اسلام آباد: بیرون ملک مقیم پاکستانیوں نے روشن ڈیجیٹل اکاؤنٹس میں 42 مہینوں میں 7 ارب 47 کروڑ 80 لاکھ ڈالر جمع کرائے ہیں۔
باغی ٹی وی: اسٹیٹ بینک آف پاکستان کے مطابق ستمبر 2020 سے رواں سال فروری تک روشن ڈیجیٹل اکاؤنٹس کی تعداد 6 لاکھ 68 ہزار 701 ہوگئی ہے،گزشتہ ماہ فروری میں بیرون ملک مقیم پاکستانیوں نے 8 ہزار 895 روشن ڈیجیٹل اکاؤنٹ کھلوائے ہیں۔
روشن ڈیجیٹل اکاؤنٹس میں فروری میں 14 کروڑ 10 لاکھ ڈالر جمع کرائے گئے جب کہ 42 مہینوں میں روشن ڈیجیٹل اکاؤنٹس میں 7 ارب 47 کروڑ 80 لاکھ ڈالر جمع کرائےگئے فروری 2024 تک روشن ڈیجیٹل اکاؤنٹس میں جمع کرائی گئی رقم میں سے 4 ارب 66 کروڑ 70 لاکھ ڈالر مقامی طور پر استعمال کیےگئے ہیں جب کہ ایک ارب 55 کروڑ 90 لاکھ ڈالر کھاتوں سے نکلوائے جاچکے ہیں، فروری 2024 تک روشن ڈیجیٹل اکاؤنٹس میں جمع واجب الادا ڈیپازٹس ایک ارب 25 کروڑ 20 لاکھ ڈالر ہیں۔