بالی وڈ اداکارہ اور سیف علی خان کی صاحبزادی سارہ علی خان کے ڈرائیور کو کورونا وائرس ہوگیا ہے جبکہ سارہ اور اہل خانہ صحتیاب ہیں۔
باغی ٹی وی :سماجی رابطے کی ویب سائٹ انسٹاگرام پر اداکارہ سارہ علی خان نے ایک نوٹ شئیر کیا جس میں انہوں لکھا کہ میں آپ کو بنانا چاہتی ہوں کہ میرے ڈرائیور کا کوویڈ 19 ٹیسٹ مثبت آیا ہے بی ای سی نے انہیں اس بات سے آگاہ کیا ہے اور اُن کے ڈرائیور کو قرنطینہ سینٹر منتقل کردیا گیا ہے۔
سارہ علی خان نے لکھا کہ اُن کے اہل خانہ اور گھر میں موجود دیگر سٹاف کا کورونا ٹیسٹ منفی آیا ہے لیکن اس کے باوجود وہ ضروری احتیاطی تدابیر پر عمل کررہے ہیں۔
اداکارہ نےبی ایم سی کا بھی خصوصی شکریہ ادا کرتے ہوئے لکھا کہ میرے اہل خانہ اور میری جانب سے بی ایم سی کا بہت شکریہ کہ انہوں نے ہماری مدد کی اور ہماری رہنمائی کی۔
سارہ علی نے اپنی پوسٹ کے آخر میں لکھا کہ سب اس جان لیو وبا سے محفوظ رہیں-
واضح رہے کہ اس سے قبل لیجنڈری اداکار امتابھ بچن ، ابھشیک بچن، ایشوریہ رائے بچن اور اُن کی بیٹی آرادھیا بچن کا بھی کورونا وائرس ٹیسٹ مثبت آیا تھا۔
اس حوالے سے ابھشیک بچن نے بتایا کہ ایشوریہ اور آرادھیا کو گھر پر ہی قرنطینہ کیا گیا ہے۔ جبکہ امیتابھ بچن کی اہلیہ جیا بچن کا کورونا ٹیسٹ منفی آیا ہے-