Tag: روہت شیٹی

بالی وڈ کے مقبول اسٹار رنویر سنگھ آن اسکرین اور آف اسکرین پنی خوش قسمت شخصیت کے لیے مشہور ہیں۔ورسٹائل اداکار کی انرجی دوسروں کے لئے یقینا انسپریشن ہے. انہوں نے ہمیشہ اس بات کو یقینی بنایا ہے کہ ان کے آس پاس کے لوگ ان سے ہمیشہ خوش رہیں۔ جو لوگ رنویر سنگھ کو قریب سے جانتے ہیں ان کا کہنا ہے کہ رنویر کو بہت ہی کم کسی کے ساتھ بد تمیزی کرتے یا ناخوشگوار موڈ‌میں دیکھا گیا ہے. رنویر سنگھ حقیقی زندگی میں انتہائی صبر و تحمل کا مظاہرہ کرتے ہیں لیکن بعض اوقات وہ اپنا ٹیمپر کھو بیٹھتے ہیں . اس حوالے سے رنویر سنگھ نے اپنے

حالیہ انٹرویو میں کہا ہے کہ مجھے صرف اس وقت غصہ ہوتا ہوں جب دیکھتا ہوں کہ سامنے والا مخلص نہیں ہے اپنے کام سے . انہوں نے کہا کہ میں‌نے سیٹ پر ہمیشہ کوشش کی ہے کہ صبر وتحمل کا مظاہرہ کروں کیونکہ میں سیٹ کا ماحول خراب کرنے سے گریز کرتا ہوں. انہوں‌نے کہا کہ مجھے غیر مخلص لوگ بالکل نہیں پسندان کو دیکھ مجھے غصہ آتا ہے. روہت شیٹی جنہوں نے رنویر کے ساتھ کام کیا ہے وہ کہتے ہیں کہ کیمرے کے سامنے رنویر پرفیکشنسٹ ہوتے ہیں لیکن کبھی کبھار اس وقت غصے میں آتے ہیں جب سامنے والا سو فیصد نہ دے رہا ہوں لیکن کیمرہ بند ہوتے ہی ان کا غصہ جاتا رہتا ہے.

روہت شیٹی کی اجے دیوگن کے ساتھ 2011 میں سنگھم آئی اس میں اجے دیوگن مرکزی کردار میں تھے، اس کے بعد سنگھم ریٹرنز آئی،دونوں فلموں‌ کو عوامی سطح پر بے حد پذیرائی ملی. اس کے بعد سمبا اور سوریاونشی 2021 میں ریلیز ہوئیں۔ان دونوں کے مداح سنگھم تھری کے منتظر تھے ان کے لئے خوشخبری ہے کہ اجے اور روہت سنگھم تھری دوبارہ بنانے جارہے ہیں.یہ خبر فلمی ویب سائٹس پر چل تو رہی ہے لیکن اجے اور روہت نے باضابطہ طور پر سنگھم تھری کا اعلان نہیں کیا. جیسے ہی یہ خبر سوشل میڈیا پر آئی مداحوں نے بے حد خوشی کا اظہار کیا ہے مداحوں کا کہنا ہے کہ یہ فلم بلاک بسٹر ہوگی.

اپنے ایک پرانے انٹرویو میں روہت شیٹی اتنا ضرور کہہ چکے ہیں‌کہ وہ سنگھم 3 کی تیاری کررہے ہیں اس پر کام شروع ہو چکا ہے،انہوں نے یہ بھی کہا تھا کہ ابھی اجے مصروف ہیں اسلئےہم اگلے سال اپریل میں فلم کی شوٹنگ شروع کریں گے.یاد رہے کہ روہت شیٹی سدھارتھ ملہوترا کے ساتھ اپنی اگلی فلم کی تیاری میں مصروف ہیں اور اجے دیوگن بھولا جیسی فلموں میں مصروف ہیں. اجے دیوگن نے نوے کی دہائی میں اپنا کیرئیر بطور ایکشن ہیرو شروع کیا بعد ازاں انہوں نے ہر طرح کا کردار ادا کرکے ثابت کیا کہ وہ کسی سے کم نہیں ہیں.