Tag: راناثناءاللہ

پی ٹی آئی کے آفیشل ٹوئٹر اکاؤنٹ سے جعلی ویڈیو چلائے جانے پروزیر داخلہ رانا ثناء اللہ کا ردعمل سامنے آیا ہے-

باغی ٹی وی: گزشتہ روز پی ٹی آئی کے آفیشل ٹوئٹر اکاؤنٹ پر ایک چھوٹا سا ویڈیو کلپ جاری کیا گیا تھا جس میں وزیر داخلہ رانا ثناء اللہ کہہ رہے تھے کہ ہزار بندوں کو اگر ایک دفعہ پھانسی دے دی جائے یا گولی ماردی جائے تو پورا ملک بالکل ٹھیک ہوجائے گاجبکہ ویڈیو کے کیپشن میں لکھا گیا کہ وزیر داخلہ رانا ثناء اللہ ہزاروں پاکستانیوں کو ایک ساتھ گولی مارنے یا پھانسی چڑھانے کے حق میں ہیں۔

اس ویڈیو کلپ پر ٹوئٹر پر ردعمل دیتے ہوئے رانا ثناءاللہ نے کہا کہ اگر شارٹ ویڈیو کلپ پر (جوکہ پراپیگینڈے کے لیے آفیشل اکاؤنٹ سے شیئر کی گئی ہے) ایکشن ہو تو پھر یہ کہیں گے ہیومن رائٹس (انسانی حقوق) کی خلاف ورزی ہو گئی ہے-

منی لانڈرنگ کیس:ضمانت ملنے کے باوجود پرویز الہی کی رہائی نہ ہو سکی

اس ویڈیو کلپ کو پی ٹی آئی کے کارکنان اور حامیوں نے شئیر کیا، ساتھ ہی عالمی اداروں اور بین الاقوامی خبر رساں اداروں کو ٹیگ بھی کیا،لیکن جب بعد میں عوام نے اس ویڈیو کی حقیقت بیان کی تو اسے ڈیلیٹ کردیا گیا ایک سوشل میڈیا صارف نے رانا ثناء اللہ کی اس گفتگو کا پورا ویڈیو کلپ بھی شئیر کیا۔

آج تحریک انصاف کے سرکاری ہینڈل سے رانا ثنا کا یہ کلپ کاٹ کر پہلے جاری کیا گیا۔ جو حصہ کاٹا گیا اس میں تشدد پسندی بھڑکانے والے فقرے تھے۔ اسکو 4 ہزار سے زائد ریٹویٹ ملے۔ اسکو باقاعدہ انگریزی میں سب ٹائٹل لگائے گئے۔ نیچے کارکنوں سے عالمی اداروں کو ٹیگ کرکے پاکستان کو بدنام کیا گیا۔… pic.twitter.com/CRNd619TVb

— Dr Farhan K Virk (@FarhanKVirk) June 24, 2023

واضح رہے کہ رانا ثناء اللہ نے17 جون کو فیصل آباد میں ایک پریس کانفرنس کے دوران کہا تھا کہ 9 مئی کو حکومت گرانے کیلئے باقاعدہ منصوبہ بندی کی گئی، باقاعدہ لوگوں کو ٹرین کیا گیا، اور مقصد یہ تھا کہ جب یہ چند سو لوگ پورے ملک میں جا کر فوج پر حملہ آور ہو جائیں گے ان پر چڑھ دوڑیں گے تو اس کے بعد پیچھے ہزاروں لاکھوں عوام کی سپورٹ پہنچ جائے گی اور اس طرح سے ریاست گر جائے گی، اور ہم اس طرح سے قابض ہوجائیں گے۔

گرمی کی لہر: شمالی علاقوں میں گلیشیئرز پھٹنے کا خدشہ،دریائے سندھ میں پانی کا بہا …

انہوں نے کہا تھا قابض ہونے کے بعد کرنا کیا تھا؟ وہی جو بطور وزیراعظم (عمران خان) کہتے رہے ہیں کہ جی میرے پاس اگر اختیار ہوتو میں کم از کم 500 بندوں کو پھانسی دے دوں، پانچ ہزار بندوں کو اگر ایک ہی دفعہ پھانسی دےدی جائے یا گولی ماردی جائے تو پورا ملک بالکل ٹھیک ہوجائے گا ہر چیز جو ہے وہ بہتر ہوجائے گی۔ سعودی عرب کا قانون بہت اچھا ہے، چائنہ میں بھی قانون بہت اچھا ہے ، وہ بھی فوری ٹرائل کرکے بندے کو فوری پھانسی پر چڑھا دیتے ہیں، (عمران خان کا) یہ ارادہ تھا کہ بعد میں ہم یہ کریں گے-

ٹائٹن کے زیر سمندر پھٹنے کی تحقیقات شروع

پاکستان تحریک انصاف کے لانگ مارچ میں خاتون صحافی کی موت پر ساتھی صحافی کے انکشافات کے بعد وزیر داخلہ رانا ثناءاللہ نے بڑا اعلان کر دیا ہے-

باغی ٹی وی : پاکستان مسلم لیگ ن سے تعلق رکھنے والے وفاقی وزیر داخلہ راناثناءاللہ نے کہا ہے کہ موقع پر موجود صحافیوں کے انکشافات کے بعد معاملہ مشکوک ہوگیا ہے-

صدف کنٹینر پر تعینات گارڈز کے دھکا دینے سے جاں بحق ہوئیں، ساتھی رپورٹر کا دعویٰ

انہوں نے کہا کہ پنجاب حکومت کی قانونی ذمہ داری ہے کہ ایک بے گناہ خاتون رپورٹر کی دردناک موت کی تحقیق کرائے۔ پنجاب حکومت نے اپنی قانونی اور انسانی ذمہ داری پوری نہ کی تو وفاقی حکومت اپنا قانونی فرض ادا کرے گی۔

وزیراعظم کا خاتون صحافی صدف کے اہلخانہ کیلئے 50 لاکھ روپے امدادکا اعلان

رانا ثناءاللہ نے کہا کہ جاں بحق خاتون رپورٹر کے ساتھی صحافیوں کا بیان ہے کہ صدف کو دھکا دیا گیا، دھکا دینے والے شخص کو گرفتار کیا جائے، قانون کے تقاضے پورے کئے جائیں؛ اس شہادتی بیان کے بعد ضروری ہے کہ واقعے کی تحقیقات ہوں۔

واضح رہے کہ نجی خبررساں ادارے چینل 5 کی صدف نعیم کے ساتھی صحافی افضل سیال عینی شاہد کا بیان ہے کہ صدف نعیم کو عمران خان کے کنٹینر پر تعینات گارڈ نے دھکا دے کر نیچے گرایا پھر کنٹینر نے کچلا ہے-

اہلیہ کی موت حادثاتی تھی،کوئی کاروائی نہیں کرنا چاہتے،شوہر صدف نعیم

خیال رہے کہ پاکستان تحریک انصاف کے لانگ مارچ کے کامونکی جاتے ہوئے راستے میں عمران خان کے کنٹینر کے نیچے آکرنجی ٹی وی کی خاتون رپورٹر جاں بحق ہوگئیں حادثے کے فوری بعد سابق وزیراعظم عمران خان نے آج کا مارچ منسوخ کردیا۔

انہوں نے خطاب میں کہا کہ بدقسمتی سے ایک حادثہ ہوا ہے، آج ہم نے کامونکی جانا تھا لیکن حادثے کی وجہ سے کینسل کردیا ہے آج ہم اپنے مارچ کو ختم کر رہے ہیں اور کل کامونکی سے اپنا مارچ شروع کریں گے، ایک حادثے کی وجہ سے ہمیں آج کا مارچ منسوخ کرنا پڑا، خاتون رپورٹر کی فیملی سے اظہار ہمدردی کرتے ہیں۔

کوئٹہ: جوائنٹ روڈ بروری کراس پر پولیس چوکی پر دستی بم حملہ،14 افراد زخمی ایک ہلاک