کراچی کے ساحلی علاقوں میں دفعہ 144 کے نفاذ کے باوجود شہری بڑی تعداد میں اتوار کو سینڈزپٹ بیچ پہنچ گئے تاکہ موسم سے لطف اندوز ہو سکیں، تاہم پولیس نے انہیں آگے جانے سے روک دیا۔
سینڈزپٹ انٹری پوائنٹ پر پولیس اہلکار تعینات رہے۔تفریح کے لیے آنے والی فیملیز اور افراد کو واپس موڑ دیا گیا۔پابندی کے باعث ساحل کے راستوں پر گاڑیوں کی طویل قطاریں لگ گئیں۔کچھ شہریوں نے پولیس سے بحث کی، لیکن زیادہ تر کو واپس جانا پڑا۔پولیس حکام کا کہنا ہے کہ سمندر میں تیراکی اور دیگر تفریحی سرگرمیوں پر مکمل پابندی عائد ہے، جو عوام کی حفاظت کے پیش نظر لگائی گئی ہے۔
واضح رہے کہ مون سون کے سیزن میں کراچی کے ساحلی مقامات پر اونچی لہروں کے باعث حادثات کا خطرہ بڑھ جاتا ہے، جس کے پیش نظر انتظامیہ نے دفعہ 144 نافذ کر رکھی ہے۔ عوام سے اپیل کی گئی ہے کہ احتیاطی تدابیر اختیار کرتے ہوئے ساحل پر جانے سے گریز کریں۔
گیس قیمتوں میں اضافہ، فیصل ندیم نے فیصلہ عوام دشمن قرار دے دیا
اسلام آباد: 1 ہزار 427 ریسٹورنٹس پر 3 کروڑ 30 لاکھ روپے جرمانہ
ملک بھر میں بجلی سستی ہونے کا امکان، گھریلو صارفین کے لیے ٹیرف میں کمی کی تجویز