پاکستان ریلویز نے مالی سال 2024-25 کے پہلے 11 ماہ میں 83 ارب روپے کی ریکارڈ آمدن حاصل کی ہے، جو گزشتہ سال کے اسی عرصے سے 6 ارب روپے زیادہ ہے۔
باغی ٹی وی کے مطابق پچھلے مالی سال کے ابتدائی 11 مہینوں میں 77 ارب روپے کی آمدن ہوئی تھی۔وفاقی وزیر ریلوے حنیف عباسی نے بتایا کہ یہ کامیابی محنت اور لگن کا نتیجہ ہے، ہم پاکستان ریلویز کو اپنے پاؤں پر کھڑا کرنے کے لیے پرعزم ہیں۔انہوں نے ریلویز کی کارکردگی کو بہتری کی طرف گامزن قرار دیا۔
پاکستان ریلویز کے ترجمان کے مطابق مسافر ٹرینوں سے آمدن 42 ارب روپے، مال گاڑیوں سے آمدن 29 ارب روپے جبکہ دیگر ذرائع (جیسے پارسل، زمین، اشتہارات سے 12 ارب روپے کی آمدن ریکارڈ ہوئی.تجزیہ کاروں کے مطابق پاکستان ریلویز کی کارکردگی میں مسلسل بہتری آ رہی ہے اور موجودہ مالی سال کی کارکردگی اس بات کا ثبوت ہے کہ درست منصوبہ بندی اور محنت سے قومی اداروں کو کامیابی کی راہ پر گامزن کیا جا سکتا ہے۔
سگریٹ کا پیکٹ، غریب کی جیب میں زہر، قوم کی صحت پر حملہ.تحریر: لائبہ
سوراب حملہ، وزیراعظم اور وزیر داخلہ کی شدید مذمت، شہید کو خراج عقیدت