حجاج کرام مزدلفہ میں کھلے آسمان تلے رات گزارنے کے بعد بڑے شیطان کی رمی کررہے ہیں۔
باغی ٹی وی : حج کا رکن اعظم وقوف عرفہ ادا کرنےکےبعد لاکھوں حجاج کرام گزشتہ رات مزدلفہ پہنچے تھے آج قربانی کر کے حجاج رمی کرنے کے بعد حلق یا تقصیر(بال منڈوانے) کے بعد احرام کھول دیں گے اور طواف زیارت کریں گے۔
مسلمان اورغیرمسلم سب سے دھیمے لیجے میں بات کرو، انسانیت کا احترام لازمی ہے،خطبہ حج
حجاج کرام صفا اور مروہ کے درمیان عام لباس میں سعی کریں گے اور منیٰ واپس جائیں گے۔
قبل ازیں حجاج نے 9 ذوالحجہ کا دن میدان عرفات میں گزارا جہاں انہوں نے حج کا رکن اعظم وقوف عرفہ ادا کیا اور غروب آفتاب کے ساتھ ہی میدان عرفات سے مزدلفہ کی جانب کوچ کیا۔
سعودی عرب اور خلیجی ممالک میں مذہبی عقیدت و احترام سے عید الاضحیٰ منائی جا رہی ہے
حجاج کرام نے رات مزدلفہ میں قیام کیا جہاں انہوں نے مغرب اور عشا کی نمازیں قصر و جمع کی صورت میں ادا کیں اور فجر کی نماز کے ساتھ ہی منیٰ کے لیے روانہ ہوگئے۔ کچھ حجاج مغرب وعشا کی نمازیں مزدلفہ میں ادا کرنے کے تھوڑی دیر بعد ہی منیٰ کی جانب چل پڑے جبکہ بیشتر نے رات کا کافی حصہ مزدلفہ میں گزارا۔
رپورٹس کے مطابق اس سال دنیا بھر سے 10 لاکھ اور پاکستان سے تقریباً 80 ہزار عازمین حج میدانِ عرفات میں عبادت میں مصروف رہے-