کراچی:پولیس کی ناکامی کے بعد اب پھر کراچی میں رینجرزحرکت میں آگئی ہے، اطلاعات کےمطابق شہرمیں جرائم کو روکنے کے لیے قانون نافذ کرنے والے ادارے نے شہر قائد کے مختلف علاقوں میں کارروائیاں کرتے ہوئے جرائم میں ملوث 22 ملزمان کو گرفتار کرلیا۔سندھ رینجرز کے اعلامیے کے مطابق حالیہ کارروائیاں ماڈل کالونی، کورنگی، گلشنِ معمار، بریگیڈ اور پی آئی بی کالونی میں کی گئیں۔
کاشف آفریدی کے بیہمانہ قتل کے واقعہ کا نوٹس، قاتل بچ نہیں پائیں گے،اجمل وزیر
ترجمان رینجرز کے مطابق رینجرزکے ہاتھوں گرفتار ہونے والے ملزمان کی شناخت محمد فاروق، راشد عرف موٹا، عرفان عرف چِٹّا، محمد کاشف عرف انّا، بسم اللہ عرف وقار، رمیز، محمد عمار، مجیب الرحمان، مبشر احمد، اکمل، محمد نبی، بابر عرف بھورا، عرفان عرف کوئی، مححمد اکرم عرف خارشی اور بلال کے ناموں سے ہوئی۔اعلامیے کے مطابق گرفتار ملزمان لوٹ مار، ڈکیتی اوراسٹریٹ کرائم کی متعدد وارداتوں میں ملوث ہیں
بچوں سے بڑھ کرکوئی چیزعزیزنہیں،اداکارہ حرامانی نے بڑی بات کہہ دی
ذرائع کے مطابق کراچی میں رینجرز نے ماڈل کالونی، پاپوش نگر،گلشنِ معمار,گارڈن اور بریگیڈ کے علاقوں سے 7 منشیات فروشوں کو گرفتار کیا جن کی میر عبدالحئی عرف لطیف،زبیر مصطفٰی،ثنااللہ عرف سانو، جمیل خان عرف باندی، کامران عرف کامو، زیت اللہ خان اور نوروز کے ناموں سے ہوئی۔رینجرز کے مطابق گرفتار ملزمان کے قبضے سے اسلحہ،مسروقہ سامان اور منشیات بھی بر آمد ہوئی۔ تمام افراد کو مزید قانونی چارہ جوئی کے لیے پولیس کے حوالے کردیا گیا۔
