افغانستان کے لیے امریکی نمائندہ خصوصی زلمے خلیل زاد نے کہا ہے کہ افغانستان کا محفوظ اور خوشحال مستقبل طالبان کا امتحان ہے پر امن و مستحکم افغانستان اور اس کے خوش حال مستقبل کے لیے ہماری نیک تمنائیں ہیں۔
باغی ٹی وی :زلمے خلیل زاد کی جانب سے جاری ایک بیان میں کہا گیا ہے کہ افغانستان میں امریکی جنگ ختم ہو چکی ہے اور طالبان کو اب افغانستان کو محفوظ امور خوش حال مستقبل کی طرف لے جانے کے امتحان کا سامنا ہے۔
امریکی صدر کا افغانستان سے مکمل انخلا کے بعد پہلا بیان سامنے آ گیا
انہوں نے کہا کہ بہادر امریکی فوجیوں نے امتیاز اور قربانی کے جذبے سے خدمات انجام دیں، امریکی انخلا کے بعد اب افغانوں کے لیے فیصلے کا لمحہ ہے افغانستان کا مستقبل افغانیوں کے ہاتھ میں ہے۔ افغان عوام مکمل خود مختاری کے ساتھ اپنا راستہ منتخب کریں گے۔
افغانستان چھوڑنے والے آخری امریکی فوجی کی تصویر سوشل میڈیا پر وائرل
افغانستان کے لیے امریکی خصوصی نمائندے کا مزید کہنا تھا کہ طالبان کو اب ملک کو محفوظ اور خوش حال مستقبل کی طرف لے جانے کے امتحان کا سامنا ہے۔
واضح رہے کہ واضح رہے کہ افغانستان سے 20 سال بعد امریکا کا قبضہ ختم ہوگیا، امریکا نے افغانستان سے فوجی انخلاء مکمل ہونے کی تصدیق کردی امریکی سینٹرل کمانڈ کے کمانڈر جنرل میکنزی نے بھی افغانستان سے امریکی افواج کے انخلا مکمل ہونے کی تصدیق کردی۔
افغانستان میں فوجی مشن ختم،سفارتی مشن شروع ،طالبان سے تعلقات امریکی مفاد پر مبنی…
طالبان نے کابل ایئرپورٹ کا مکمل کنٹرول سنبھال لیا ہے ذرائع کے مطابق کابل ایئرپورٹ پر اس وقت افغان طالبان کے مسلح گارڈ پہرہ دے رہے ہیں اوریہ بھی خبریں ہیں کہ ترک افواج بھی افغان طالبان کے ساتھ کابل کے ایئرپورٹ کو چاروں طرف سے گھیرلیا ہے اورامریکیوں کے فرار کے بعد علاقے کا مشاہدہ کیا جارہا ہے-