Tag: رینجرز

پیسے لیکر ٹارگٹ کلنگ کرنیوالا ملزم گرفتار
پیسے لیکر ٹارگٹ کلنگ کرنیوالا ملزم گرفتار
پاکستان رینجرز(سندھ) اورپو لیس نے انٹیلی جنس معلومات کی بنیاد پر مشترکہ کارروائی کرتے ہوئے کراچی کے علاقے اورنگی ٹاؤن مو من آباد سے ٹارگٹ کلنگ میں ملوث ملزم مبشر احمد کو گر فتار کر لیا۔ملزم کے قبضے سے اسلحہ بھی برآمد کر لیا گیا ہے۔
10جون 2022 کوملزم نے اپنے سا تھی افشا ن خان کے ساتھ مل کرفا ئر نگ کر کے تاجر فدا حسین شاہ کو قتل کیا تھا۔ ابتدائی تفتیش کے دوران ملزم نے انکشا ف کیا کہ انہوں نے ارباب سکنہ بنو ں سے مبلغ 5 لاکھ روپے لیکر تاجر کو قتل کیا تھا۔ ملز م متعدد ڈ کیتیوں، بینک ڈ کیتی، بھتہ خوری اور ٹارگٹ کلنگ سمیت دیگر سنگین جرائم میں ملو ث رہا ہے۔ ملزم کے دیگر ساتھیوں کی گرفتاری کے لیے چھا پے مارے جارہے ہیں۔
گرفتار ملزم کو معہ اسلحہ مزید قانونی کاروائی کے لیے پولیس کے حوالے کر دیا گیا ہے۔ عوام سے اپیل ہے کہ ایسے عناصر کے بارے میں اطلاع فوری طور پر قریبی رینجرز چیک پوسٹ، رینجرز ہیلپ لائن 1101 یا رینجرز مددگار واٹس ایپ نمبر 03479001111 پر کال یا ایس ایم ایس کے ذریعے دیں۔ آپ کا نام صیغہ راز میں رکھا جائے گا۔
قبل ازیں گزشتہ روز پاکستان رینجرز (سندھ) اورپو لیس نے انٹیلی جنس معلومات کی بنیاد پر مشترکہ کارروائی کرتے ہوئے کراچی کے علا قے ماڑی پور سے اسٹریٹ کرائم اور ڈکیتی کی متعدد وارداتوں میں ملوث4ملز مان ابو طلحہ، فیضان، علی رضا اور شہروز کو گر فتار کر لیا۔ ملزمان کے قبضے سے 2عدد 30بور پسٹل اور2عدد موٹر سائیکلیں بھی برآمد کر لی گئیں۔ ابتدائی تفتیش کے دوران ملز مان نے کراچی کے مختلف علا قوں میں ڈکیتی اور اسٹر یٹ کرائم کی 15سے زائد وارداتوں میں ملوث ہو نے کا اعتراف کیا ہے۔ ملزمان ماڑی پور ٹرک اڈا میں ڈکیتی کی منصوبہ بندی کر چکے تھے جن کو واردات سے قبل گرفتار کرلیاگیا۔ ملزمان کے دیگر ساتھیوں کی گرفتاری کے لیے چھاپے مارے جا رہے ہیں۔
دوسری شادی کیوں کی؟ پہلی بیوی نے خود کشی کر لی
منشیات فروش خاتون پولیس کے ساتھ کیسے چھپن چھپاؤ کر رہی؟
نشہ آور چیز کھلا کر لڑکی سے زبردستی زیادتی کرنے والا ملزم گرفتار
امیرلڑکے سے شادی کا انکار کیا تو گھر میں بند کر دیا گیا،25 سالہ لڑکی کی تحفظ کی اپیل
نو سالہ بچے سے زیادتی کرنیوالا پولیس اہلکار،خاتون سے زیادتی کرنیوالا گرفتار
اکتوبر 19, 2022
اسلام آباد میں رینجرز کی تعیناتی میں 3 ماہ توسیع کی منظوری
اسلام آباد:وفاقی کابینہ نے اسلام آباد میں رینجرز کی تعیناتی میں 3 ماہ کے توسیع کی منظوری دیدی۔اطلاعات کے مطابق وزارت داخلہ کی سمری کی سرلوکیشن کے ذریعے منظوری دیدی ہے۔ذرائع کے مطابق چیف کمشنر اسلام آباد نے رینجرز کی تعیناتی میں تین ماہ کی توسیع کی درخواست کی تھی۔
خیال رہے کہ وزیراعظم شہبازشریف کے زیرقیادت مخلوط وفاقی حکومت نے حزبِ اختلاف کی بڑی جماعت پاکستان تحریکِ انصاف (پی ٹی آئی) کی اسلام آبادپرممکنہ چڑھائی کو روکنے کے لیےحکمت عملی مرتب کرلی ہے اور یہ فیصلہ کیا ہے کہ اس لانگ مارچ کو کسی صورت اسلام آباد میں داخل نہیں ہونے دیا جائے گا ، ریڈ زون میں واقع سرکاری عمارتوں اور ڈپلومیٹک انکلیو کی سکیورٹی پاک فوج کے حوالے ہوگی۔
آئی ایم ایف سے کیے گئے وعدے پورے کریں گے:وزیرخزانہ اسحاق ڈار
یہ فیصلے وفاقی وزیر داخلہ رانا ثنا اللہ خان کے زیر صدارت اعلیٰ سطح کےاجلاس میں کیے گئے ہیں۔اجلاس میں سیکرٹری داخلہ یوسف نسیم کھوکھر، کمانڈنٹ ایف سی صلاح الدین محسود،آئی جی اسلام آباد ڈاکٹراکبرناصر، کمانڈر رینجرز اسلام آباد ، چیف کمشنراسلام آباد عثمان یونس، ڈی آئی جی آپریشنز سہیل ظفر چٹھہ ،ڈپٹی کمشنر اسلام آباد عرفان میمن کی شرکت کی۔اجلاس میں سکیورٹی ایجنسیوں اور قانون نافذ کرنے والے دوسرے اداروں کے نمائندے بھی شریک تھے۔
میری قوم کے بچوں کو اسکولوں میں سیرت النبیﷺ پڑھانے کی ضرورت ہے،عمران خان
اجلاس میں پی ٹی آئی کے ممکنہ لانگ مارچ اور دھرنے کوروکنے سے متعلق حکمت عملی کو حتمی شکل دی گئی۔ وزیر داخلہ رانا ثناءاللہ کی ہدایت پریہ اجلاس اِن کیمرا منعقد ہوا ہے۔سکیورٹی ایجنسیوں نے وزیرداخلہ راناثناءاللہ کوپی ٹی آئی کے ممکنہ لانگ مارچ کے حوالے سے بریفنگ دی۔اجلاس کو بتایا گیا کہ پی ٹی آئی کے لانگ مارچ کے شرکاء کی تعداد 15سے 20 ہزار کے درمیان ہونے کا امکان ہے ۔
پاکستان میں مہنگائی، بیروزگاری میں خطرناک حد تک اضافہ:معاملات مزید خراب ہوسکتے…
اکتوبر 13, 2022
سندھ:رینجرز اور پولیس کی مشترکہ کارروائی، متعدد وارداتوں میں ملوث ملزمان گرفتار
کراچی :رینجرز سندھ اور پولیس کی مشترکہ کارروائی کے دوران متعدد وارداتوں میں ملوث ملزمان کو گرفتار کرلیا گیا ہے۔تفصیلات کے مطابق پاکستان رینجرز سندھ اور پولیس نے انٹیلی جنس معلومات کی بنیاد پر مشترکہ کارروائی کی گئی ہے۔
ترجمان رینجرز کے مطابق کارروائی کے دوران کراچی کے علاقے کورنگی سے ڈکیتی اور اسٹریٹ کرائم کی متعدد وارداتوں میں ملوث 5 رکنی ڈکیت گروہ میں شامل ملزمان کو گرفتار کرلیا گیا ہے۔
ترجمان رینجرز نے بتایا کہ گرفتار ملزمان محمد آفاق عرف عفی عرف چڈی، محمدیونس، محمد یعقوب عرف کالا،عبداللہ عرف گنجا اور کمال الدین عرف کمو شامل ہیں۔ترجمان رینجرز کا کہنا تھا کہ ملزمان کے قبضے سے ڈکیتیوں میں استعمال ہونے والا اسلحہ،9 چھینے گئے موٹر سائیکل اور 17 عدد موبائل فونز بھی برآمد کر لیے گئے۔
ترجمان رینجرز نے کہا کہ ملزمان نے کراچی کے مختلف علاقوں میں ڈکیتی اور اسٹریٹ کرائم کی 500 سے زائد وارداتوں میں 12 لاکھ روپے کیش، 300سے زائد موبائل فونز اور 30سے 35 موٹرسائیکل چھیننے کا اعتراف کیاہے۔
ترجمان کے مطابق ملزمان چھینے ہوئے موٹر ساٸیکلوں کو پارٹس کی صورت میں فروخت کرتے تھے۔ترجمان کا کہنا ہے کہ ملزمان کے دیگر ساتھیوں کی گرفتاری کے لیے چھا پے مارے جارہے ہیں تاہم گرفتار ملزمان کوبمعہ برآمد شدہ اسلحہ ومسروقہ سامان مزید قانونی کارروائی کے لیے پولیس کے حوالے کردیا گیا ہے۔
وزیراعظم نے مکہ میں دوران طواف 3 مرتبہ مجھے کیا کہا؟ طاہر اشرفی کا اہم انکشاف
تحریک انصاف نے نئی نیب ترامیم کوچیلنج کردیا
نیب ترامیم کیخلاف درخواست،فیصلہ کرنے میں کوئی عجلت نہیں کرینگے،چیف جسٹس
اکتوبر 4, 2022
رینجرزاوراینٹی نارکوٹیکس فورس مشترکہ کارروائی11 کلو گرام سے زائد چرس برآمد کر لی۔
کراچی:پاکستان رینجرز (سندھ) اوراینٹی نارکوٹیکس فورس نے انٹیلی جنس معلومات کی بنیاد پر مشترکہ کارروائی کرتے ہوئے کراچی کے علاقے کورنگی مہران ٹاون سے منشیات فروشی میں ملوث ملزم شیر احمد عرف شیرا کو گرفتار کر لیا۔ ملزم کے قبضے سے11 کلو گرام سے زائد چرس برآمد کر لی۔
ابتدائی تفتیش کےدوران ملزم نے اعتراف کیا کہ و ہ کراچی کے مختلف ڈیلروں سے منشیات لے کر کورنگی کے مختلف علاقوں میں سپلائی کرتا تھا۔ملزم کے دیگر ساتھیوں کی گرفتاری کے لیے چھاپے مارے جا رہے ہیں۔
گرفتار ملزم کوبمعہ منشیات مزید قانونی کاروائی کے لیے اینٹی نارکوٹیکس فورس کے حوالے کر دیا گیا ہے۔ عوام سے اپیل ہے کہ ایسے عناصر کے بارے میں اطلاع فوری طور پر قریبی رینجرز چیک پوسٹ، رینجرز ہیلپ لائن 1101 یا رینجرز مددگار واٹس ایپ نمبر 03479001111 پر کال یا ایس ایم ایس کے ذریعے دیں۔ آپ کا نام صیغہ راز میں رکھا جائے گا۔
عمران ریاض کو واقعی خطرہ ہے ؟ عارف علوی شہباز شریف پر بم گرانے والے ہیں
الیکشن کیلیے تیار،تحریک انصاف کا مستقبل تاریک،حافظ سعد رضوی کا مبشر لقمان کوتہلکہ خیز انٹرویو
ارشدشریف،چودھری غلام حسین، صابر شاکر کو مبشر لقمان کا خصوصی پیغام
اکتوبر 1, 2022
پنجاب رینجرز کی جانب سے سیلاب ذدگان کے لئے فری میڈیکل کیمپس قائم
ڈائریکٹر جنرل پاکستان رینجرز (پنجاب) میجر جنرل سید آصف حسین کی ہدایات کی روشنی میں پنجاب رینجرز نے سیلاب ذدگان کے لئے فری میڈیکل کیمپس قائم کیے ہیں۔ جہاں نہ صرف مریضوں کا چیک اپ مفت کیا جا رہا ہے بلکہ ادویات بھی بلا قیمت فراہم کی جا رہی ہیں۔
فری میڈیکل کیمپس کا قیام صوبہ پنجاب کے سیلاب سے متاثرہ اضلاع میں عمل میں لایا گیا ہے۔ واضح رہے کہ ڈائریکٹر جنرل کی ہدایات پر پاکستان رینجرز (پنجاب) نے پنجاب بھر کے مختلف اضلاع میں فلڈ ریلیف کیمپ بھی قائم کیے ہیں تاکہ سیلاب زدگان کی غذائی ضروریات کی تکمیل کے لیے اشیائے خوردونوش، ادویات اور روز مرہ استعمال کی دیگر اشیا جمع کر کے انہیں اپنے مصیبت ذدہ بھائیوں تک پہنچایا جا سکے۔
اس حوالے سے ڈی جی رینجرز کا کہنا ہے کہ مشکل کی اس گھڑی میں عوام کو تنہا نہیں چھوڑیں گے اور پنجاب رینجرز سیلاب زدگان کی مدد کے لیے اپنے تمام تر وسائل بروئے کار لائے گی۔
ستمبر 4, 2022
شہباز گل اسلام آباد پولیس کے حوالے،پمز ہسپتال منتقل،میڈیکل بورڈ تشکیل
پاکستان تحریک انصاف کے رہنما اور سابق وزیر اعظم عمران خان کے چیف آف اسٹاف شہباز گل کو جیل سے اسلام آباد کے پمز ہسپتال منتقل کر دیا گیا ہے.شہباز گل کے میڈیکل کے لئے بورڈ تشکیل دے دیا گیا،میڈیکل بورڈ میں 5 پروفیسر ڈاکٹرز شامل ہیں، پانچ شعبات سے پروفیسرز شہباز گل کا میڈیکل کریں گے،بورڈ میں پروفیسر آف سرجری ،پروفیسر آف میڈیسن،پروفیسر آف کارڈیک ،نیورو میڈیسن اور ارتھوپولک پروفیسرز شامل ہیں،،جو شہباز گل کا معائینہ کرے گی،ڈاکٹرز پمزاسپتال کا کہنا ہے کہ شہباز گل کو پہلے سے سانس کی تکلیف ہے.
پی ٹی آئی کے کارکن اور رہنما بھی پمز ہسپتال پہنچ گئے ہیں جہاں پی ٹی آئی کارکنوں اور رہنماوں کی جانب سے حکومت کے خلاف نعرے لگائے جا رہے ہیں.
اس سے قبل پاکستان تحریک انصاف کے رہنما اور سابق وزیر اعظم عمران خان کے چیف آف اسٹاف شہباز گل کوہسپتال منتقل کرنے کے معاملے پر پنجاب پولیس اور وفاقی پولیس میں ٹھن گئی تھی .تاہم پنجاب پولیس کی جانب سے رینجرز اور ایف سی کے اڈیالہ جیل پہنچنے کی اطلاعات پر شہباز گل کو اسلام آباد پولیس کے حوالے کر دیا تھا .شہباز گل کو ایمبولینس کے ذریعے اسلام آباد کے پمز ہسپتال منتقل کر دیا گیا ہے.
اس سے پہلے وفاقی حکومت نے عدالتی احکامات پر عملدرآمد کرانے کیلئے ایف سی اوررینجرز کو طلب کیا گیا تھا.پنجاب پولیس کی مزید نفری کو سینڑل جیل اڈیالہ راولپنڈی پہنچایا گیا تھا،سنٹرل جیل اڈیالہ کے گیٹ نمبر پانچ کا داخلی راستہ بھی بند کر دیا گیا تھا،قبل ازین ڈی ایچ کیو ہسپتال میں سیکورٹی سخت کر دی گئی تھی.ہسپتال میں موجود مریضوں اور انکے لواحقین کو شدید مشکلات کا سامنا کرنا پڑا.
ذرائع کا کہنا ہے کہ تحریک انصاف عدالتی احکامات پر عملدرآمد کرنے کو تیار نہیں تھی، تحریک انصاف امن و امان خراب کرنے کی صورتحال پیدا کر رہی ہے۔ پنجاب حکومت نے شہباز گل کو اسلام آباد پولیس کے حوالے کرنے سے انکار کردیا تھا، اسلام آباد پولیس شہباز گل کو لینے اڈیالہ جیل پہنچی مگر پنجاب پولیس نے حوالے نہیں کیا جبکہ پمز اسپتال کی میڈیکل ٹیم بھی جیل کے باہر موجود تھی۔
ذرائع کا کہنا ہے کہ عمران خان کا آئی جی جیل خانہ جات، ایڈیشنل چیف سیکریٹری اور سیکریٹری ہیلتھ پر شدید دباؤ تھا، عمران خان نے شہباز گل کی جعلی میڈیکل ایمرجنسی اور راولپنڈی کے اسپتال میں منتقلی کے لیے دباؤ ڈالا۔سابق وزیراعظم و پاکستان تحریک انصاف کے چیئرمین عمران خان نے اپنے چیف آف اسٹاف شہبازگل کو جسمانی ریمانڈ پر دینے سے روکنے کیلئے ایڈیشنل چیف سیکرٹری اور انسپکٹر جنرل (آئی جی) پولیس جیل خانہ جات کو احکامات جاری کئے تھے۔ ذرائع کے مطابق عمران خان نے حکم دیا تھا کہ ایمرجنسی پیدا کرکے شہباز گل کو فوری راولپنڈی کے کسی سرکاری اسپتال بھیج دیں۔
ذرائع کا کہنا ہے کہ عمران خان کو بتایا گیا تھا کہ یہ غیرقانونی ہے اور ایسا نہیں کیا جاسکتا،عمران خان نے اصرار کیا تھا کہ نتائج کچھ بھی ہو ایسا کیا جائے۔
یاد رہے کہ ایڈیشنل سیشن جج اسلام آباد نے آج شہباز گل کا دو روزہ جسمانی ریمانڈ منظور کیا تھا۔
اگست 17, 2022
فوج کے دستے اور رینجرز اہلکار کراچی میں امدادی سرگرمیوں میں مصروف
فوج کے دستے اور رینجرز اہلکار کراچی میں امدادی سرگرمیوں میں مصروف ہیں-
باغی ٹی وی : غیر معمولی بارشوں سے پیدا صورتحال سے نمٹنے کیلئے پاک فوج کی امدادی سرگرمیاں جاری ہیں کرا چی، بالخصوص جنوبی علاقوں میں گزشتہ 6-8 گھنٹوں کے دوران شدید بارش ہوئی-

کراچی کے چند علاقوں میں 106 ملی میٹر تک بارش ریکارڈ کی گئی گجر، اورنگی اور محمود آباد سمیت تمام نالوں سے بارش کے پانی کی نکاسی جاری ہے-

کراچی میں اربن فلڈنگ کی صورتحال ہے شہر کے نشیبی علاقوں سے نکاسی آب کا کام جاری ہے سول انتظامیہ، پاک فوج اور رینجرز کہ 388 ٹیمز مسلسل۔نکاسی آب میں مصروف ہے کراچی کے بڑے برساتی نالوں میں پانی کا بہائو عروج پر ہے
برساتی نالوں میں پانی کی انتہائی سطح کے بعد ڈی واٹرنگ سے ہی زیرآب علاقوں کو کلئیر کیا جا سکتا ہے
وقت کے ساتھ ساتھ پانی کی سطح اور بہائو کم ہو جائے گا کنٹونمنٹ بورڈذ، ڈی ایچ اے حکام سمیت پاک فوج اور رینجرز امدادی سرگرمیوں میں مصروف ہیں-
واضح رہے کہ کراچی میں مسلسل چوتھے روز بھی بارش کا سلسلہ جاری رہا، دوپہرسے شروع ہونے والی اس موسلا دھار بارش سے مختلف علاقوں میں اربن فلڈنگ کی صورتحال پیدا ہوگئی۔ ندیوں میں پانی کا بہاﺅ تیز ہوگیا، ملیر میمن گوٹھ کے بعد گڈاپ ندی میں بھی طغیانی ہے۔

کراچی شہر کے مختلف علاقوں گلشن حدید، ملیر، اسٹیل ٹان، گھگھر پھاٹک، نیشنل ہائی وے، سپرہائی وے، گلزار ہجری، بفرزون، نارتھ کراچی، یوپی موڑ، سرجانی ٹاﺅن، ڈسکوموڑ، گلستان جوہر، حیدری، ناظم آباد، نارتھ ناظم آباد، گڈاپ کاٹھور، گلشن اقبال، یونیورسٹی روڈ، ایم اے جناح روڈ، کے ڈی اے، شادمان ودیگر علاقوں موسلا دھار بارش کا سلسلہ وقفے وقفے سے جاری ہے۔
گلستان جوہر، گلشن اقبال، گڈاپ، لیاقت آباد، ملیر سمیت کئی علاقوں میں اربن فلڈنگ کی صورتحال ہے، شہر بھر کی سڑکیں زیر آب اور دریا کے مناظر پیش کررہی ہیں جب کہ برساتی پانی گھروں میں بھی داخل ہوچکا ہے جس کے باعث شہریوں بالخصوص خواتین، بچوں اور بزرگوں کو شدید مشکلات کا سامنا کرنا پڑ رہا ہے۔

کراچی میں رات سے جاری بارش کے باعث مختلف علاقوں کی سڑکیں اور گلیاں تالاب کا منظر پیش کررہی ہیں۔ کئی علاقوں میں پانی گھروں اور دکانوں میں بھی داخل ہوگیا جس سے علاقہ مکینوں کی مشکلات میں اضافہ ہوگیا ہے-
کراچی حیدر آباد موٹروے پر پانی کا بڑا ریلا آ جانے سے ٹریفک کی روانی شدید متاثر ہوئی ہے،رات گئے ہونے والی شدید بارش کے باعث چند گھنٹوں کے لیے ٹریفک کو معطل کرنا پڑا۔
محکمہ موسمیات کے مطابق شہر میں تیز اور موسلا دار بارش کا سلسلہ آج شام تک جاری رہنے کا امکان ہے جب کہ آئندہ دو روز کے دوران کراچی میں مزید بارشوں کی پیشگوئی ہے۔
چیف میٹرولوجسٹ سردار سرفراز کے مطابق گذشتہ دنوں بارش کا سبب بننے والا ہوا کا کم دباؤ گوادر کے جنوب میں ہے، سسٹم کا پھیلاؤ کراچی اور زیریں سندھ پر اب بھی موجود ہے۔
انہوں نے بتایا کہ سسٹم کے تحت کبھی تیز اور کبھی معتدل بارش ہورہی ہے، پیر کو بھی دن بھر ہلکی اور معتدل بارش کا سلسہ جاری رہنے کاامکان ہے۔ 14 جولائی کی شام سے بارش برسانے والا ایک اور سسٹم بھی آسکتا ہے،جو 18 جولائی تک اثر اندازرہےگا پہلے سسٹم کی طرح دوسرا سسٹم بھی مضبوط ہوسکتا ہے، دوسرے سسٹم میں تیز اور موسلا دار بارش کا امکان ہے۔
جولائی 11, 2022
کے ایم سی انسپکٹر کے قتل میں ملوث ایک اور ملزم اسلحہ سمیت گرفتار
کراچی: رینجرز اور پولیس کی ایک کارروائی میں کے ایم سی انسپکٹر کے قتل میں ملوث ایک اور ملزم اسلحہ سمیت گرفتار کرلیا گیا۔
باغی ٹی وی : گارڈن کے علاقے میں ہونے والی چھاپامار کارروائی میں پاکستان رینجرز سندھ اور پولیس نے ملزم محمد کاشف کے قبضے سے واردات میں استعمال کیا جانے والا اسلحہ اور موٹر سائیکل برآمد کرلی۔ ذرائع کے مطابق کارروائی انٹیلی جنس معلومات کی بنیاد پر کی گئی۔
یو اے ای اور ایران میں زلزلے کے جھٹکے،ایران میں 3 افراد ہلاک 8 زخمی
گرفتار ملزم کا تعلق ایم کیوایم لندن سے بتایا جاتا ہے ۔ ملزم 30 مئی کو اینٹی انکروچمنٹ لینڈ ڈیپارٹمنٹ آفس میں کے ایم سی کے انسپکٹرمحمد علی کے قتل میں ملوث ہے، جبکہ ملزم کا ساتھی شاکرعرف ڈھیلا کو12 جون کو گرفتارکیا جا چکا ہے جس نے ملزم محمد کاشف کا کے ایم سی انسپکٹرمحمد علی کے قتل میں ملوث ہونے کا انکشاف کیا تھا۔ملزم کے دیگرساتھیوں کی گرفتاری کے لیے چھاپے مارے جا رہے ہیں۔
کراچی :گلستان کالونی میں دھماکا،موذن سمیت 9 افراد جھلس گئے
واضح رہے کہ 30 مئی کو گارڈن جوبلی خٹک روڈ پر ڈپٹی ڈائریکٹر انسداد تجاویزات سیل ضلع جنوبی کے دفتر میں نامعلوم ملزمان نے داخل ہوکر کے ایم سی کے 40 سالہ ہیڈ کلرک محمد علی ولد وقار علی کو فائرنگ کر کے قتل کر دیا تھا۔ واقعے کا مقدمہ نبی بخش تھانے میں نامعلوم ملزمان کے خلاف درج کیا گیا تھا۔
پنجاب میں پولیس انسپکٹرز سمیت اسمگلرز کا پورا گینگ گرفتار۔
بعد ازاں تفتیش کے دوران ہیڈ کلرک کے قتل میں کے ایم سی کا سب انسپکٹر ہی ملوث نکلا تھا جس کو پولیس نے گرفتار کرلیا تھا گرفتار ملزم ابراہیم ٹوپی کے ایم سی میں سب انسپکٹر ہے، مقتول اور گرفتار ملزم کے درمیان پوسٹنگ اور چارج لینے پر تنازعہ چل رہا تھا، ملزم ابراہیم ٹوپی نے ٹارگٹ کلر شاکر ڈھیلا کو کے ایم سی ہیڈ کلرک محمد علی کو قتل کرنے کا ٹارگٹ دیا تھا۔
ناروے:ہم جنس پرستوں کے کلب میں فائرنگ سے دو افراد ہلاک ہوگئے، 21 زخمی
جولائی 2, 2022
رینجرز نے سوشل میڈیا ایکٹیوسٹ ارسلان خان کی گرفتاری ظاہر کردی
کراچی: رینجرز نے سوشل میڈیا ایکٹیوسٹ ارسلان خان کی گرفتاری ظاہر کردی۔
باغی ٹی وی : ترجمان رینجرز کے مطابق ارسلان خان کو تفتیش میں تعاون کرنے پر تنبیہ کر کے رہا کردیا گیا محمد ارسلان کو ایک دہشت گرد گروپ کے ساتھ روابط کی بنیاد پر گرفتار کیا گیا تھا۔
مر جائیں گے ظالم کی حمایت نہیں کرینگے:سعد رضوی
ترجمان رینجرز کے مطابق دوران تفتیش ملزم کے دہشت گرد گروپ سے مبینہ مالی معاونت لینے کا انکشاف ہوا کلفٹن میں کارروائی انٹیلی جنس معلومات کی بنیاد پر کی گئی۔
سوشل میڈیا ایکٹیوسٹ ارسلان خان کے لاپتہ ہونے سے متعلق ان کے خاندان نے دعویٰ کیا تھا کہ ارسلان کو قانون نافذ کرنے والے ادارے کے اہلکار اپنے ہمراہ لے گئے ہیں ارسلان خان کو سادہ لباس اہلکار صبح سویرے ان کے گھر سے لےگئے۔
چوہدری برادران میں بٹوارہ،وجاہت حسین نے نئی جماعت بنانے کا اعلان کر دیا
ارسلان خان کی اہلیہ نے ویڈیو بیان میں کہا تھا کہ ’ گھر میں داخل ہوتے ہی سرکاری اہل کاروں نے ہم پر اسلحہ تان لیا، ارسلان کو بغیرکسی جرم اور گناہ کے اپنے ساتھ لے گئے، میرے اور بچوں کی موجودگی میں ارسلان کو اہلکار اپنے ساتھ لے گئے، میں نے پوچھا کہ ان کا جرم کیا ہے تو مجھے بتایا کہ انہیں حراست میں لے رہے ہیں مجھے بتایا کہ ان کاجرم یہ ہےکہ یہ سوشل میڈیا پر بہت بولتے ہیں اور بہت لکھتے ہیں تمام متعلقہ اداروں سےدرخواست کرتی ہوں کہ اس مسئلے کو دیکھیں اور ہماری مدد کریں۔‘
ضمنی الیکشن،عمران خان کاحکومت کو ٹف ٹائم دینے کا فیصلہ ،اتوار کو دورہ لاہور
صحافی ارسلان خان کے گھر سے اغوا پر ایمنسٹی انٹرنیشنل نے بھی شدید تشویش کا اظہار کیا ہے تھا ایمنسٹی انٹرنیشنل کی جانب سے جاری بیان میں کہا گیا تھا کہ ارسلان خان کو آج صبح 4 بجے ان کی رہائش گاہ سے اغوا کیا گیا، مخالف آوازوں کو سزا دینے کیلئے اپنے پیاروں سے جدا کیے جانےکا ناپسندیدہ عمل ختم کیا جائے۔
پاکستان پیپلز پارٹی کے سینیٹر مصطفیٰ نواز کھوکھر نے بھی ارسلان خان کے لاپتہ ہونے پر تشویش کا اظہار کیا تھا۔
ایچ ای سی سے غیر تسلیم شدہ جامعات کی ڈگریاں مستند نہیں:پشاور ہائیکورٹ کا فیصلہ
جون 25, 2022
کراچی:بلدیاتی انتخابات کےدوسرے مرحلے کا شیڈول جاری
کراچی:شہرقائد میں بلدیاتی انتخابات کا سلسلہ پھر سے شروع ہوچکا ہے اور اس سلسلے میں الیکشن کمیشن نے بلدیاتی انتخابات کے دوسرے مرحلے کا نظر ثانی شدہ شیڈول جاری کردیا ہے۔الیکشن کمیشن کی طرف سے اس سلسلے میں تمام ہدایات بھی جاری کردی گئی ہیں
سندھ میں بلدیاتی انتخابات میں پی ٹی آئی کا حشر خیبرپختونخوا سے بھی برا ہوگا،سعید…
یہ بھی معلوم ہوا ہے کہ الیکشن کمیشن کے مطابق بلدیاتی انتخابات کے لیے کاغذات نامزدگی جمع کرانے کی تاریخ میں 4 دن کی توسیع کردی گئی ہے، اب کاغذات نامزدگی 15 جون تک جمع کرائے جاسکتے ہیں۔
سندھ میں فوری بلدیاتی انتخابات کیلئے درخواست جمع
الیکشن کمیشن نے بتایا کہ امیدواروں کی ابتدائی فہرست 16 جون کو جاری کی جائے گی جبکہ 17 سے 19 جون تک کاغذات نامزدگی کی جانچ پڑتال کی جائے گی۔الیکشن کمیشن کا کہنا ہے کہ کاغذات نامزدگی مسترد یا منظور کرنے کے خلاف 20 سے 22 جون تک اپیل کی جاسکے گی۔علاوہ ازیں 27 جون کو نظرثانی شدہ فہرستیں آویزاں کی جائیں گے جبکہ 28جون کو کاغذات نامزدگی واپس لیے جاسکیں گے اور 29 جون کو انتخابی نشانات الاٹ کیے جائیں گے۔
یاد رہے کہ اس سے پہلے سندھ میں بلدیاتی انتخابات کے پہلے مرحلے کے لیے فوج اور رینجرز طلب کرلی گئی ہے۔صوبائی الیکشن کمشنر نے ڈائریکٹر جنرل (ڈی جی) رینجرز سندھ کو مراسلہ ارسال کردیا۔مراسلے کے متن میں کہا گیا ہے کہ سندھ کے 14 اضلاع میں بلدیاتی الیکشن کے لیے پولنگ 26 جون کو شیڈول ہے۔اس میں یہ بھی بتایا گیا کہ بلدیاتی الیکشن کے لیے 9 ہزار 290 سے زائد پولنگ اسٹیشنز بنائے جانے ہیں۔
وزیر اعلی سندھ مراد علی شاہ کا سندھ میں بلدیاتی انتخابات کرانے کا اعلان
صوبائی الیکشن کمشنر نے مراسلے میں بتایا کہ فوج اور رینجرز کے اہلکار پولنگ اسٹیشنز کے باہر تعینات ہوں گے۔اس میں یہ بھی بتایا گیا کہ حساس ترین پولنگ اسٹیشنز میں سی سی ٹی وی کیمرے لگائے جائیں گے۔
واضح رہے کہ 24 جولائی کو بلدیاتی انتخابات کے دوسرے مرحلے کا انعقاد ہوگا اور 28 جولائی کو بلدیاتی انتخابات کے نتائج جاری کیے جائیں گے۔
جون 10, 2022