ملک کے زرمبادلہ کے سرکاری ذخائر میں گزشتہ ہفتے معمولی کمی ریکارڈ کی گئی ہے، جس کے بعد مجموعی زرِمبادلہ کی مالیت 19 ارب 91 کروڑ 70 لاکھ ڈالر کی سطح پر پہنچ گئی ہے۔
اسٹیٹ بینک آف پاکستان کی جانب سے جاری کردہ اعداد و شمار کے مطابق 18 جولائی کو ختم ہونے والے ہفتے کے دوران مرکزی بینک کے ذخائر میں 6 کروڑ 90 لاکھ ڈالر کی کمی واقع ہوئی۔اعداد و شمار کے مطابق زرمبادلہ کے سرکاری ذخائر کی مالیت کم ہو کر 14 ارب 45 کروڑ 60 لاکھ ڈالر پر آ گئی، جبکہ کمرشل بینکوں کے پاس موجود ذخائر 5 ارب 46 کروڑ 10 لاکھ ڈالر ریکارڈ کیے گئے۔یوں ملک کے مجموعی زرمبادلہ کے ذخائر 19 ارب 91 کروڑ 70 لاکھ ڈالر کی سطح پر برقرار ہیں۔
معاشی ماہرین کے مطابق زرمبادلہ کے ذخائر میں اتار چڑھاؤ درآمدی ادائیگیوں، بیرونی قرضوں کی واپسی اور عالمی مالیاتی ادائیگیوں سے جڑا ہوا ہے، تاہم موجودہ سطح اب بھی معیشت کے لیے نسبتاً مستحکم سمجھی جا رہی ہے۔
اسرائیلی پارلیمنٹ کی متنازعہ قرارداد، عرب و اسلامی ممالک کی شدید مذمت
ایف بی آر آفس میں سونا، چاندی اور کرنسی سمیت 43 اشیاء کی خرد برد کا انکشاف
ایف بی آر آفس میں سونا، چاندی اور کرنسی سمیت 43 اشیاء کی خرد برد کا انکشاف