پاکستان اور چین کے درمیان سالانہ اسٹریٹجک مذاکرات کا چھٹا دور اگست میں اسلام آباد میں منعقد ہوگا، جس کے لیے تیاریاں تیزی سے جاری ہیں۔
سفارتی ذرائع کے مطابق مذاکرات کی مشترکہ صدارت نائب وزیراعظم و وزیر خارجہ اسحاق ڈار اور چینی وزیر خارجہ وانگ ژی کریں گے، جبکہ چینی وزیر خارجہ کی قیادت میں ایک اعلیٰ سطحی وفد کی اسلام آباد آمد متوقع ہے۔ذرائع کے مطابق مذاکرات میں دونوں ممالک کے درمیان دو طرفہ تعلقات،اسٹریٹجک، سیاسی اور اقتصادی تعاون،دفاعی اور سلامتی امور اور تجارت، سرمایہ کاری اور ثقافتی روابط جیسے اہم امور پر تفصیلی بات چیت ہوگی۔وزارتِ خارجہ نے اس حوالے سے تیاریاں تیز کر دی ہیں اور مختلف متعلقہ وزارتوں، چینی وزارت خارجہ اور چینی سفارت خانے سے قریبی رابطے میں ہے۔
یاد رہے کہ گزشتہ برس ان مذاکرات کا پانچواں دور 15 مئی کو بیجنگ میں ہوا تھا، جس میں دو طرفہ تعلقات کو مزید مستحکم کرنے پر اتفاق کیا گیا تھا۔
بیرونی قرضوں کی ادائیگی،زرمبادلہ کے ذخائر میں نمایاں کمی
عمر ایوب نااہلی ریفرنس، الیکشن کمیشن نے کاز لسٹ جاری کردی
اسرائیلی یرغمالیوں کے لواحقین کا سمندری مارچ، جنگ بندی کا مطالبہ