ن لیگی رہنما، سابق وفاقی وزیر داخلہ رانا ثناء اللہ نے کہا ہے کہ نوازشریف آئندہ انتخابات میں ضمنی نہیں بلکہ جنرل نشست پر الیکشن لڑیں گے،نوازشریف کے انتخابات میں حصہ لینے پر کوئی قانون رکاوٹ نہیں ہے،
رانا ثنااللہ خان کا کہنا تھا کہ مجھے یقین تو نہیں لیکن شبہ ہے عمران خان کو جیل میں دوائی مل رہی ہے، نوازشریف جلدچوہدری شجاعت حسین سمیت دیگر سیاسی جماعتوں کے قائدین سے ملاقاتیں کریں گے، ہاتھی کے پائوں میں سب کا پائوں ہے نوازشریف قائد ہیں اور قائد رہیں گے شہبازشریف پارٹی صدر رہیں گے،آصف علی زرداری کا حق حاصل ہے کہ لاہور کے وزیر اعظم کا راستہ روکیں اور لاڑکانہ کے وزیر اعظم کی راہ ہموار کریں،معیشت کی بحالی کےلئے مائنس نو مئی پی ٹی آئی والوں سے بات چیت کےلئے تیار ہیں،اگر پی ٹی آئی کو لیول پلینگ فیلڈ نہیں دی جا رہی تو ان کو الیکشن کا بائیکاٹ کرنا چاہیے ۔ اور اگر جیالہ وزیراعظم بنے گا تو کیسے کہہ سکتے ہیں کہ لیول فیلنگ فیلڈ نہیں ہے
رانا ثناء اللہ کا کہنا تھا کہ الیکشن میں حصہ لینا اور یہ دعوی کرنا کہ ہم کامیاب ہوں گے تو یہ ہر کسی کا حق ہے ہم پورا یقین رکھتے ہیں ہم پوری جدوجہد کریں گے ہمارا ماضی ایسا ہے ہم نے پہلے بھی پاکستان کو دو بار ان مشکلات سے نکالا ہے ۔اور ہم پاکستان کو اس بحران سے نکالیں گے ،پرویز خٹک اور مولانا فضل الرحمن کی پارٹیز کے ساتھ بھی رابطہ ہو سکتا ہے امکان ہے لیکن اس کا کوئی حتمی فیصلہ ابھی ہم نے نہیں کیا ہے ۔ لیکن ہم صرف کسی ایک کے ساتھ ہی نہیں ہم سب کے ساتھ پولیٹیکل ایڈجسٹمنٹ کر سکتے ہیں ،پی ٹی ائی نو مئی کا قصور وار ٹولہ ان کے ساتھ ہرگز رابطہ نہیں ہو سکتا ۔ اور جو قصور وار نہیں ہے ان کے ساتھ ناانصافی نہیں ہونی چاہیے ۔ الیکشن میں حصہ لینا چاہیے،پاکستان کے تمام مسائل کا حل تمام پولیٹیکل پارٹیز مل کر بیٹھیں ۔ چارٹر اف اکانومی کریں اور بنیادی مسائل کے اوپر ایک موقف اختیار کریں جس طرح نواز شریف کی قیادت میں کی وزارت عظمی کے زمانے میں دہشت گردی کے خلاف حل نکالا گیا تھا
دوسری جانب مظفر گڑھ شہر کے صوبائی حلقہ پی پی 268 سے محمد اجمل چانڈیہ نے مسلم لیگ ن پنجاب کے صدر رانا ثناء اللّٰہ اور جنرل سیکرٹری پنجاب سردار اویس لغاری کے ساتھ ملاقات کی اور پارٹی میں شمولیت اختیار کر لی اور نوازشریف اور صدر مسلم لیگ (ن) میاں شہبازشریف کی قیادت پہ بھرپور اعتماد کا اظہار کیا،محمد اجمل چانڈیہ نے 2018 میں آزاد امیدوار کی حیثیت سے الیکشن میں حصہ لیا اور 17 ووٹوں سے شکست کھا گئے تھے،راناثناء اللّٰہ اور اویس لغاری نے محمد اجمل چانڈیہ اور محمد اکرم چانڈیہ سابقہ چیئرمین میونسپل کمیٹی مظفرگڑھ کو پارٹی میں خوش آمدید کہا اور امید کا اظہار کیا کہ اجمل چانڈیہ اور اکرم چانڈیہ کی مسلم لیگ ن میں شمولیت سے پارٹی اور مضبوط ہوگی
سات منٹ پورے نہیں ہوئے اور میاں صاحب کو ریلیف مل گیا،شہلا رضا کی تنقید
پینا فلیکس پر نواز شریف کی تصویر پھاڑنے،منہ کالا کرنے پر مقدمہ درج
نواز شریف کے خصوصی طیارے میں جھگڑا،سامان غائب ہونے کی بھی اطلاعات
میری دعا ہے کہ اللہ تعالیٰ میرے دل کے اندر کبھی کوئی انتقام کا جذبہ نہ لے کر آنا، نواز شریف
نواز شریف ،عوامی جذبات سے کھیل گئے
نوازشریف کی ضبط شدہ پراپرٹی واپس کرنے کی درخواست پر نیب کو نوٹس جاری
