قصور
رمضان میں پھلوں و سبزیوں کی قیمتیں بدستور بلند، شہریوں اور دکانداروں کا احتجاج
ماہِ رمضان کے آغاز کے ساتھ ہی قصور میں پھلوں اور سبزیوں کی قیمتوں میں اضافہ دیکھا جا رہا ہے
اگرچہ شہریوں کا کہنا ہے کہ نرخ گزشتہ برسوں کے مقابلے میں کسی حد تک بہتر ہیں، تاہم عوام کو مکمل ریلیف تاحال نہیں مل سکا
مارکیٹ سروے کے مطابق سرکاری نرخ نامے کے برعکس دکاندار کیلا 250 تا 350 روپے فی درجن، انگور 1200 روپے فی کلو، اسٹرابری 750 تا 900 روپے فی کلو جبکہ سیب 350 تا 600 روپے فی کلو فروخت کر رہے ہیں
دکانداروں اور ریڑھی بانوں نے مؤقف اختیار کیا ہے کہ ضلعی انتظامیہ اور متعلقہ فورسز کو چاہیے کہ وہ بڑے ڈیلرز کے خلاف کارروائی کریں جو مبینہ طور پر بلیک مارکیٹنگ میں ملوث ہیں
ان کا کہنا تھا کہ قانون کی عملداری اسی وقت نظر آئے گی جب بڑے مگرمچھوں کو بھی پکڑا جائے
چھوٹے تاجروں نے شکوہ کیا کہ میڈیا پر قیمتیں آنے کے بعد حکومتی کارروائیوں کا زیادہ تر دباؤ نچلی سطح کے دکانداروں پر ڈالا جاتا ہے جبکہ بڑے سپلائرز کے خلاف مؤثر قدم نہیں اٹھایا جاتا
دوسری جانب شہریوں نے ضلعی انتظامیہ سے فوری نوٹس لینے اور سرکاری نرخ نامے پر سختی سے عملدرآمد کرانے کا مطالبہ کیا ہے تاکہ رمضان المبارک میں عوام کو حقیقی ریلیف مل سکے
Tag: ریٹ لسٹ
پھلوں کی قیمتوں میں اضافے پر عوام و دکانداروں کا احتجاج
سرکاری نرخنامہ جاری،مہنگائی پھر بھی قائم
قصور
ڈپٹی کمشنر قصور فیاض احمد موہل نے سرکاری نرخنامہ جاری کر دیا،عوام تاحال سرکاری نرخنامے پر چیزیں خریدنے سے قاصرتفصیلات کے مطابق ڈپٹی کمشنر قصور فیاض احمد موہل نے ضروریات زندگی کی مختلف اشیاء کے سرکاری نرخ مقرر کر دیئے ہیں اور اعلان کیا ہے کہ کوئی بھی دکاندار اس نرخنامے سے زائد قیمت وصول نا کرے بصورت دیگر قانونی کاروائی کی جائے گی تاہم اس کے باوجود بھی لوگوں کو سرکاری نرخنامے پر اشیاء نہیں مل رہیں
سرکاری نرخنامے کے مطابق پرسوں گوشت مرغی کی قیمت 376 روپیہ مقرر کی گئی ہے جبکہ دکاندار 400 سے 420 روپیہ تک فروخت کر رہے ہیں اسی طرح دیگر اشیاء بھی سرکاری نرخنامے کے مطابق نہیں مل رہیں
شہریوں نے درخواست کی ہے کہ پرائس کنٹرول مجسٹریٹ چھاپے ماریں اور سرکاری نرخنامے کے مطابق دکانداروں کو چیزیں فروخت کرنے کا پابند بنائیں تاکہ عوام کو ریلیف ملے
سرکاری قیمتوں کی بجائے من مانے ریٹوں پر اشیاء کی فروخت
قصور
مرغی فروشں کی من مانیاں جاری،سرکاری نرخ سے زائد قیمتوں پر گوشت کی فروخت جاری،گاہکوں کے پوچھنے پر کہنے لگے ہم قانونی ریٹ کو نہیں مانتے،ہمارے ریٹ پر لینا ہے تو لو ورنہ چلے جاؤتفصیلات کے مطابق قصور ضلع بھر میں دیگر اشیاء خوردونوش کی طرح مرغی فروشوں نے بھی اپنی من مانیاں کر رکھی ہیں
نمائندہ باغی ٹی وی کو ملک فرقان سکنہ کھارا نزد قصور بائی پاس نے بتایا کہ میں بروز اتوار اپنے قریبی دکاندار سعید میئو سے گوشت لینے اس کی دکان پر گیا تو مجھے گوشت کا ریٹ 330 روپیہ بتایا جس پر میں نے اس دن کی لگی پرچی پر درج قیمت 281 پر گوشت فروخت کرنے کا کہا تو مجھے اس نے کہا کہ میں کسی سرکاری ریٹ کو نہیں مانتا اگر اسی ریٹ پر گوشت لینا ہے تو لے لو ورنہ دکان سے چلے جاؤ
ضلع بھر میں ہر دکاندار اپنی مرضی کے ریٹ پر اشیاء فروخت کر رہے ہیں جس پر شہریوں نے ڈپٹی کمشنر قصور و چاروں تحصیلوں کے اے سی صاحبان سے کاراوئی کا مطالبہ کیا ہے تاکہ لوگوں کو اصل قیمتوں پر چیزیں مل سکیں اور اس مہنگائی کے دور میں لوگ سکھ کا سانس لیں
