پاکستان ڈرامہ انڈسٹری کی معروف اور خوبرو اداکارہ اُشنا شاہ کا کہنا ہے کہ زیادتی کرنے والوں کو جانوروں سے نہ ملائیں کیونکہ جانور بہت اچھے ہوتے ہیں۔
باغی ٹی وی : سوشل میڈیا ویب سائٹ انسٹاگرام پر اداکارہ اُشنا شاہ نے آبی جانور سیل(سی لائن) کے ساتھ لی گئی تصویر شیئر کی- تصویر شئیر کرتے ہوئے اُشنا شاہ لکھا کہ میں نے اکثر دیکھا ہے کہ لوگ زیادتی کرنے والے درندوں کو جانوروں سے تشبیہ دیتے ہیں حالانکہ جانور تو بہت اچھے ہوتے ہیں۔
https://www.instagram.com/p/CFH-Mg4hbsL/?utm_source=ig_embed
اداکارہ نے بتایا کہ یہ تصویر اگست 2019 میں جنوبی افریقہ کے تیسرے سب سے بڑے شہر کیپ ٹاؤن میں لی گئی ہے۔
واضح رہے کہ چند روز قبل لاہورموٹروے پر خاتون کے ساتھ پیش آنے والے اجتماعی زیادتی کے خوفناک واقعے اوراس سے قبل کراچی میں 5 سال کی بچی کے ساتھ زیادتی کے بعد اسے جلا کرقتل کرنے سمیت ملک میں دیگر ہونے والے پے در پے واقعات نے عوام کو بوکھلا کر رکھ دیا ہے جہاں لوگ اور معروف شخصیات غم وغصے کا اظہار کر رہی ہیں وہیں شوبز سے تعلق رکھنے والے افراد بھی اس ظلم پر مسلسل آواز اٹھا رہے ہیں اور ملزمان کو کڑی سزا دینے اور سر عام پھانسی دینے کا مطالبہ کر رہے ہیں-