لاہور: ماہ رجب المرجب ۵۴۴۱ھ کا چاند نظر آگیا ہے،یکم رجب المرجب ۵۴۴۱ھ 13جنوری2024ء بروزہفتہ کو ہوگی-
باغی ٹی وی : ماہ رجب المرجب ۵۴۴۱ھ کا چانددیکھنے کیلئے چیئرمین مرکزی رؤیت ہلال کمیٹی پاکستان مولانا سید محمد عبد الخبیر آزاد کی زیر صدارت زونل رؤیت ہلال کمیٹی لاہور کا اجلاس بمقام ایوان اوقاف شاہ چراغ بلڈنگ نزد ہائی کورٹ لاہور میں منعقد ہوا‘ اجلاس میں رابطہ کے فرائض ڈائریکٹر جنرل وزارت مذہبی امورپاکستان سید مشاہد حسین خالدجبکہ فنی معاونت کیلئے وزار تِ سائنس اینڈ ٹیکنالوجی سے زین العابدین،محکمہ موسمیات سے چیف میٹ ڈاکٹر سردار سرفراز اور محکمہ سپارکو سے غلام مرتضیٰ ٹیلی فون پررابطے میں تھے-
محکمہ موسمیات پنجاب سے شاہد عباس،محکمہ اوقاف پنجاب سے آصف اعجاز اور حافظ جاوید شوکت نے اپنی خدمات سر انجام دیں، زونل رؤیت ہلال کمیٹی لاہور کے ممبران میں مفتی فتح محمد راشدی،مفتی محمد رمضان سیالوی،حافظ مختیار احمد ندیم،مولانا عبدالرحمن،رانا محمد شفیق خان پسروری،مفتی محمد اسحاق ساقی،مفتی محمد شفیق اعوان،مفتی محمد کریم خان،مفتی محمد احمد خان،و دیگر حضرات میں سید عبدالبصیر آزاد،سید عبدالکبیر آزاد،صاحبزادہ سید عبدالرازق آزاد،خواجہ جاوید اسلم شامل تھے-
اس کے علاوہ پاکستان بھر میں زونل رؤیت ہلال کمیٹیوں کے اجلاس ان کے متعلقہ ہیڈ کوارٹرزاسلام آباد،کوئٹہ، پشاور،کراچی میں منعقد ہوئے‘ جس میں مرکزی و زونل رؤیت ہلال کمیٹیوں کے ممبران اور فنی ماہرین نے شرکت کی، مولانا سید محمد عبد الخبیر آزاد چیئر مین مرکزی رؤیت ہلال کمیٹی پاکستان نے اعلان کرتے ہوئے کہا کہ آج پاکستان کے اکثرو بیشتر مقامات پرمطلع ابر آلودرہااورکچھ مقامات پر مطلع صاف بھی رہا،پاکستان کے مختلف مقامات سے ماہ رجب المرجب کا چاند نظر آنے کی شہادتیں موصول ہوئیں ہیں جن میں نواب شاہ،تھرپارکر،عمرکوٹ کنری،چھور،بدین،حیدر آباد،پسنی،وندر بلوچستان اور دیگر مقامات پر چاند نظر آگیا ہے-
لہذا اتفاق رائے سے فیصلہ کیا گیا کہ یکم رجب المرجب ۵۴۴۱ھ13جنوری 2024ء بروزہفتہ کو ہوگی، اجلاس کے آخر میں فلسطین اور غزہ کے مظلوم مسلمانوں کی آزادی،عالم اسلام کے اتحاد، حرمین شریفین کے تحفظ، ملک پاکستان کی سلامتی و استحکام‘ ترقی وخوشحالی ،اتحاد و وحدت کیلئے خصوصی دعا کی گئی۔
