لاہور: پاکستان ریلویز نے سال 2025 میں حاصل ہونے والی آمدن سے متعلق تفصیلات جاری کر دی ہیں۔
وزیرِ ریلوے محمد حنیف عباسی کے مطابق 2025 میں پاکستان ریلویز نے 93 ارب روپے سے زائد ریونیو حاصل کیا جب کہ مالی سال 2025-26 کی پہلی ششماہی میں 50 ارب روپے کی آمدن متوقع ہےریلوے مالی سال کے اختتام پر ریلوے تاریخ میں پہلی بار ایک کھرب آمدن کا سنگِ میل عبور کر لے گا۔
وزیر ریلوے نے بتایا کہ سیفٹی ڈیپارٹمنٹ کو ڈائریکٹوریٹ میں تبدیل کیا گیا جس سے حادثات میں خاطر خواہ کمی آئی،سیفٹی ڈائریکٹوریٹ بننے کے بعد حادثات کی شرح 0.09 سے 0.04 فیصد پر آ گئی، ڈائریکٹوریٹ بننے کے بعد ریلوے کو سیریس نوعیت کا کوئی حادثہ پیش نہیں آیا۔
جہیز پر پابندی کا بل مسترد کر دیا گیا
سال 2025 میں راولپنڈی کو ملک کا پہلا اسمارٹ اسٹیشن بنا دیا گیا جہاں کیمرے اور جدید سیکیورٹی سسٹم نصب ہے۔ 2026 میں دیگر بڑے اسٹیشن بھی اسمارٹ بننے جا رہے ہیں اور ٹرینوں میں بھی کیمرے لگانے کا فیصلہ کر لیا گیا۔
ریلوے نے صرف 8 ماہ میں ٹرینوں کے 8 ریکس کو اَپ گریڈ کیا۔ شالیمار، پاک بزنس، لاثانی، فیض احمد فیض ٹرینوں کو اَپ گریڈ کیا گیا،وزیر ریلوے نے دعویٰ کیا کہ دسمبر 2026 تک پاکستان ریلویز کی تمام ٹرینیں اَپ گریڈ کر دیں گے،اسی طرح، لاہور، کراچی، راولپنڈی، فیصل آباد اسٹیشن اَپ گریڈ کیے گئے۔
13 برس تک بوئنگ 737 طیارہ ریکارڈ سے غائب رہا،ایئر انڈیا کا انکشاف
ریلوے کو ڈیجیٹائز کر دیا ہے، وزارت کا تمام کام ای فائلنگ پر منتقل کر دیا ہے اب تمام بڑے اسٹیشنوں پر اے ٹی ایم، ڈی وی ایم اور پی او ایس مشینیں موجود ہیں،حاضری بھی کمپیوٹرائزڈ کر دی گئی ہے، بغیر دفتر آئے کوئی تنخواہ نہیں لے سکتا۔
سال 2025 میں قابضین سے 394 ایکڑ اراضی واگزار کروائی گئی وزیرِ ریلوے کے مطابق دسمبر 2026 تک قابضین سے ریلوے کی تمام اراضی واگزار کروا لیں گے تین ریلوے اسکول آؤٹ سورس کر دیے گئے ہیں، دیگر اگلے چھ ماہ میں کر دیں گے اس کے علاوہ، 11 مزید ٹرینیں آؤٹ سورس ہونے جا رہی ہیں۔
13 برس تک بوئنگ 737 طیارہ ریکارڈ سے غائب رہا،ایئر انڈیا کا انکشاف
لاہور، خانیوال، ملتان، کراچی اور راولپنڈی اسٹیشنوں کی صفائی کا انتظام آؤٹ سورس کیا گیا اب ان تمام اسٹیشنوں پر رات کے 12 بجے بھی صفائی ملتی ہےاسٹیشنوں پر کھانے کا معیار بہتر کیا گیا جسے صوبائی فوڈ اتھارٹیز کسی بھی وقت چیک کر سکتی ہیں، کراچی تا روہڑی ٹریک بنانے کے منصوبہ پر پیش رفت، جولائی میں گراؤنڈ بریکنگ کر دی جائے گی۔
