بلوچستان کے علاقے ژوب میں ڈب سرہ ڈاکئی کے مقام پر 9 مسافروں کے سفاکانہ قتل کا مقدمہ درج کر لیا گیا ہے۔
کاؤنٹر ٹیرارزم ڈپارٹمنٹ (سی ٹی ڈی) حکام کے مطابق مقدمہ سی ٹی ڈی تھانہ ژوب میں نامعلوم افراد کے خلاف درج کیا گیا، جو لیویز تھانہ کے ایس ایچ او کی مدعیت میں دائر کیا گیا ہے۔ مقدمے میں قتل اور انسدادِ دہشت گردی ایکٹ کی دفعات شامل کی گئی ہیں۔واضح رہے کہ بلوچستان سے پنجاب جانے والے مسافروں کو بسوں سے اتار کر شناخت کے بعد اغواء کیا گیا، بعد ازاں انہیں گولیاں مار کر قتل کر دیا گیا۔
مقتولین میں دو بھائیوں کا تعلق دنیاپور سے جبکہ دیگر کا تعلق ڈیرہ غازی خان، مظفرگڑھ، خانیوال، لاہور، گوجرانوالا، گجرات اور اٹک سے تھا۔ تمام میتیں آبائی شہروں کو روانہ کر دی گئی ہیں۔مقتول جنید کے والد کے مطابق وہ پانچ روز قبل اپنی بیوی اور بچوں کو سسرال چھوڑنے کوئٹہ گیا تھا۔
وزیرِ اعلیٰ بلوچستان کا دہشت گردوں کے خلاف فیصلہ کن کارروائی کا اعلان
این ڈی ایم اے کا ایک دن میں دوسرا بارش الرٹ، لینڈ سلائیڈنگ کا خدشہ
وزارت داخلہ کی ویزا اسکینڈل سے متعلق میڈیا رپورٹس کی سخت تردید