڈ میں بھیک مانگتی 2 کمسن بچیوں سے زیادتی کا واقعہ انتہائی افسوسناک ہے۔ملزمان نے راشن دلوانے کا جھانسہ دے کر کمسن بچیوں کو زیادتی کا نشانہ بنایا۔ ان کا کہنا تھا کہ زیادتی کا شکار کمسن بچیوں کی عمریں 12 اور 15 سال ہیں جبکہ کمسن بچیوں کو زیادتی کا نشانہ بنانے والے ملزمان پھول فروش اور بھائی ہیں۔ اس حوالے سے پولیس زیادتی کا نشانہ بنانے والے ملزمان کے خلاف فوری کارروائی کرے۔ اس موقع پر چیئرپرسن سارہ احمد نے مزید کہا کہ زیادتی کا نشانہ بننے والی بچیوں کو قانونی اور طبی معاونت فراہم کی جائے گی
قبل ازیں سندھ کے ضلع سانگھڑ کے شہر شہداد پور میں راشن دینےکے بہانے ایک لڑکی سے مبینہ اجتماعی زیادتی کا واقعہ پیش آیا تھا،متاثرہ لڑکی نے الزام لگایا ہےکہ نشہ آور چیز کھلا کر اسے اجتماعی زیادتی کا نشانہ بنایا گیا، وہ سبزی لینے جارہی تھی کہ اسے راشن کا جھوٹا دلاسا دیا گیا،
علاوہ ازیں کراچی کے علاقہ شاہ لطیف ٹاؤن میں راشن دینے کا جھانسہ دے کر غریب خاتون کو زیادتی کا نشانہ بنایا گیا۔ کراچی کی بن قاسم پولیس نے ملزم پرویز جٹ کو گرفتار کرکے واقعہ کا مقدمہ درج کرلیا ہے۔ واضح رہے کہ کراچی میں خواتین کے ساتھ مبینہ زیادتی کے واقعات میں اضافہ ہوتا جارہا ہے لیکن پولیس ایسے واقعات میں کمی لانے میں ناکام ہوتی دکھائی دے رہی ہے۔
قبل ازیں ایک لڑکی کو راشن کے بہانے گھر لے جا کر جسمانی زیادتی کا نشانہ بنا گیا ،تھانہ شاہدرہ کی حدود میں ملزم نے کاروائی کی، سردار نامی ملزم نے 20 سالہ لڑکی کو راشن دلوانے کا کہا اور کہا کہ ساتھ چلو، لڑکی ساتھ گئی تو ملزم نے لڑکی کے ساتھ زبردستی کی اور اسے زیادتی کا نشانہ بنایا، واقعہ کا پولیس نے مقدمہ درج کر لیا ہے، پولیس نے کاروائی کرتے ہوئے ملزم کو بھی گرفتار کر لیا ہے، ملزم نے جرم کا اقرار بھی کر لیا ہے،
پارلیمنٹ ہاؤس میں جلد سے جلد بیوٹی پارلر قائم کرنے کی ہدایت
کوئی بھوکا نہ سوئے، مودی کے احمد آباد گجرات کے مندروں میں مسلمانوں نے کیا راشن تقسیم
خواجہ سراؤں نے دوستی کے بہانے نشہ دے کر نوجوان کا عضو خاص کاٹ دیا
غیرت کے نام پر جوڑا قتل،ورثا کا معاملہ دبانے کے بعد بھی پولیس کا ایکشن، 25 گرفتار
سگے بیٹے کا ماں پر وحشیانہ تشدد،ویڈیو وائرل، بہو کا موقف بھی آ گیا
پسند کی شادی کا خواب ادھورا رہ گیا،غیرت کے نام پر لڑکا لڑکی قتل
لڑکی کو برہنہ کرنے اور ویڈیو بنانے والا مرکزی ملزم گرفتار
چوری کا الزام، دو افراد کو برہنہ کر کے تشدد کرنے والے ملزمان گرفتار
جن نکالنے کے بہانے جعلی پیر نے خاتون کے ساتھ ایسا کیا کر دیا کہ والدہ تھانے پہنچ گئی
چلتی گاڑی میں نرس کے ساتھ اجتماعی زیادتی، گاڑی سے پریس کارڈ برآمد
