اسلام آباد: وزیر خزانہ محمد اورنگزیب سے پاکستان ریٹیل بزنس کونسل کے وفد نے ملاقات کی۔
باغی ٹی وی: وفد نے معاشی حالات کی بہتری کےلیے حکومتی اقدامات کو سراہا، وفد نے وفاقی وزیر خزانہ کو کاروبار کو درپیش چیلنجز سے آگاہ کیا، اس موقع پر وزیر خزانہ نے کہا کہ ایف بی آر کی ڈیجیٹائزیشن سے ٹیکس نیٹ وسیع کیا جائے گا، وفد نے ٹیکس نیٹ میں ٹیکس نہ دینے والے شعبوں کو شامل کرنے پر زور دیا اوردستاویزی کاروبار کی حوصلہ افزائی کےلیے تجاویز بھی دیں۔
وزیرخزانہ نے وفد کے کاروبار سے متعلق تحفظات کو تسلیم کیا اور کہا کہ کمپنی ایف بی آر کی ڈیجیٹائزیشن میں مدد کر رہی ہے، ایف بی آر کی ڈیجیٹائزیشن سے ٹیکس نیٹ وسیع کیا جائے گا،تاجر برادری کی پیش کردہ تجاویز پر غور کریں گے۔