بالی ووڈ اداکار رنبیر کپور اور اداکارہ عالیہ بھٹ کی شادیاں کی تیاریاں مکمل ہو گئیں، تقریبات 17 اپریل تک جاری رہیں گی۔
باغی ٹی وی : بھارتی میڈیا کے مطابق دونوں اسٹارز نے شادی کے لیے رنبیر کپور کے انکل رندھیر کپور کے گھر کا انتخاب کیا ہے، جہاں 1980 میں رنبیر کپور کے والد رشی کپور اور نیتو سنگھ کی شادی ہوئی تھی۔
تاہم، اس حوالے سے رندھیر کپور نے بھارتی میڈیا کو جواب دیتے ہوئے کہا کہ’وہ نہیں جانتے کہ لوگ عالیہ اور رنبیر کے بارے میں اتنی آزادی سے کیوں بات کررہے ہیں اُنہوں نے عالیہ اور رنبیر کے اپنے گھر(RK House) میں شادی کرنے کے بارے میں کہا کہ ایسی کوئی بات نہیں سنی اور نا ہی وہ ایسی کسی بات سے واقف ہیں-
بھارتی میڈیا کی ہی رپورٹ کے مطابق دونوں اداکاروں نے نجی تقریب میں شادی کے بندھن میں بندھے گی جس میں صرف ان کے خاندان اور قریبی دوست اور شرکت کریں گے۔
بھارتی شوبز ویب سائٹ پنک ولا کی رپورٹ کے مطابق رنبیر کپور کی ماں نیتو سنگھ کو بھارت کے مشہور ڈیزائنر منیش ملہوترا کے اسٹوڈیو اور پھر انہیں ان کے گھر جاتے بھی دیکھا گیا ہے، جبکہ عالیہ اور رنبیر نے اپنی فلموں کی جاری شوٹنگز سے کچھ دیر کے لیے بریک بھی مانگ لی ہے۔
پنک ولا کا رپورٹ میں کہنا ہے کہ شادی کے بعد رنبیر اور عالیہ کا ریسپشن ممبئی میں رکھا جائے گا، جس میں کئی بالی ووڈ ستارے نظر آئیں گے، جس کی گسٹ لسٹ بھی تیار ہو چکی ہے، جس میں شاہ رخ خان کے ساتھ رنبیر کپور کی دوست رہ چکی دیپیکا پڈوکون کا نام بھی شامل ہے۔
انڈیا ٹو ڈے کی رپورٹ کے مطابق رنبیر اور عالیہ کی شادی میں شاہ رخ خان، ہدایتکار کرن جوہر، سنجے لیلا بھنسالی، زویا اختر، ڈیزائنر مسابا گپتا، ورون دھون ، ان کے بھائی روہت دھون، آیان مکھرجی، ارجن کپور، منیش ملہوترا، اکانشا رنجن اور انوشکا رنجن کو مدعو کیا گیا ہے۔
رپورٹس کے مطابق اس بات کی تصدیق ہوگئی ہے کہ کرن جوہر، آیان مکھرجی، منیش ملہوترا، انوشکا رنجن اور ان کی بہن اکانشا رنجن شادی میں ضرور شرکت کریں گےاس کے علاوہ نیتو کپور، ردھیما کپور ساہنی، کرینہ کپور خان، سیف علی خان، کرشمہ کپور، مہیش بھٹ، مکیش بھٹ، اور سونی رازدان سبھی شادی کی تقریبات کا حصہ ہوں گے۔
واضح رہے کہ رنبیر کپور نے حال ہی میں ایک انٹرویو میں عالیہ اور ان کی شادی جلد ہونے کا اعتراف کیا تھا لیکن انہوں نے اپنی شادی کی تاریخ نہیں بتائی تھی دونوں اداکاروں کی جانب سے تاحال شادی کی تاریخ کا باضابطہ اعلان نہیں کیا گیا ہے۔
یاد رہے عالیہ بھٹ ہمیشہ سے انٹرویوز میں بتاتی رہی ہیں کہ 11 سال کی عمر سے انہیں رنبیر کپور پر کرش ہوا تھا، لیکن ان کا رشتے کا آغاز 2017 میں ہوا، جسے 2018 میں انہوں نے سونم کپور کی شادی پر ایک ساتھ آ کر آفیشل کر دیا تاہم اب جلد شادی کے بندھن میں بھی بندھنے والے ہیں تاہم میڈیا کے پوچھنے پر ہر بار عالیہ شادی کی تاریخ والے سوال کو نظرانداز کردیتی ہیں۔
