Tag: رمیش سنگھ

صوباٸی وزیر اقلیتی امور / چٸیرمین پاکستان سکھ گوردوارہ پربندھک کمیٹی سردار رمیش سنگھ اروڑہ نے سکھ مذہب کے نانک شاہی کیلنڈر کے نئے سال شروع ہونے پر جنم استھان میں منعقدہ خصوصی تقریب میں شرکت کی جبکہ اس موقع پر پاکستان سمیت مختلف ممالک سے سکھ رہنماٶں کی کثیر تعداد بھی موجود تھی۔صوباٸی وزیر نے سکھ رہنماٶں کے ہمراہ نئے نانک شاہی کیلنڈر کی رونماٸی کی اور سکھ برادری کو نانک شاہی کیلنڈر کا 556 واں سال شروع ہونے پر مبارکباد پیش کی۔

صوباٸی وزیر سردار رمیش سنگھ اروڑہ نے تقریب سے خطاب کرتے ہوئے کہا کہ پاکستان میں تمام مذہبی اقلیتوں کو مساوی حقوق حاصل ہیں جبکہ پاکستان مسلم لیگ (ن) کی حکومت مذہبی اقلیتوں کے لیے سرکاری ملازمتوں میں پانچ فی صد کوٹہ پر عملدرآمد یقینی بنا رہی ہے۔ انکا کہنا تھا کہ سکھ برادری کے لیے بہت خوشی کی بات ہے کہ ملکی تاریخ میں پہلی مرتبہ کوئی سکھ قوم سے صوبائی وزیر بنایا گیا ہے اور پاکستان نے سکھ خاتون کو پربندھک کمیٹی کا جنرل سیکرٹری بنا کر منفرد مثال قائم کی ہے۔ سردار رمیش سنگھ اروڑہ نے مزید کہا کہ سبز ہلالی پرچم کے سائے تلے ہم سب ایک ہیں اور یقین رکھیں کہ تمام مذہبی اقلیتوں کی عبادتگاہوں کا تحفظ یقینی بنایا جائے گا۔ سردار رمیش سنگھ اروڑہ نے اس بات پر زور دیا کہ بابا گورونانک کی جائے پیدائش ننکانہ صاحب کو مثالی شہر بنائیں گے جبکہ سکھ نوجوانوں کے لئے ننکانہ صاحب میں کھیل کا میدان بنایا جائے گا۔ انہوں نے سکھ قوم کو خوشخبری سنائی کہ وزیراعلیٰ پنجاب مریم نواز شریف جلد ننکانہ صاحب کا دورہ کریں گی تاکہ ننکانہ شہر میں بسنے والوں کے مسائل ترجیحی بنیادوں پر حل کئے جاسکیں ۔ انہوں نے یقین دلایا کہ بابا گورونانک یونیورسٹی قومی منصوبہ ہے، اسے جلد مکمل کرنے پر زور دیں گے اور بابا گورونانک کے لئے فنڈز کا مسئلہ حل کرواتے ہوئےبابا گورونانک یونیورسٹی میں بابا گورونانک چئیر بھی قائم کریں گے

رمیش سنگھ اروڑہ کا مذہبی اقلیتوں کے حقوق کا تحفظ یقینی بنانے کا عزم

مجھے نہ صرف سکھوں بلکہ تمام اقلیتوں کے تحفظ کی فکر ہے،رمیش سنگھ اروڑہ

مذہبی اقلیتوں کو درپیش مسائل مل کر حل کریں گے۔رمیش سنگھ اروڑہ

صوبائی وزیر رمیش سنگھ اروڑہ سے مختلف بشپس حضرات سے نے انکے کیمپ آفس میں ایک ملاقات کی۔

ملاقات کرنیوالوں میں الیگزینڈر جان ملک، بشپ ایمیریٹس، بشپ آف لاہور ندیم کامران، بشپ عرفان جمیل، سیکرٹری لاہور ڈائسس ثمینہ بھٹی، ایم پی اے اینتھنی اعجاز لیموئیل اور پادری زمان سلطان شامل تھے۔ بشپس حضرات کی جانب سے صوبائی وزیر کو ایک یادگاری چادر بھی پہنائی گئی جبکہ رمیش سنگھ اروڑہ نے وفد کا شکریہ ادا کیا۔ اس موقع پر صوبائی وزیر کا کہنا تھا کہ بشپس صاحبان کی خدمات ہمیشہ سے منفرد رہی ہیں۔ مذہبی اقلیتوں کے نوجوانوں کے لئے اعلیٰ تعلیم کا حصول یقینی بنائیں گے۔ رمیش سنگھ اروڑہ نے مزید کہا کہ ایک ٹارگٹ اپروچ کے ذریعے آگے کا لائحہ عمل اپنانا ہوگا۔ ہیلتھ اور ایجوکیشن سیکٹر میں نوجوان نسل کو زیادہ مواقع دینا ہوں گے۔

صوبائی وزیر نے اس بات پر زور دیا کہ اپنی عبادت گاہوں میں تعلیم کے شعور کو بھرپور طریقے سے اجاگر کرنے کی ضرورت ہے اور اس کے لیے آپ سب کا تعاون اور قیمتی تجربہ درکار ہوگا۔ رمیش سنگھ اروڑہ نے مزید کہا کہ آپ سب کے لیے میرے دفتر کے دروازے ہمیشہ کھلے رہیں گے۔ مذہبی اقلیتوں کو درپیش مسائل مل کر حل کریں گے۔ آپ لوگ بھی گرجا گھروں کی تعمیر ومرمت وغیرہ کی تجاویز دیں اور یقین رکھیں کہ مسلم لیگ ن کی قیادت آپ کے مسائل ترجیحی بنیادوں پر حل کرے گی

رمیش سنگھ اروڑہ کا مذہبی اقلیتوں کے حقوق کا تحفظ یقینی بنانے کا عزم

مجھے نہ صرف سکھوں بلکہ تمام اقلیتوں کے تحفظ کی فکر ہے،رمیش سنگھ اروڑہ

صدر مملکت ایک بار پھر آئین شکنی کرنا چاہتے ہیں ، اسحاق ڈار

حکومت پاکستان نے ویساکھی میلہ تقریبات کے انعقاد کے لئے شیڈول کی منظوری دے دی
قبل ازیں صوبائی وزیر مذہبی اقلیتی امور ،پردھان پاکستان سکھ گورودوارہ پربندھک کمیٹی سردار رمیش سنگھ اروڑہ کی زیر صدارت ماہ اپریل میں ”ویساکھی میلہ اور 325ویں خالصہ جنم دن“ تقریبات کے انعقاد کے سلسلے میں کوآرڈی نیشن کمیٹی کا اجلاس متروکہ وقف املاک بورڈ کے کمیٹی روم میں کیا گیا۔ دوران اجلاس ایڈیشنل سیکرٹری شرائنز رانا شاہد سلیم نے ویساکھی میلہ 2024 اور خالصہ جنم دن تقریبات کے حوالے سے بریفنگ دیتے ہوئے بتایا کہ پاکستان اور بھارت کے مابین طے شدہ پروٹوکول کے تحت 3000بھارتی شہریوں کو ویساکھی میلہ میں شرکت کے لئے ویزے جاری کئے جا سکتے ہیں جبکہ حکومت پاکستان نے ویساکھی میلہ تقریبات کے انعقاد کے لئے شیڈول کی منظوری دے دی ہے، یاتری 13 اپریل کو واہگہ چیک پوسٹ راستے پاکستان پہنچیں گے۔ یاتریوں کو پاکستان میں قیام، طعام، میڈیکل کی سہولیات مفت فراہم کی جائیں گی اوران کی سیکورٹی کے فول پروف انتظامات یقینی بنائے جا رہے ہیں۔ پاکستان سکھ گورودوارہ پر بندھک کمیٹی کے پردھان و صوبائی وزیر اقلیتی امور سردار رامیشن سنگھ اروڑا نے سیکورٹی سمیت اعلی انتظامات پر زور دیتے ہوئے ہدایت کی کہ بھارت سمیت دنیا بھر سے آنے والے مہمانوں کی بہترین مہمان نوازی و خاطر داری کی جائے اور یاتریوں کو سیکورٹی، ٹرانسپورٹ میڈیکل اور رہائش کی بہترین و فول پروف سہولیات یقینی بنائی جائیں۔

وزیر اعلی پنجاب مریم نواز نے یاتریوں کے لیے بہترین انتظامات کے احکامات دے رکھے ہیں،رمیش سنگھ اروڑہ
رمیش سنگھ اروڑہ نے واضح کیا کہ وزیر اعلی پنجاب مریم نواز نے یاتریوں کے لیے بہترین انتظامات کے احکامات دے رکھے ہیں۔ پاکستان مسلم لیگ(ن) کی حکومت نے ملکی تاریخ میں پہلی بار سکھ کمیونٹی کو صوبائی کابینہ میں شامل کر کے پیغام دیا ہے کہ وہ ملکی اقلیتوں کی فلاح، ترقی اور انہیں معاشرے کا مفید شہری بنانے کے حوالے سے ترجیحات کا تعین کئے ہوئے ہیں۔ سردار رمیش سنگھ اروڑہ نے مزید کہا کہ تمام وفاقی،صوبائی اور ضلعی ادارے ایک پیج پر ہیں، مہمانوں کی سیوا کرنا ہمار فرض ہے، اور ہم اپنا فرض بخونی سر انجام دیں گے۔ اجلاس میں سیکرٹری بورڈ فرید اقبال، ایڈیشنل سیکرٹری شرائنز رانا شاہد سلیم، ایڈیشنل سیکرٹری ایڈمن ثنائاللہ خان، ڈپٹی سیکرٹری شرائنز ندیم دھریجو، ڈپٹی سیکرٹری ایڈمن پی ایم یو کرتار پور سیف اللہ کھوکھر،بورڈ ترجمان عامر حسین ہاشمی سمیت پاکستان ریلوے، پنجاب رینجرز، اے ایس ایف، پی آئی ڈی، امیگریشن، کسٹمز، پولیس فورس سپیشل برانچ، آئی بی اور متروکہ وقف املاک بورڈ کے نمائندگان نے شرکت کی

صوبائی وزیر برائے اقلیتی امور رمیش سنگھ اروڑا نے کہا ہے کہ وہ مسلم لیگ ن کی قیادت کے شکر گزار ہیں جنہوں نے اتنی اہم ذمہ داری سونپی ہے اور وزیراعلی پنجاب مریم نواز کی قیادت میں مذہبی اقلیتوں کے حقوق کا تحفظ بنانے کے لیے اپنے تمام تر وسائل بروئے کار لائیں گے ۔

سردار رمیش سنگھ اروڑا ایک منجھے ہوئے سیاستدان ہیں جنہوں نے پنجاب یونیورسٹی لاہور سے گریجویشن کیا۔ وہ ایک سرکردہ کاروباری اور ممتاز سکھ رہنما ہیں جو 2020 میں مسلسل دوسری مدت کے لیے رکن صوبائی اسمبلی پنجاب منتخب ہوئے۔ 2013 سے 2018 کے دوران اپنے پہلے دور میں، وہ پنجاب اسمبلی کے پہلے پارلیمنٹیرین تھے جو 1947 میں پاکستان کی آزادی کے بعد سکھ برادری سے آئے تھے۔ انہوں نے 2014 سے 2017 کے دوران کامرس اینڈ انویسٹمنٹ کی قائمہ کمیٹی کے چیئرمین کے طور پر کام کیا اور بطور چیئرمین، قائمہ کمیٹی برائے انسانی حقوق اور اقلیتی امور سے 2017 سے 2018 کے دوران انسانی حقوق کے ایک معروف کارکن اور سماجی کارکن کی حیثیت سے بھی کافی معروف رہے۔

رمیش سنگھ نے پاکستان میں سکھ برادری کے حقوق کے تحفظ اور "پنجاب سکھ آنند کارج میرج ایکٹ 2018” کی منظوری کے لیے نمایاں کردار ادا کیا۔ ان کی کوششوں سے پاکستان پہلا ملک بن گیا ہے جہاں سکھ میرج رجسٹریشن ایکٹ نافذ ہے۔ انہوں نے بطور ممبر، ایویکیو ٹرسٹ پراپرٹی بورڈ (ETPB) گورنمنٹ کی خدمات انجام دیں۔ پنجاب میں 2011 سے 2013 کے دوران وزارت قومی ہم آہنگی کے تحت اقلیتوں کے قومی کمیشن کے رکن کے طور پر اور 2009 سے 2013 کے دوران پاکستان سکھ گوردوارہ پربھندک کمیٹی کے جنرل سیکرٹری کے طور پر بھی اپنی خدمات پیش کر چکے ہیں۔انہوں نے جولائی 2011 میں امریکہ کے تین ہفتوں پر محیط ایک خصوصی سیشن میں "شہریوں کے مساوی حقوق کے فورمز” میں پاکستان کی نمائندگی کر چکے ہیں۔ رمیش سنگھ کو 2016 میں صدر اسلامی جمہوریہ پاکستان کی طرف سے قومی انسانی حقوق کے ایوارڈ سے بھی نوازا گیا

پاکستان میں عام انتخابات کے بعد پنجاب میں کابینہ بن چکی ہے، حلف اٹھا لیا گیا ہے، پنجاب کابینہ میں اقلیتی وزیر بھی شامل کئے گئے ہیں، سکھ رکن اسمبلی کو بھی پنجاب کا وزیر بنا یا گیا ہے،

رمیش سنگھ اروڑہ، اقلیتی سیٹ پر رکن اسمبلی منتخب ہوئے اور انہیں وزیراعلیٰ پنجاب مریم نواز نے اپنی کابینہ میں شامل کر لیا، رمیش سنگھ نے گورنر ہاؤس میں اپنے عہدے کا حلف لے لیا ہے،وہ سکھ برادری سے وزیر بننے والے پہلے پاکستانی ہیں، پنجاب کابینہ کے پہلے اجلاس میں وزیر اعلیٰ مریم نواز شریف نے تمام وزراء خصوصی طور پر سکھ برادری سے تعلق رکھنے والے پہلے وزیر رمیش سنگھ اروڑا کو وزرات کا قلم دان سنبھالنے پر مبارکباد دی.

رمیش سندھ اروڑہ کا تعلق ننکانہ صاحب سے ہے، گزشتہ برس انہیں کرتار پور راہداری کا سفیر بھی مقرر کیا گیا تھا، وہ تین برس کے لیے پاکستان سکھ گوردوارہ مینجمنٹ کمیٹی کے صدر بھی رہ چکے ہیں، انہوں نے ورلڈ بینک کے لیے بھی کام کیا ہے،رمیش سنگھ ننکانہ صاحب میں پیدا ہوئے،انہوں نے جی سی لاہور سے انٹرپرینیورشپ اور ایس ایم ای مینجمنٹ میں پوسٹ گریجویشن کی ڈگری حاصل کی ، سیاست میں آنے سے قبل رمیش سنگھ نے پاکستان میں عالمی بینک کے غربت کے خاتمے کے پروگرام کے لیے کام کیا ہے،

2008 میں رمیشن سنگھ نے موجاس فاؤنڈیشن کی بنیاد رکھی، جو پاکستان میں پسماندہ اور غریبوں کے لیے کام کرنے والی ایک تنظیم ہے۔رمیش سنگھ کے بڑے بھائی گوبند سنگھ کرتار پور گوردوارہ میں چیف گرنتھی کے طور پر کام کر رہے ہیں۔ رمیش سنگھ اروڑہ  تین بار ایم پی اے رہ چکے ہیں۔سردار رمیش سنگھ اروڑہ کے کریڈٹ پر 2013-18 کی مسلم لیگ حکومت کے دوران ‘سکھ شادی ایکٹ’ بنوانا بھی شامل ہے، جس کے ذریعے پاکستان کے سکھ جوڑوں کی شادیاں انکے مذہب عقائد کے مطابق رجسٹر کرنےکو قانونی شکل دی گئی،

رمیشن سنگھ اروڑہ کا کہنا ہے کہ قیام پاکستان کے بعد پہلی بار ایک سکھ کو صوبہ پنجاب کی کابینہ میں شامل کیا گیا ہے، مجھے نہ صرف سکھوں بلکہ تمام اقلیتوں کے تحفظ اور بہبود کی فکر ہے۔ پاکستان میں رہنے والے ہندو اور عیسائی سمیت سب کے لئے کام کریں گے

سکھ برادری کا پنجاب میں وزیر بننے پر نہ صر ف پاکستان بلکہ دنیا بھر کی سکھ برادری نے خوشی کا اظہار کیا ہے اور رمیش سنگھ کو مبارکباد دیتے ہوئے نیک خواہشات کا اظہار کیا ہے

صدر مملکت ایک بار پھر آئین شکنی کرنا چاہتے ہیں ، اسحاق ڈار

صدارتی انتخاب کا طریقہ کاراور آئینی تقاضے

چیئرمین سینیٹ صدارتی انتخابات میں ووٹ نہیں ڈال سکیں گے

صدارتی انتخابات،آصف زرداری، محمود اچکزئی کے کاغذات منظور

صدارتی امیدوار محمود اچکزئی کے گھر پر چھاپہ،ترجمان، خالی پلاٹ پر قبضہ واگزار کروایا،انتظامیہ

صدارتی انتخاب ، پارلیمنٹ کا مشترکہ اجلاس 9 مارچ کو طلب

محمود اچکزئی کیلئے عمران خان نے جو الفاظ استعمال کئے ،سب کے سامنے ہیں،خورشید شاہ

صدارتی انتخابات،عام شہری نے بھی کاغذات جمع کروا دیئے