اسلام آباد: پاکستان تحریک انصاف (پی ٹی آئی) کے رہنما اور سابق وزیراعظم کے مشیر برائے احتساب شہزاد اکبر کو اشتہاری قرار دے دیا گیا،شہزاد اکبر کو تھانہ سیکرٹریٹ میں درج مقدمے میں اشتہاری قرار دیا گیا ہے-
باغی ٹی وی :تفصیلات کے مطابق انہیں اسلام آباد کے تھانہ سیکرٹریٹ میں فراڈاور دیگر سنگین دفعات کے تحت درج مقدمے میں اشتہاری قراردیا گیا،سول جج احمد شہزاد گوندل کی عدالت نے اشتہاری قرار دینے کا حکم نامہ جاری کیا، شہزاد اکبر پر 420,468،471, 500,506 سمیت دیگر دفعات کے تحت مقدمہ درج ہے۔