Tag: سارا بھروانہ

گلوکار اور اداکار عاطف اسلم جن کے مداح پوری دنیا میں پائے جاتے ہیں. انہوں گزشتہ برس ڈراموں کی دنیا میں بھی قدم رکھا ان کی اداکاری کو بے ھد سراہا گیا. عاطف اسلم کے بیٹے کی حال ہی میں برتھ ڈے تھی انہوں نے اپنے بیٹے کو سالگرہ کی مبارکباد دیتے ہوئے کہا کہ میرے پیارے بیٹے آپکو سالگرہ کی مبارکباد. آپ ایک مضبوط بوائے بن رہے ہو ماشاءاللہ . یاد رکھنا کہ کبھی بھی کسی کا دل نہ دکھانا ایسا نہیں کرو گے تو یقینا آپ کے ساتھ بھی ایسا نہیں ہو گا. دوسرا یہ کہ کبھی کسی کو کسی پر ترجیح نہ دینا اور عورت کی ہمیشہ بہت زیادہ عزت کرنا اور اپنی ماں کو بالکل

بھی تنگ نہ کرو. عاطف اسلم نے اس خوبصورت پیغام کے ساتھ اپنے بیٹے کو سالگرہ کی مبارکباد دی. عاطف اسلم کی اس پوسٹ کے بعد ان کی سوچ کو بہت زیادہ سراہا گیا اور ان کے بیٹے کو سالگرہ کی مبارکباد دی. یاد رہےکہ عاطف اسلم نے سارا بھروانہ سے شادی کی اور دونوں ہنسی خوشی زندگی بسر کررہے ہیں. عاطف کو پاکستان کے علاوہ بھارت میں بھی بہت زیادہ پسند کیاجاتا ہے اور بھارت کے نامور میوزیشنز ان کے ساتھ کام کرنے کو اعزاز سمجھتے ہیں .

عاطف اسلم کا شمار پاکستان کے ان گلوکاروں میں ہوتا ہے جن کی آواز کا جادو بالی وڈ فنکاروں اور میوزیشنز کے سر چڑھ کر بولتا ہے. عاطف اسلم اپنی آواز بالی وڈ کے نامور ستاروں کو دے چکے ہیں. لیکن پچھلے کچھ عرصےسے بالی وڈ میں پاکستانی شوبز انڈسٹری سے تعلق رکھنے والی شخصیات کی اینٹری بند ہے. لیکن اس کے باوجود پاکستانی شوبز انڈسٹری کے لوگوں اور بالی وڈ سٹارز کے آپسی تعلق اور دوستی میں بالکل بھی فرق نہیں آیا. اس کی واضح مثال عاطف اسلم اور ان کی اہلیہ سارا بھروانہ کی بھارتی اداکار سنجے کپور کی سالگرہ میں شرکت ہے. انیل کپور کے بھائی سنجے کپور نے دبئی میں اپنی سالگرہ کی ایک پارٹی رکھی اس میں انہوں نے بھارت اور پاکستان کے ہر دلعزیز گلوکار عاطف اسلم اور ان کی

اہلیہ کو مدعو کیا. دونوں نے اس پارٹی میں شرکت کرکے اس کی خوبصورتی کو چار چاند لگا دئیے. سوشل میڈیا پر وائرل ہونے والی تصاویر میں دیکھا جا سکتا ہےکہ عاطف اسلم اور سارا بھروانہ چکنی پانڈے، سنجے کپور ، کترینہ کیف اور انیل کپور و دیگر کے ساتھ کھڑے ہوئے دکھائی دے رہے ہیں. اس تقریب میں بالی وڈ سے اور بہت سارے ستاروں نے بھی شرکت کی . شائقین کی جانب سے ان تصاویر کو بہت زیادہ پسند کیا جا رہا ہے.

پاکستانی گلوکار لاکھوں دلوں کی دھڑکن عاطف اسلم ایک ایسا نام ہے جو کسی تعارف کا محتاج نہیں۔ وہ 17 سال سے زائد عرصے سے میوزک انڈسٹری سے منسلک ہیں۔ پاکستانیوں کے دلوں پر راج کرنے سے لے کر بین الاقوامی سطح پر پذیرائی حاصل کرنے والے عاطف اسلم کی جادوئی آواز نے ہر دل کو جیتا ہے. بالی وڈ کے نامور ہیروز پر عاطف اسلم کی آواز میں گائے گانے پکچرائز ہو چکے ہیں . عاطف اسلم نے حال ہی میں کینڈا میں ہونے والے ہم ایوارڈز میں شرکت کی ہے اور اس میں وہ ایک منفرد انداز میں نظر آئے ان کی سٹائلنگ کافی ہٹ کر تھی . عاطف اسلم نے اپنی سٹائلنگ کی تصویر انسٹاگرام پر شئیر کرکے اپنی اہلیہ سارا بھروانہ کا شکریہ ادا کیا. یوں کہا جا سکتا ہے کہ ہر دلعزیز گلوکار عاطف اسلم اس

بار ہم ایوارڈز میں ایک الگ ہی انداز میں نظر آئے۔ گلوکار کو ان کی اہلیہ سارہ بھروانہ نے سٹائلنگ کروائی . عاطف اسلم نے ہم ایوارڈز میں پرفارم بھی کیا. یاد رہے کہ عاطف اسلم نے سارا بھروانہ سے محبت کی شادی کی دونوں ایک دوسرے کی تعریفیں کرتے نظر آتے ہیں. دونوں 2013 میں شادی کے بندھن میں بندھے تھے. عاطف اسلم گلوکاری کے ساتھ ساتھ اداکاری کرتے بھی کبھی کبھار دکھائی دیتے ہیں. عاطف اچھے گلوکار ہونے کے ساتھ ساتھ اچھے اداکار بھی ہیں.