بالی ووڈ ایکٹر سیف علی خان نے چاقو حملے کے بعد ہسپتال پہنچانے والے رکشہ ڈرائیور بھجن سنگھ رانا سے ملاقات کی۔
باغی ٹی وی نے بھارتی میڈیا کے حوالے سے خبر دی تھی کہ گزشتہ ہفتے رات کو 3 بجے کے قریب سیف علی خان کے ممبئی کے باندرا والے گھر میں ڈکیتی کی کوشش کی گئی جسے انہوں نے مزاحمت کرکے ناکام بنایا تاہم اداکار اس دوران چاقو کے وار سے زخمی ہوگئے۔سیف علی خان کو زخمی ہونے کے بعد گھر کی گاڑی کے بجائے رکشہ میں مقامی اسپتال پہنچایا گیا تھا ، گزشتہ روز انہیں ہسپتال سے ڈسچارج کر دیا گیا تھا ۔سیف علی خان نے جان بچانے میں مدد کرنے والے رکشہ ڈرائیور بھجن سنگھ رانا سے ملاقات کی ہے اور یہ ملاقات گزشتہ روز اسپتال میں ہی ہوئی ہے۔میڈیا رپورٹس کے مطابق سیف علی خان اور ان کی والدہ سمیت دیگر بھی ملاقات میں شریک تھے اور انہوں نے رکشہ ڈرائیور کا شکریہ ادا کیا۔ اداکار نے رکشہ ڈرائیور کے ساتھ تصاویر بھی بنوائیں۔
ملاقات سے متعلق بات کرتے ہوئے رکشہ ڈرائیور نے کہا کہ ایمرجنسی گیٹ سے ماسک پہنا کر سیف علی خان کے کمرے میں لے جایا گیا تھا اور وہاں سیف نے اپنے برابر میں بٹھایا اور خاندان کے تمام لوگوں نے شاباش دی اور شکریہ ادا کیا۔پیسوں کے حوالے سے رکشہ ڈرائیور نے بتایا کہ سیف علی خان نے مذاق میں کہا کہ اس دن پیسے نہیں دے پایا تھا آپ کے پیسے آپ کو مل جائیں گے اور زندگی میں کبھی بھی ضرورت پڑتے تو گھر کے دروازے کھلے ہیں۔واضح رہے کہ سیف علی خان پر چاقو حملے کے مرکزی ملزم کو گرفتار کرلیا گیا اور ان کے گھر کے اطراف میں سکیورٹی بھی بڑھادی گئی ہے۔
30 سال کے راز ثبوتوں کے ساتھ محفوظ ہیں، گواہی نہیں دوں گا،ملک ریاض
مریم ، ٹیریان ناجائز کہنے پرنعیم حیدر پنجوتھا اور اختیار ولی کی لائیو شو میں ہاتھا پائی
