اوکاڑہ(علی حسین) رینالہ خورد کے قریب نیشنل ہائی وے پر ٹرک نے ڈی ایس پی سرکل کی سرکاری گاڑی کو ٹکرماردی، جس کے نتیجے میں ڈی ایس پی اپنے ڈرائیور سمیت شدید زخمی ہوگئے جبکہ گاڑی مکمل طور پر تباہ ہوگئی۔ ڈی ایس پی سرکل چوہدری ضیاالحق اپنی معمول کی گشت پر تھے۔ نیشنل ہائی وے رینالہ خورد کے قریب پیچھے سے آنیوالے مزدا ٹرک نے ڈی ایس پی کی سرکاری گاڑی کو ٹکر ماردی۔ ڈی ایس پی چوہدری ضیاء الحق اپنے ڈرائیور سمیت زخمی ہوگئے۔ ریسکیو کے عملے نے بروقت کاروائی کرتے ہوئے زخمیوں کو تحصیل ہیڈ کوارٹر ریفر کردیا ہے۔ حادثہ ٹرک ڈرائیور کی غفلت کیوجہ سے پیش آیا۔ ٹرک ڈرائیور جائے حادثہ سے فرار ہوگیا ہے۔ پولیس نے ٹرک قبضہ میں لے لیا ہے۔
Tag: ریسکیو
اوکاڑہ: نیشنل ہائی وے پر مسافروں سے بھری بس الٹ گئی۔ متعدد افراد زخمی
اوکاڑہ(علی حسین ) لاہور ملتان روڈ پر مسافروں سے بھری بس ٹائر بلاسٹ ہونیکی وجہ سے الٹ گئی۔ بیس افراد زخمی ہو گئے۔ ریسکیو کا عملہ موقع پر پہنچ گیا۔ زخمیوں کو مقامی ضلعی ہسپتال ریفر کردیا گیا ہے۔ مسافر بس لاہور سے بہاولنگر جا رہی تھی ۔
اوکاڑہ: رینالہ خورد دو خواتین ریلوے لائن کراسنگ کرتے ٹرین کی زد میں آکر جاں بحق
اوکاڑہ(علی حسین) رینالہ خورد میں دو خواتین ریلوے لائن کراس کرتے ہوئے ٹرین کی زد میں آکر ہلاک ہوگئیں۔ جاں بحق ہونیوالی خواتین کی عمریں تقریباً 56 سے 60 سال بتائی جاتی ہیں۔ ریسکیو کے امدادی عملے نے موقع پر پہنچ کر ضروری امور نمٹا لیے ہیں۔ جاں بحق ہونیوالی خواتین کی شناخت تاحال نہیں ہوئی۔
اوکاڑہ فیصل آباد روڈ پر حادثہ چار افراد زخمی
اوکاڑہ(علی حسین) اوکاڑہ فیصل آباد روڈ پر 20 جیڈی کے قریب آٹو رکشہ اور کار کے تصادم میں رکشہ میں سوار چار افراد زخمی ہوگئے۔ ریسکیو1122 عملہ نے زخمیوں کو ابتدائی طبی امداد دیکر ضلعی ہسپتال ریفر کردیا ہے۔
لاہور ملتان روڈ حادثوں کا گڑھ بن گیا۔ دو افراد جاںبحق
اوکاڑہ(علی حسین ) رینالہ خورد کے قریب نیشنل ہائی وے پر ٹریکٹر ٹرالی اور ٹرالر کے تصادم میں دو شخص جاں بحق ہو گئے۔ ریسکیو اوکاڑہ کا طبی عملہ فوراََ جائے حادثہ پر پہنچ گیا۔جائے حادثہ پر لوگوں کا ہجوم اکٹھا ہوگیا تاہم موٹر وے پولیس کی جانب سے روڈ کلیئر کردیا گیا ہے۔ یاد رہے کہ گزشتہ دنوں اسی روڈ پر حادثے میں ایک ہی گھر کے پانچ افراد جان کی بازی ہار گئے تھے۔
صدرگوگیرہ: ماڑی پتن کے قریب دریائے راوی سے لاش برآمد، تاحال شناخت نہیں ہو سکی
اوکاڑہ(علی حسین) ماڑی پتن پل کے قریب دریائے راوی سے ایک شخص کی لاش برآمد ہوئی ہے. لاش کی شناخت نہیں ہوسکی۔ عمر 35 سال کے قریب ہے۔ ریسکیو ٹیم نے لاش نکال کر گوگیرہ پولیس کے حوالے کردی ہے۔
اوکاڑہ رینالہ خورد نہر میں دو بھائی ڈوب کر ہلاک
اوکاڑہ(علی حسین) رینالہ خورد نہر میں دو بھائی ڈوب کر ہلاک ہوگئے۔ بچوں کی شناخت 6 سالہ عرفان اور 2 سالہ رضوان کے ناموں سے ہوئی ہے۔ دونوں بچے نہر کنارے کھیل رہے تھے کہ اچانک نہر میں گر گئے۔ ریسکیو اور مقامی تیراک افراد کا عملہ موقع پر پہنچ گیا۔ دونوں بچوں کی نعشوں کو نکال لیا گیا ہے۔
اوکاڑہ، بیوی کو منانے میں ناکامی شوہر نے خود کو آگ لگا لی۔حالت تشویشناک
اوکاڑہ(علی حسین مرزا) ناراض بیوی کو منانے میں ناکامی کا سامنا کرنے پر خاوند نے تیل چھڑک کر خود کو آگ لگا لی۔ نول پلاٹ کے رہائشی صدی احمد کی بیوی کئی دنوں سے ناراض ہوکر میکے رہ رہی تھی۔ صدی احمد نے منانے کی کوشش کی لیکن ناکام رہا۔ دلبرداشتہ ہوکر خود پر تیل چھڑک کر آگ لگا لی۔ ریسکیو 1122 نے تشویشناک حالت کی بنا پر ڈی ایچ کیو اوکاڑہ ریفر کردیا ہے۔ مضروب چار بچوں کا باپ ہے۔
ریسکیو و میچ ایک ساتھ
قصور
ریسکیو ٹیموں کے درمیان کرکٹ میچ کھیلا گیاتفصیلات کے مطابق ڈسٹرکٹ قصور اور تحصیل پتوکی کی ریسکیو ٹیموں کے مابین کرکٹ کا مقابلہ ہوا جس میں دونوں ٹیموں نے اچھی کارکردگی دکھائی تاہم ڈسٹرکٹ قصور کی ٹیم نے میچ جیت کر ٹرافی اپنے نام کر لی اس موقع پر مہمان خصوصی ڈسٹرکٹ ایمرجنسی آفیسر ریسکیو 1122 قصور ڈاکٹر فرزند علی نے کھلاڑیوں میں انعامات تقسیم کئے ڈاکٹر فرزند علی کا مزید کہنا تھا کہ کھیل جسمانی فٹنس اور چستی کے لیے ایک صحتمند سرگرمی ہے جو آئندہ بھی جاری رہے گی
پتوکی نہر میں ایک شخص ڈوب گیا
پتوکی:
روسہ ٹبہ کے قریب ایک شخص نہر میں ڈوب گیا. جس کی اطلاع ملتے ہی ریسکیو ٹیموں نے موقع پر پہنچ کر سرچ آپریشن شروع کردیا۔ ڈوبنے والے شخص کا نام سردار بتایا جا رہا ہے عمر ستر سال کوٹ گاما تحصیل پتوکی کا رہائشی ہے۔تاحال نعش برآمد نہیں ہو سکی۔
