Baaghi TV

Tag: ریڈ زون

  • کراچی : امریکن قونصلیٹ جانے والے تمام راستے بند،اسلام آباد میں ریڈ زون بھی مکمل سیل

    کراچی : امریکن قونصلیٹ جانے والے تمام راستے بند،اسلام آباد میں ریڈ زون بھی مکمل سیل

    اسلام آباد میں احتجاجی مظاہروں کے معاملے پر ریڈ زون کو مکمل طور پر سیل کردیا گیا ہے۔

    تفصیلات کے مطابق ریڈزون کو جانیوالے راستوں پر کنٹینر لگا کر سیل کردیا گیا ہے رینجرز کے دستے ریڈزون کے داخلی راستوں پر گشت کررہے ہیں اسلام آباد کے داخلی راستوں پر چیکنگ انتہائی سخت کردی گئی ہے ناکوں پر شہریوں کے شناختی کارڈ اور گاڑیوں کی مکمل تلاشی لی جارہی ہے پولیس اور ضلعی انتظامیہ کے اعلی افسران ریڈزون میں موجود ہیں۔

    دوسری جانب شہر قائد میں سیکیورٹی خدشات کے باعث امریکن قونصلیٹ کراچی جانے والے تمام راستے بند کر دیے گئے ہیں۔

    بیروت اور جنوبی لبنان پر شدید اسرائیلی بمباری، 31 جاں بحق، درجنوں زخمی

    ایکسپریس نیوز کے مطابق پی آئی ڈی سی چوک سے ایم ٹی خان روڈ سلطان آباد جانے والی سڑک پر کنٹینر لگا کر راستہ بند کر دیا گیا ہے جبکہ پی آئی ڈی سی چوک سے ضیا الدین روڈ سی ایم ہاؤس جانے والی سڑک کو بھی کنٹینر رکھ کر سیل کر دیا گیا ہے اسی طرح ٹاور سے مائی کلاچی جانے والے روڈ کو بھی بند کر دیا گیا ہے اور بوٹ بیسن سے مائی کلاچی جانے والی سڑک پر رکاوٹیں کھڑی کر کے ٹریفک کی آمد و رفت معطل کر دی گئی ہے۔

    ٹریفک پولیس حکام کے مطابق ممکنہ احتجاج کے پیش نظر شہر میں سیکیورٹی خدشات کے باعث ان سڑکوں کو بند کیا گیا ہے علاوہ ازیں کراچی میں سیکیورٹی خدشات کے پیش نظر شارع فیصل ایف ٹی سی کے قریب عام ٹریفک کے لیے بند کر دی گئی ہے۔ ایف ٹی سی سے میٹروپول جانے والے روڈ کو بھی رکاوٹیں کھڑی کر کے بند کیا گیا ہے۔

    ایران کے کویت ،بحرین، قطر اور دبئی پر حملے، امریکی تنصیبات نشانے پر

    ٹریفک پولیس کے مطابق شارع فیصل ایف ٹی سی کے قریب گزشتہ روز سے ہی سڑک ٹریفک کے لیے بند ہے اور یہاں آنے والے ٹریفک کو گورا قبرستان سے یوٹرن کر کے صدر کی جانب موڑ دیا گیا ہے۔

  • پشاورریڈ زون قلعہ بالاحصار سے امن چوک تک پھیلانے کا فیصلہ

    پشاورریڈ زون قلعہ بالاحصار سے امن چوک تک پھیلانے کا فیصلہ

    پشاور ریڈزون میں جدید کمانڈ اینڈ کنٹرول سسٹم فعال کرنے کے بعد اسے قلعہ بالاحصار اور امن چوک تک بھی پھیلانے کی منصوبہ بندی کی جارہی ہے تاہم اس کی مزیدتوسیع فنڈز سے مشروط کی گئی ہے ،پشاورریڈزون کو محفوظ بنانے کیلئے اس منصوبے پر اب تک تقریباً 10کروڑ روپے کی لاگت آچکی ہے جسے مرحلہ وار دوسرے علاقوں تک پھیلانے کی منصوبہ بندی کی جارہی ہے ۔ واضح رہے کہ ریڈزون پشاور میں 350سٹیٹ آف دی آرٹ سی سی ٹی وی کیمرے نصب کئے گئے ہیں جسکے بعد ریڈ زون میں روزانہ داخل ہونے والی ہزاروں گاڑیوں کی خودکارطریقہ سے مانیٹرنگ ہورہی ہے جبکہ خودکارسکیورٹی سسٹم کے ذریعے مشکوک و مطلوب افرادکا داخلہ بھی روکا جاسکے گا۔
    ریڈ زون کی سکیورٹی کیلئے دوماہ کے قلیل عرصہ میں قائم ”کمانڈ اینڈ کنٹرول سنٹر”کا افتتاح کور کمانڈر پشاور لیفٹیننٹ جنرل حسن اظہر حیات اور آئی جی پی خیبرپختونخوا اخترحیات خان نے کیاتھا۔ اس جدید سکیورٹی سسٹم کو قلعہ بالاحصار اور امن چوک تک بھی توسیع دینے کی منصوبہ بندی کی جارہی ہے۔اس حوالے سے محکمہ پولیس کے ایک اعلیٰ افسر نے بتایا کہ منصوبے کی توسیع پر کم لاگت آئے گی کیونکہ سنٹرل پولیس آفس میں ایک سسٹم پہلے ہی سے انسٹال ہوچکا ہے اور توسیع کی منظوری کی صورت میں صرف سی سی ٹی وی کیمرے،کیبل وغیرہ کی خریداری کرنا ہوگی۔ انہوں نے بتایا کہ یہ ملک میں اپنی نوعیت کا پہلاجدیدخودکارشناخت وسکیورٹی نظام ہے اوراس سے ریڈزون میں واقع حساس تنصیبات وعمارتوں سنٹرل جیل ،سی پی او، پولیس لائنز، گورنرہاوس، وزیراعلیٰ ہاوس،سیکرٹریٹ سمیت دیگرعمارتوں و دفاتر کی سکیورٹی کو یقینی بنانا اور رجسٹرڈ ملازمین کے داخلے کے نظام کو خود کار بنایاگیا ہے۔
    انہوں نے بتایا کہ ہماری پوری توجہ جدید ٹیکنالوجی کے ذریعے جرائم اور تخریب کاری کی وارداتوں کا تدارک کرنا ہے۔ اس سسٹم کے ذریعے پیدل چلنے والے افراد کی شناخت، گاڑیوں کی نمبر پلیٹس کی خود کار شناخت، گاڑیوں کی چیکنگ اورڈی ٹیکشن کی جارہی ہے جبکہ مطلوب یا مشکوک افرادکے داخلے پر الارم جنریٹ ہوگاجس سے ایسے عناصر اور گاڑی کوفوری پکڑنے میں آسانی ہوگی۔ریڈ زون میں زبردستی داخلے کو روکنے کیلئے روڈ بلاکرز، ٹائرز برسٹ اور ٹرن سٹائل گیٹ کی تنصیب اس منصوبے کا حصہ ہے جبکہ اس نظام کو نادرا اور ایکسائز ڈیپارٹمنٹ کیساتھ بھی منسلک کیا جارہاہے ۔منصوبے کی توسیع سے قلعہ بالاحصار سمیت دیگر علاقوں کو بھی محفوظ بنایاجاسکے گا۔

  • سوراخ والا برتن!!! — عمر یوسف

    سوراخ والا برتن!!! — عمر یوسف

    ہمارے معزز وزیر اعظم بلوچستان کا دورہ کرتے ہیں اور آفت زدہ لوگوں کے دکھ میں اس حد تک بڑھ جاتے ہیں کہ فرط جذبات میں ان کے ہر فوت شدہ کے بدلے دس لاکھ دینے کا اعلان کردیتے ہیں ۔

    بظاہر یہی محسوس ہوتا ہے کہ بہت اچھا فیصلہ ہے اور دکھیاروں ، غم کے ماروں ، آفت زدہ اور مصیبت زدہ لوگوں کو کچھ نہ کچھ سہارا ہوگا ۔

    فائدے کی بات کریں تو راقم الحروف کو بھی فوائد کا انکار نہیں ۔

    لیکن بنظر دقیق دیکھیں تو یہ فیصلہ ایک صاحب عقل کے نزدیک ناقص اور ادھورا ہے ۔

    سیلاب زدگان جن علاقوں میں رہائش پذیر تھے وہ علاقے ریڈ زون کہلاتے ہیں ۔

    اور امراء کی جانب سے بارہا ان لوگوں کو سیلاب سے پہلے ہی وارننگ کے طور پر علاقے خالی کرنے کا کہا گیا ۔

    لیکن عمل در آمد نہ ہونے کی وجہ سے یہ صورت حال پیش آئی ۔

    یہاں پر یہ عرض کیے دیتا ہوں کہ سیلاب زدگان کو قصور وار بالکل نہیں ٹھہرایا جارہا کیونکہ غربت کے مارے لوگوں کا اتنی جلدی نقل مکانی کے اسباب پیدا کرنا بھی ممکن نہیں ہے ۔

    ہماری وفاقی حکومت اگر واقعی ان دکھیارے لوگوں کا سہارا بننا چاہتی ہے تو چاہیے کہ پہلے تو ڈیموں کی کمی پوری کی جائے تاکہ نہ صرف سیلاب زدگان کو آئندہ پھر سے ان مشکل حالات سے دوچار نہ ہونا پڑے بلکہ وطن عزیز کو بھی خاطر خواہ فوائد حاصل ہوں ۔

    اور دوسرا یہ کہ دریائی علاقے جہاں ہر بارشی سلسلے پر تحفظات حاصل ہیں اس کے متبادل جگہ ان سیلاب زدگان کو دی جائے تاکہ ہر سال یہ تباہیوں کا سلسلہ ختم ہو ۔

    اب جو امداد دی جارہی ہے اس سے یہ ہوگا کہ پانی کا بہاو تھم جانے کے بعد یہ لوگ اسی جگہ پر تعمیرات شروع کردیں گے ۔ نہ ڈیم بنائے جائیں گے نہ ریڈ زون ایریاز خالی کروائے جائیں گے اگلے سال مون سون کی بارشیں ہونگی دریاوں کا پانی بڑھ جائے گا پھر سیلاب آئے گا تباہی ہوگی موتیں ہونگیں امداد کے اعلان ہونگے ۔

    گویا یہ ایسا برتن ہے جس کے نیچے سوراخ ہے جتنا مرضی اس میں اناج ڈالا جائے یہ پھر خالی ہی رہے گا ۔

  • پی ٹی آئی کا احتجاج، ریڈ زون میں کنٹینرز پہنچا دیئے گئے

    پی ٹی آئی کا احتجاج، ریڈ زون میں کنٹینرز پہنچا دیئے گئے

    پاکستان تحریک انصاف کے مظاہرے کے پیش نظر ریڈ زون میں کنٹینرز پہنچا دیے گئے۔

    سابق وزیراعظم اورچیئرمین پی ٹی آئی عمران خان کی کال پر آج سہ پہر 3 بجے نادرہ چوک اسلام آباد پر احتجاجی مظاہرہ کیا جائے گا۔ جس کی قیادت اسد عمر کریں گے،پی ٹی آئی رہنما اور کارکنان اکٹھے ہوکر فارن فنڈنگ کیس کے خلاف الیکشن کمیشن کے باہر جانے کا ارادہ رکھتے ہیں۔

    پی ٹی آئی کو فارن فنڈنگ پارٹی ڈکلیئر کرنے کا فیصلہ کرنا ہے،رانا ثناء اللہ

    سابق وزیراعظم عمران خان نے نجی ٹی وی چینل سے گفتگو کرتے ہوئے کہا ہے کہ میں حکومت کا شکریہ ادا کرتا ہوں یہ میرا نام ای سی ایل میں ڈالے، چیف الیکشن کمشنر سکندر سلطان مسلم لیگ ن اور پیپلز پارٹی کی فنڈنگ سامنے نہیں لا رہے۔ ان کا کہنا تھا کہ احتجاج ضرور ہو گا، تاہم پی ٹی آئی کارکن ریڈ زون نہیں جائیں گے۔

    دوسری طرف اسلام آباد میں پریس کانفرنس کرتے ہوئے رانا ثناء اللّٰہ نے کہا کہ پی ٹی آئی آج احتجاج کے نام پر انتشار پھیلانا چاہتی ہے، یہ الیکشن کمیشن پر حملہ آور ہو سکتے ہیں۔انہوں نے کہا کہ تحریک انصاف نے الیکشن کمیشن کے سامنے احتجاج کا اعلان کیا، ہمیں محسوس ہوا اس میں ان کی خاص دلچسپی نہیں ہے، کچھ رپورٹس ملی ہیں، عمران خان اور فواد چوہدری کا بیان بھی آیا، رپورٹس کے مطابق یہ الیکشن کمیشن کے سامنے بے نظمی کا ارادہ رکھتے ہیں۔

    پی ٹی آئی کے خلاف ریفرنس 48 گھنٹوں میں سپریم کورٹ بھیجا جائے،نواز شریف

     

     

    وزیر داخلہ نے کہا کہ اسلام آباد ہائی کورٹ نے ریڈ زون میں احتجاج پر پابندی لگا رکھی ہے، ریڈ زون میں احتجاج کی قطعاً اجازت نہیں ہے، ریڈ زون میں کسی نے داخل ہونے کی کوشش کی تو پھر گلہ نہیں کرنا، متنبہ کرتا ہوں ریڈ زون کے اندر داخل ہونے کی کوشش نہ کریں۔

  • پی ٹی آئی لانگ مارچ: فیض آباد انٹر چینج ،ایم 4 شاہ رکن عالم انٹرچینج اور ریڈزون سیل

    پی ٹی آئی لانگ مارچ: فیض آباد انٹر چینج ،ایم 4 شاہ رکن عالم انٹرچینج اور ریڈزون سیل

    تحریک انصاف کے لانگ مارچ کو روکنے کے لیے مختلف شہروں میں سڑکوں پر کنٹینر کھڑے راستے بند کردیئے گئے۔

    باغی ٹی وی : رپورٹس کے مطابق اسلام آباد،جی 13 میں سرینگرہائی وے رکاوٹیں لگاکربندکردی گئی سرینگر ہائی وے سے اسلام آباد کی طرف آنےوالوں کومشکلات سامنا ہے زیروپوائنٹ پر بھی سرینگرہائی وے کا ایک حصہ کنٹینرلگاکربند کردیا گیا-

    ملک کی بڑی شاہرائیں ٹریفک کےلیے بند

    موٹروے اور ہائی ویز کو مختلف مقامات پر بند کردیا گیا گجرات میں چناب پل پر کنٹینرز کھڑے کرکے جی ٹی روڈ کو بند کردیا گیا ٹیکسلہ اور واہ کنیٹ سے راولپنڈی اسلام آباد آنے والے تمام راستے بند ہیں

    جی ٹی روڈ اور موٹر ویز پر رکاوٹیں لگا کر لاہور اور اسلام آباد جانے وا لے راستے بند کر دییے گئے فیض آباد انٹر چینج پر بھی کنٹینز کھڑے کردئے گئے بابو صابو اور بتی چوک بھی بند کردئے گئےروات سے اسلام آباد آنے والی پبلک ٹرانسپورٹ مکمل بند ہونے کی وجہ سے مسافروں کوشدید مشکلات کا سامنا ہے ٹی چوک روات سے اسلام آباد کی طرف آنے والی ٹریفک بند ہے-

    ملتان سے لاہور،اسلام آباد جانے والی شاہراہیں بند ہیں ملتان میں موٹروے ایم 4 شاہ رکن عالم انٹرچینج پر کنٹینرز کھڑے کردیے گئے اس کے علاوہ حکومت نے اسلام آباد کے لیے پولیس، رینجرز اور ایف سی بلالی،ریڈ زون سیل کردیا۔

    دوسری جانب انتظامیہ نے کمیٹی چوک انڈر پاس پر کنٹینرپہنچادیے ہیں، کمیٹی چوک پرکنٹینرلگا کرمری روڈ بند کیا جائےگا۔

    پی ٹی آئی رہنما اورسینٹر اعجاز چوہدری گرفتار

    وزارت داخلہ نے ریڈ زون کی سکیورٹی کے لیے فوج کو طلب کرلیا ہے،ذرائع کے مطابق ریڈ زون کی تمام سکیورٹی فوج کے حوالے کی جائے گی جس کےتحت وزیراعظم ہاؤس، وزیراعظم آفس، ایوان صدراورسپریم کورٹ پرفوج تعینات ہوگی کابینہ ڈویژن سمیت دیگر سرکاری عمارتوں پر بھی فوج تعینات ہوگی۔

    ذرائع کا کہنا ہےکہ وفاقی حکومت نے ایف سی کی خدمات طلب کر لی ہیں جس کے تحت ایف سی کے 2 ہزار اہلکار اسلام آباد میں فرائض انجام دیں گے اسلام آباد میں دو ماہ کے لیے دفعہ 144 بھی نافذ کردی گئی ہے اور دفعہ 144 کا دائرہ ایک کلو میٹر تک بڑھادیا گیا ہے۔

    دوسری جانب پنجاب پیٹرولیم ایسوسی ایشن کا آج تیل کی سپلائی بند رکھنے اعلان جبکہ لاہور سمیت پنجاب کے ساڑھے تین سو سے زیادہ علاقوں میں آج موبائل فون سروس بند رکھنے کا بھی فیصلہ کیا گیا ہے۔

    علاوہ ازیں پنجاب کے مختلف شہروں میں آج ہونے والے پرچے ملتوی کردئیے گئے ہیں اسلامیہ یونیورسٹی بہاولپور کے تحت ایل ایل بی کا پرچہ منسوخ کردیا گیا ۔

    کسی صورت عمران خان کو اسلام آباد نہیں آنے دوں گا:وزیر داخلہ کا اعلان

    اسلامیہ یونیورسٹی کی جانب سے جاری کردہ نوٹی فیکیشن کے مطابق پرچہ ملک کی موجودہ صورتحال کے پیش نظرملتوی کیاگیا ہے جبکہ پرچے کی نئی تاریخ کا جلد اعلان کیا جائے گا البتہ باقی تمام پیپرز شیڈول کے مطابق ہوں گے۔

    اس کے علاوہ گوجرانوالہ میں آج ہونے والا میٹرک کا آخری پرچہ بھی منسوخ کردیا گیا ہے جبکہ برٹش کونسل نے بھی راولپنڈی اسلام آباد میں آج ہونے والے او اور اے لیول کے امتحانات ملتوی کردیے ہیں۔

    دوسری جانب ترجمان لاہور بورڈ کےمطابق میٹرک کا آج ہونے والا مطالعہ پاکستان کا پرچہ منسوخ کردیاگیاپرچےکے دوبارہ انعقاد کی تاریخ کا اعلان بعد میں کیا جائےگا ہائرایجوکیشن پنجاب کے مطابق منسوخ ہونے والے پرچوں کی اگلی تاریخ کا اعلان متعلقہ بورڈ کریں گے-

    واضح رہےکہ حکومت نے تحریک انصاف کے لانگ مارچ کو روکنے کا فیصلہ کیا ہے جس کےتحت پنجاب سے اسلام آبادجانے والے تمام راستے سیل کردیےگئے ہیں جب کہ ملک بھر میں پی ٹی آئی کے رہنماؤں کے گھروں پر بھی چھاپے مارے گئے ہیں۔

    اگر اسلام آباد میں سڑکیں آپ نے بلاک کر دیں گے تو کس کا نقصان ہے:نصراللہ ملک

  • اسلام آباد سمیت پنجاب بھر میں دفعہ 144 نافذ

    اسلام آباد سمیت پنجاب بھر میں دفعہ 144 نافذ

    اسلام آباد: وزارت داخلہ کی جانب سے دفعہ 144 نافذ کر دی گئی ہے اور 5 یا اس سے زائد بندوں کے اکٹھے ہونے پر بھی پابندی عائد کر دی گئی ہے-

    باغی ٹی وی : محکمہ داخلہ کے مطابق پنجاب بھرمیں دفعہ 144 نافذ کر دی گئی ہے اسلام آباد میں بھی ،2 ماہ کےلیے دفعہ 144 بھی نافذ کردی گئی ہے اور دفعہ 144 کا دائرہ ایک کلو میٹر تک بڑھادیا گیا ہے ریڈ زون یا اطراف میں 5 یا اس سے زائد بندوں کے اکٹھے ہونے پر بھی پابندی عائد کر دی گئی ہے-

    لوگ کہتے تھے آئین کیا ہے؟ کاغذ کا پرزہ ہے، یہی بنا دیا ہے، ریاست اختیار کا مسلسل غلط استعمال کر رہی ہے، چیف جسٹس اطہر من…

    محکمہ داخلہ پنجاب کے مطابق اشتعال انگیز تقاریر پر بھی پابندی ہوگی، تاہم متعلقہ ضلعی انتظاميہ سے اجازت لينے والے اس حکم سے مستثنیٰ ہوں گے ضلعی انتظامیہ کے مطابق ،دفعہ 144کا نفاذ ممکنہ احتجاج،ریلی اوردھرنوں کے سبب کیا گیا-

    دوسری جانب حکومت نے پنجاب سے اسلام آباد جانے والے تمام راستوں کو بند کردیا محکمہ داخلہ پنجاب کے ذرائع کے مطابق صوبے کے تمام اضلاع کے داخلی اور خارجی راستے بند کردیئےگئے ہیں جس کےتحت اسلام آباد جانےوالےتمام راستے بند ہیں کوئی بھی شخص لانگ مارچ میں ضلع سے باہرنہیں نکل سکےگا جب کہ اس سلسلے میں تمام ٹرانسپورٹرز کو بھی آگاہ کر دیا گیا ہے۔

    پی ٹی آئی مارچ: راوی پل ،جی ٹی روڈ بند، سڑکوں پر رکاوٹیں کھڑی کردی گئیں

    ذرائع کے مطابق ٹرانسپورٹرز کو ہدایت کی گئی ہےکہ کوئی بھی اپنی گاڑی لانگ مارچ کے شرکا کو نہیں دے گا پی ٹی آئی کے لانگ مارچ کو روکنے کے لیے فیض آباد کے علاقے میں کنٹینر پہنچادیئے گئے ہیں جب کہ جی ٹی روڈ پر دریائے جہلم کے پل پر کنٹینر لگا دیئے گئے ہیں علاوہ ازیں جی ٹی روڈ کو اٹک خورد کے مقام پر بلاک کردیا گیا جس سے خیبرپختونخوا کا پنجاب سے رابطہ منقطع ہوگیا ہے ۔

    اس کے علااوہ موٹروے ایم 1 کو اسلام آباد جاتے ہوئے صوابی کے مقام پر بند کیا گیا ہے جب کہ موٹروے لاہور سے راوی ٹول پلازہ پر بھی کنٹینرز رکھ کر بند کردیا گیا ہے-

    واضح رہےکہ تحریک انصاف کے چیئرمین عمران خان نے 25 مئی کو اسلام آباد کی طرف مارچ کا اعلان کیا ہے جس کےبعد پولیس کی جانب سے پی ٹی آئی رہنماؤں کے خلاف کریک ڈاؤن جاری ہے پنجاب سے اسلام آبا دجانے والے تمام راستے سیل کردیے گئے ہیں-

    عدالت کا لانگ مارچ کے شرکاء کو ہراساں نہ کرنے کا حکم

  • اپوزیشن کی ریڈ زون تک مارچ کرنے کی منصوبہ بندی ہے،سپیشل برانچ کی رپورٹ میں دعویٰ

    اپوزیشن کی ریڈ زون تک مارچ کرنے کی منصوبہ بندی ہے،سپیشل برانچ کی رپورٹ میں دعویٰ

    اپوزیشن کی ریڈ زون تک مارچ کرنے کی منصوبہ بندی ہے،سپیشل برانچ کی رپورٹ میں دعویٰ

    سری نگرہائی وے پرجے یوآئی کا ممکنہ دھرنا، اسلام آبادہائیکورٹ کا حکم آ گیا

    اسلام آباد ہائیکورٹ نے حکم دیا کہ انتظامیہ این اوسی کی خلاف ورزی پرسختی سے نمٹے،چیف جسٹس اطہرمن اللہ نے اسلام آباد انتظامیہ کی درخواست پرحکم جاری کیا ،عدالت نے کہا کہ کوئی بھی قانون سے بالاترنہیں،سیاسی جماعتیں اوررہنماقانون پرعمل درآمدکےپابندہیں،چیف جسٹس اطہرمن اللہ کا تحریر کردہ فیصلہ 4 صفحات پر مشتمل ہے

    قبل ازیں تحریک عدم اعتماد سے پہلے سیاسی جماعتوں کے جلسے روکنے سے متعلق کیس ،سپریم کورٹ میں ایڈووکیٹ جنرل اسلام آباد نے رپورٹ جمع کرا دی

    رپورٹ میں کہا گیا کہ جے یو آئی نے سری نگر ہائی وے بلاک نہ کرنے کی یقین دہانی کرائی یقین دہانی کے باوجود جے یو آئی سرینگر ہائی وے اور سروس روڈ بند کرنا چاہتی ہے،سری نگر ہائی وے اور سروس روڈ بند کرنے پر جے یو آئی کوشوکاز نوٹس جاری ہوچکاشوکاز نوٹس پر جے یو آئی سیکریٹری نے سری نگر ہائی وے بند نہ کرنے کا خط لکھا ہے، اسپیشل برانچ کی رپورٹ کے مطابق ریڈ زون تک مارچ کرنے کی منصوبہ بندی کی جارہی ہے،مرکزی شاہراہیں بند کرنے اور ریڈ زون داخلے سے عوام کے جان و مال کو خطرہ ہے،این او سی کی خلاف ورزی سے اسلام آباد امن و امان کی صورتحال خراب ہوسکتی ہے،عدالتی حکم پرسری نگر ہائی وے سمیت تمام سروس روڈز کھلی رکھنے کا نوٹیفکیشن جاری کیاگیا،سینیٹر کامران مرتضیٰ نے بھی سپریم کورٹ میں شاہراہیں بند نہ کرنے کی یقین دہانی کرائی،

    دوسری جانب اسلام آباد انتظامیہ نے حکومت اور اپوزیشن کے جلسوں کے باعث وفاقی دارالحکومت کے ریڈزون کو مکمل سِیل کرنے کا فیصلہ کیا ہے، پولیس حکام کا کہنا ہے کہ یقینی بنایا جائے گا کہ پی ٹی آئی اور پی ڈی ایم ورکرزکا آمنا سامنا نہ ہو جبکہ سیاسی جماعتوں کو کوئی سڑک بند نہیں کرنے دی جائے گی، ریڈ زون کی جانب جانے والے تمام راستے بند ہوں گے، ریڈ زون تک کسی کو بھی نہیں جانے دیا جائے گا

    پی ڈی ایم سربراہ مولانا فضل الرحمان اپنے آبائی حلقے ڈیرہ اسماعیل خان سے قافلے کی قیادت کرتے ہوئے اسلام آباد پہنچیں گے،جے یوآئی مارچ کے شرکاجنوبی وزیرستان، درازندہ، ٹانک انٹر چینج پر جمع ہونگے مولانا فضل الرحمان عبد الخیل سے قافلہ کی صورت میں مارچ میں شریک ہونگے

    ن لیگ کا بھی لانگ مارچ کا اعلان، مریم نواز کریں گی قیادت،ہدایات جاری

    گورنر راج کا مشورہ دینے والے شیخ رشید دوردورتک نظر نہیں آئیں گے،اہم شخصیت کا دعویٰ

    اپوزیشن اراکین سیکریٹری قومی اسمبلی کے دفتر پہنچ گئے

    مریم اورنگزیب کو اسمبلی جانے سے روکا گیا،پولیس کی بھاری نفری تھی موجود

    پی ٹی آئی اراکین واپس آ جائیں، شیخ رشید کی اپیل

    پرویز الہیٰ سے پیپلزپارٹی کے رکن اسمبلی،بزدار سے ن لیگی رکن اسمبلی کی ملاقات

    لوٹے لے کر پی ٹی آئی کارکنان سندھ ہاؤس پہنچ گئے

    کرپشن مکاؤ کا نعرہ لگایا مگر…ایک اور ایم این اے نے وزیراعظم پر عدم اعتماد کا اظہار کر دیا

    ہمارا ساتھ دو، خاتون رکن اسمبلی کو کیا آفر ہوئی؟ ویڈیو آ گئی

    اللہ نے یہ اجازت نہیں دی اچھے برے کی جنگ ہوتوآپ کہیں میں نیوٹرل ہوں،،وزیراعظم

    وفاقی دارالحکومت میں جلسوں کا موسم،سیکورٹی سخت،ٹریفک پلان بھی جاری

    تحریک انصاف کا جلسہ،قافلوں کی آمد جاری،تاریخی جلسہ ہو گا،اسد عمر

    https://login.baaghitv.com/mehngsi-mulkso-mstvh-mrhngsi-kksptsn-dsy-nsjstsk-ks-smrvh-hsy-msrysm/

  • سپریم کورٹ میں صدارتی ریفرنس کی سماعت ،ریڈ زون کو سیل کردیا گیا

    سپریم کورٹ میں صدارتی ریفرنس کی سماعت ،ریڈ زون کو سیل کردیا گیا

    اسلام آباد: سپریم کورٹ میں صدارتی ریفرنس کی سماعت کے موقع پرریڈ زون کو سیل کردیا گیا ہے۔

    باغی ٹی وی : اطلاعات کے مطابق سرینا چوک، نادرا، ڈی چوک اور میریٹ چوک سے تمام راستے بند کردیئے گئے۔پولیس کی بھاری نفری بھی تعینات کی گئی ہے سیکرٹریٹ اور سپریم کورٹ جانے کیلئے صرف مارگلہ روڈ والا راستہ کھلا ہے-

    سپریم کورٹ بار اورجے یو آئی نے صدارتی ریفرنس کا تحریری جواب جمع کرا دیا

    ذرائع کے مطابق سپریم کورٹ کے اندر اور باہر پولیس کی بھاری نفری بھی تعینات ہے پولیس کی واٹرکینن بھی سپریم کورٹ کے قریب پہنچا دی گئی ہے، ریڈزون کے داخلی راستوں پر بھی پولیس کی بھاری نفری تعینات ہے۔

    واضح رہے کہ آرٹیکل 63 اے کی تشریح سے متعلق صدارتی ریفرنس اور سپریم کورٹ بار کی درخواست پر سماعت آج ہوگی چیف جسٹس پاکستان عمر عطا بندیال کی سربراہی میں پانچ رکنی لارجر بنچ دن ایک بجے سماعت کرے گا، جسٹس اعجاز الاحسن، جسٹس مظہر عالم ،سٹس جمال خان مندوخیل اور جسٹس منیب اختر بنچ کا حصہ ہوں گے-

    صدارتی ریفرنس پر عدالت نے وفاقی حکومت سمیت اپوزیشن جماعتوں کو نوٹس جاری کر رکھا ہے، گزشتہ سماعت پر سپریم کورٹ نے فریقین کے وکلا کو تحریری معروضات جمع کرانے کا حکم دیا تھا عدالت نے واضح کیا تھا کہ صدارتی ریفرنس کیوجہ سے پارلیمنٹ کی کاروائی تاخیر کا شکار نہیں ہوگی، چیف جسٹس پاکستان نے ریمارکس دیئے تھے کہ کسی بھی رکن اسمبلی کو ووٹ دینے سے نہیں روکا جاسکتا۔

    اپوزیشن اپنے بچھائے ہوئے جال میں پھنس چکی ہے،شیخ رشید

    عدالت نے قرار دیا کہ صدارتی ریفرنس پر روزانہ کی بنیاد پر سماعت کر کے جلد فیصلہ کیا جائے گا، جسٹس قاضی فائز عیسی لارجر بنچ میں سینئر ججز کو شامل نہ کرنے پر تحفظات کا اظہار کر چکے ہیں۔

    دوسری جانب عدالت عظمیٰ،سپریم کورٹ بار اورجے یو آئی نے صدارتی ریفرنس کا تحریری جواب جمع کرا دیا ہے سپریم کورٹ بار نے عدم اعتماد کی تحریک میں رکن قومی اسمبلی کے ووٹ کے حق کو انفرادی قرار دیدیا ہے عدالت عظمیٰ میں جمع کرائے گئے تحریری جواب میں کہا گیا ہے کہ آرٹیکل 95 کے تحت ووٹ کسی سیاسی جماعت کا حق نہیں ہے کسی رکن کو ووٹ ڈالنے سے روکا نہیں جا سکتا،عوام اپنے منتحب نمائندوں کے ذریعے نظام حکومت چلاتے ہیں آرٹیکل 63 اے میں پارٹی ڈائریکشن کیخلاف ووٹ ڈالنے پرکوئی نااہلی نہیں، جے یو آئی نے موقف اختیارکیا ہے کہ عدالت پارلیمنٹ کی بالادستی ختم کرنے سے اجتناب کرے۔

    کورونا وبا: پاکستان میں دوسرے روز بھی کوئی ہلاکت نہیں ہوئی،مثبت کیسز کی شرح 0.69 فیصد

  • بلوچستان حکومت کے ساتھ مذاکرات ناکام:ینگ ڈاکٹرزکا ریڈ زون میں دھرنا دینے اعلان

    بلوچستان حکومت کے ساتھ مذاکرات ناکام:ینگ ڈاکٹرزکا ریڈ زون میں دھرنا دینے اعلان

    ینگ ڈاکٹرز ایسوسی ایشن بلوچستان نے کوئٹہ کے ریڈ زون میں دھرنا دینے اعلان کردیا۔

    باغی ٹی وی : ینگ ڈاکٹرز ایسوسی ایشن بلوچستان کے رہنما ڈاکٹر حنیف لونی نے سول اسپتال کوئٹہ میں پریس کانفرنس میں اعلان کیا کہ وزیر اعلیٰ عبدالقدوس بزنجو سے آج مذاکرت نتیجہ خیز نہ ہونے کی صورت میں کل سے ایمرجنسی سروسز سے دستبردار ہونے اور کوئٹہ کے ریڈ زون میں دھرنا دیں گے-

    کوئٹہ: ینگ ڈاکٹرز کا اوپی ڈیز ، ان ڈور سروسزاور آپریشن تھیٹرز کا بائیکاٹ جاری،مریضوں کو شدید مشکلات کا سامنا

    ڈاکٹر حنیف لونی نے کہا کہ ہمارے تین بڑے مطالبات ہیں جن میں محکمہ صحت کی پالیسی، سروس اسٹرکچر اور اسپتالوں میں طبی سہولیات کی فراہمی شامل ہےحکومت اور وزیراعلیٰ مذاکرت میں سنجیدہ نہیں ہیں، ہمارے گرفتار ڈاکٹرز دس روز سے جیل میں ہیں مگر ہم نے عوام کی مشکلات کومدنظر رکھتے ہوئے انتہائی قدم نہیں اٹھایا ہے۔

    ڈاکٹر حنیف لونی نے کہا کہ آج مذاکرت نتیجہ خیز نہ ہوئے تو کل ایمرجنسی سروسز سے دستبردار ہو کرریڈ زون میں دھرنا دیں گے اور ینگ ڈاکٹرز صرف بلوچستان ہی میں نہیں بلکہ ملک گیر سطح پر ایمرجنسی سے دستبردار ہوں گے۔

    ینگ ڈاکٹرز ہڑتال پر کیوں؟ عدالت نے بڑا حکم دے دیا

    واضح رہے کہ ینگ ڈاکٹرز نے 22 نومبر کو اپنے مطالبات کے حق میں کوئٹہ کے ریڈ زون میں دھرنا دیاتھا جس سے نہ صرف کوئٹہ شہر میں ٹریفک کا نظام درہم برہم ہوا تھا بلکہ تعلیمی اداروں کو جانے والے طلبہ وطالبات بھی کئی دنوں تک مشکلات سے دوچار رہے تھے۔

    جس پر کوئٹہ پولیس نے کارروائی کرتے ہوئے 30 نومبر کو دھرنے میں شامل19 افرادگرفتار کیے تھے جن میں 15 ڈاکٹرز اور چار پیرامیڈیکس سٹاف ممبرز شامل ہیں- گرفتار افراد کو عدالت نے چھ دسمبرتک قید کی سزا سنائی تھی اور پولیس نے انہیں جیل منتقل کردیا تھا۔

    کوئٹہ سرکاری اسپتالوں میں ہڑتال: اب کوئی ڈاکٹر بائیکاٹ کرے گا تو اس کی نوکری چلی جائے گی عدالت