Tag: سائبر فراڈ

مریکی حکام کی تحقیقات میں بھارت میں بڑے پیمانے پر ہونے والے سائبر فراڈ کا انکشاف ہوا ہے، جس میں بھارتی کال سینٹرز کے ملوث ہونے کی تصدیق کی گئی ہے۔

واشنگٹن پوسٹ کے مطابق امریکی ریاست میری لینڈ میں کروڑوں ڈالر کے مالی فراڈ کی تحقیقات کے دوران بھارت سے چلنے والے منظم فراڈ نیٹ ورک کا سراغ ملا ہے تین بھارتی کال سینٹرز نے 650 سے زائد امریکی شہریوں کو نشانہ بنایا، جنہیں مجموعی طور پر 48 ملین ڈالر سے زائد کا مالی نقصا ن پہنچا ان کال سینٹرز سے وابستہ افراد خود کو امریکی قانون نافذ کرنے والے اداروں کا نمائندہ ظاہر کرتے تھے۔

واشنگٹن پوسٹ کے مطابق جعل ساز ای میلز، فون کالز اور جعلی پاپ اپ پیغامات کے ذریعے امریکی شہریوں کو خوفزدہ کر کے رقم وصول کرتے رہے امر یکی حکام کی فراہم کردہ معلومات پر بھارتی ایجنسیوں نے کارروائی کرتے ہوئے فراڈ نیٹ ورک کے چھ سرغنہ گرفتار کر لیے جبکہ بڑی مقدار میں الیکٹرانک سازوسامان بھی ضبط کیا گیا۔

ایف بی آئی کے خصوصی ایجنٹ جمی پال نے بھی بھارت میں قائم تین کال سینٹرز سے منسلک فراڈ نیٹ ورک کے خاتمے کی تصدیق کی ہے بین الاقوامی ماہرین کا کہنا ہے کہ غیر ملکی ریاستی اداروں کی جعلی شناخت کا استعمال ریاستی نگرانی کی کمزوری اور انتظامی ناکامی کی نشاندہی کرتا ہے۔

ماہرین کے مطابق بھارت میں حالیہ منظم سائبر فراڈ کے واقعات کمزور ضابطہ کاری اور ادارہ جاتی خامیوں کو بے نقاب کرتے ہیں، جو عالمی سطح پر تشویش کا باعث بن رہے ہیں-

بھارت میں سائبر فراڈ گروہ گرفتار کیا گیا ہے جو مردوں کو جھوٹے وعدوں کے ذریعے آمادہ کر رہا تھا کہ وہ بچے نہ پیدا کرنے والی عورتوں کو حاملہ کریں اور 10 لاکھ روپے کمائیں۔

یہ واقعہ بھارت کے ضلع بہار میں پیش آیا جہاں گروہ نے فیس بک اور واٹس ایپ پر جعلی اشتہارات شائع کیے، جنہیں ‘All India Pregnant Job’ اور ‘Playboy Service’ جیسے ناموں سے پیش کیا گیا۔ مردوں کو مفت جنسی تعلقات اور مالی انعام کے جھانسے میں لا کر ابتدائی چارجز جمع کرائے جاتے تھے، جس کے بعد انہیں معلوم ہوتا کہ یہ سب ایک سائبر اسکیم تھی۔

نواڑا سائبر پولیس نے اس سلسلے میں رانجن کمار کو گرفتار کیا جبکہ ایک نابالغ کو بھی حراست میں لیا گیا اس دوران 4 موبائل فون بھی برآمد کیے گئے پولیس کے مطابق متعدد مرد اپنے بچت کے پیسے گروہ کے ہاتھوں گنوا بیٹھے، لیکن شرم یا سماجی بدنامی کے خوف سے زیادہ تر نے رپورٹ نہیں کروائی۔

پنجاب: اسٹیج ڈراموں میں 106 پنجابی گانوں پر پابندی عائد

پولیس نے عوام سے اپیل کی ہے کہ سوشل میڈیا پر ایسے غیر معمولی اور پرکشش وعدوں پر بھروسہ نہ کریں اور مشکوک سرگرمیوں کی فوری اطلاع دیں۔ نواڑا سائبر پولیس کے انچارج نشو ملکی نے لوگوں سے کہا ہے کہ ایسے فراڈ کے شکار ہونے کی صورت میں فوراً پولیس سے رابطہ کریں۔

باجوڑ: وزیرِ مملکت کے گھر پر دستی بم سے حملہ