فیفا نے آل انڈیا فٹ بال فیڈریشن کو فوری طور پر معطل کر دیا،رکنیت کی معطلی کی وجہ سے بھارت اکتوبر میں انڈر 17 ویمن فٹبال ورلڈ کپ کی میزبانی سے محروم ہو گیا ہے۔
باغی ٹی وی : فیفا کی جانب سے جاری بیان کے مطابق فیصلہ قوانین کی خلاف ورزی کی وجہ سے کیا گیا ہے، فٹبال قوانین میں بیرونی مداخلت پر بھارت کی رکنیت معطل کی گئی ہے، جب تک فٹبال کے معاملات منتخب باڈی کے سپرد نہیں ہوتے رکنیت معطل رہے گی۔
فیفا ”کنیکٹ آئی ڈی“ پروگرام کا 18اگست کو آغاز:پاکستان میں فٹبال کو اہمیت دی جانے…
بیان میں مزید کہا گیا ہے کہ فیصلہ فیفا کونسل کے بیورو نے متفقہ طور پر لیا ہے، فیصلہ تیسری پارٹی کے غیر ضروری اثر و رسوخ کی وجہ سے لیا گیا ، جو فیفا کے قوانین کی سنگین خلاف ورزی ہے۔
بھارتی عدالت نے مئی میں فٹبال فیڈریشن کو برطرف کر کے 3 رکنی کمیٹی قائم کرتے ہوئے کہا گیا تھا کہ فیفا قوانین کے تحت فٹبال معاملات میں بیرونی مداخلت قبول نہیں۔
اے آئی ایف ایف ایگزیکٹو کمیٹی کے اختیارات کو منسوخ کرنے اوراے آئی ایف ایف انتظامیہ کو AIFF کے روزمرہ کے معاملات پر مکمل کنٹرول حاصل کرنے کے لیے منتظمین کی ایک کمیٹی قائم کرنے کے حکم کے بعد معطلی ہٹا دی جائے گی۔
پاکستان فیڈریشن بیس بال کے زیر اہتمام جشن آزادی پاکستان کی شاندار تقریب:کیک کاٹا…
معطلی کا مطلب ہےکہ فیفا انڈر 17 ویمنز ورلڈ کپ 2022™، جو کہ 11-30 اکتوبر 2022 کو ہندوستان میں ہونے والا ہے، فی الحال منصوبہ بندی کے مطابق ہندوستان میں منعقد نہیں ہو سکتا۔ فیفا ٹورنامنٹ کے حوالے سے اگلے اقدامات کا جائزہ لے رہا ہے اور اگر ضروری ہوا تو اس معاملے کو کونسل کے بیورو کو بھیجے گا۔ فیفا ہندوستان میں نوجوانوں کے امور اور کھیل کی وزارت کے ساتھ مسلسل تعمیری رابطے میں ہے اور امید ہے کہ اس کیس کا مثبت نتیجہ اب بھی نکل سکتا ہے۔
یاد رہے فیفا نے پاکستان کی رکنیت بھی معطل کی تھی تاہم 29 جون کو ہونیوالے اجلاس میں نارملائزیشن کمیٹی کو پی ایف ایف ہاوس اور اختیارات واپس ملنے پرفیفا نے پاکستان کی انٹرنیشنل رکنیت بحال کردی۔
