Baaghi TV

Tag: سالگرہ

  • قصور باغی ٹی وی کے دفتر میں 14ویں سالگِرہ کی تقریب

    قصور باغی ٹی وی کے دفتر میں 14ویں سالگِرہ کی تقریب

    قصور باغی ٹی وی کے دفتر میں 14ویں سالگِرہ کی تقریب

    قصور ( طارق نوید سندھو سے ) باغی ٹی وی کی چودھویں سالگِرہ کے موقع پر باغی ٹی وی قصور دفتر میں کیک کاٹنے کی تقریب منعقد ہوئی جس میں مہمان خصوصی میڈم تابندہ سلیم ڈسٹرکٹ انفارمیشن آفیسر قصور، ممتاز حیدر اعوان ایڈیٹر باغی ٹی وی، ڈاکٹر غلام مصطفٰی بڈانی انچارج نمائندگان باغی ٹی وی ، طارق نوید سندھو بیوروچیف باغی ٹی وی قصور، عباس علی بھٹی بیوروچیف روزنامہ قدامت قصور، سینئر نائب صدر عامر علی بھٹی ڈسٹرکٹ بار قصور، چوہدری شفیق ظفر ایڈووکیٹ ہائیکورٹ لاہور، عابد علی بھٹی نے خصوصی شرکت کی۔

    اس موقع پر طارق نوید سندھو کو بہترین کارکردگی پر اعزازی شیلڈ اور بیوروچیف قصور کا کارڈ بھی دیا گیا اس موقع پر باغی ٹی وی کے 14 برس مکمل ہونے پر سی ای او باغی ٹی وی مبشر لقمان اور انکی ٹیم کو خراج تحسین پیش کیا گیا۔ طارق نوید سندھو کو باغی ٹی وی قصور کا بیوروچیف مقرر ہونے پر شرکاء نے مبارکباد دی اور نیک خواہشات کا اظہار کیا۔

    باغی ٹی وی کا کامیاب سفر،14ویں سالگرہ

    باغی ٹی وی کے 14 سال، حق گوئی، جرات اور عوامی آواز کی داستان،تحریر : سدرہ قیوم

    باغی ٹی وی سچ بولنے کی قیمت ادا کرتی صحافت. تحریر:رخسانہ سحر

  • سینئر صحافی و اینکر پرسن مبشر لقمان کی سالگرہ

    سینئر صحافی و اینکر پرسن مبشر لقمان کی سالگرہ

    پاکستان کے معروف اور سینئر صحافی و اینکر پرسن مبشر لقمان کی آج سالگرہ ہے۔سالگرہ کے موقع پر مبشر لقمان کو مختلف شخصیات کی جانب سے مبارکباد کے پیغامات موصول ہوئے ہیں

    مبشر لقمان 11 جنوری 1963ء کو لاہور میں پیدا ہوئے تھے۔مبشر لقمان نے اپنی ابتدائی تعلیم اپنے آبائی شہر لاہور سے حاصل کی اور انٹرمیڈیٹ تک کی تعلیم مکمل کرنے کے بعد گورنمنٹ کالج لاہور میں مزید تعلیم حاصل کرنے کے لیے داخلہ لیا۔مبشر لقمان نے اپنی صحافتی کیریئر کا آغاز چینل بزنس پلس سے بطور میزبان کیا تھا۔ ٹیلی ویژن اسکرین پر اپنے پہلے تجربے کے دوران انہوں نے پاکستان کے معاشی، سیاسی اور سماجی مسائل کو اجاگر کیا۔ اس کے بعد انہوں نے ایکسپریس نیوز میں پروگرام "پوائنٹ بلینک” کی میزبانی کی اور پھر دنیا نیوز میں منتقل ہو گئے جہاں انہوں نے "کھری بات ود لقمان” کے نام سے پروگرام کیا۔

    مبشر لقمان نے اے آر وائی نیوز میں "کھرا سچ” کے پروگرام کی میزبانی کی جس کے ذریعے انہوں نے متعدد سیاستدانوں کی کرپشن اور جھوٹ کو بے نقاب کیا۔ ان کا پروگرام "کھرا سچ” عوام میں بے حد مقبول ہوا اور اس کے ذریعے انہوں نے کئی سیاسی معاملات پر کھل کر اپنی رائے دی۔مبشر لقمان مختلف ٹی وی چینلز میں کھرا سچ پروگرام کرتے رے، آج کل 365 نیوز پر انکا پروگرام کھراسچ جمعہ سے اتوار شام آٹھ بجے نشر ہوتا ہے، اس دوران، ان پر کرپشن کے خلاف آواز اٹھانے کی پاداش میں کئی مقدمات بھی درج کیے گئے، مگر عدالتوں نے ان کے حق میں فیصلے دیے اور ان کی سچائی کو تسلیم کیا۔

    ml
    مبشر لقمان نے اپنے صحافتی سفر میں کئی سنگ میل عبور کیے ہیں اور انہیں ان کی غیر معمولی پیشہ ورانہ خدمات کے لیے نہ صرف پاکستان میں بلکہ بین الاقوامی سطح پر بھی سراہا گیا ہے۔ ان کا اندازِ صحافت، ان کی جرات مندانہ تحقیقات اور سچائی کی تلاش نے انہیں میڈیا کی دنیا میں ایک منفرد مقام دلایا ہے۔مبشر لقمان کی سب سے زیادہ شہرت حاصل کرنے والی خصوصیت ان کی بے باک صحافت اور سوالات اٹھانے کی جرات ہے۔
    وہ کئی بڑے نیوز چینلز کے ساتھ وابستہ رہ چکے ہیں اور ان کی تحقیقاتی رپورٹنگ نے عوامی سطح پر گہری تاثیر ڈالی ہے۔

    مبشر لقمان نہ صرف ایک قابل صحافی ہیں بلکہ انہوں نے سیاست میں بھی اپنی موجودگی کو محسوس کرایا ہے۔ وہ 2007 اور 2008 میں پنجاب کے وزیر برائے انفارمیشن ٹیکنالوجی اور مواصلات بھی رہے ہیں۔ اپنے پروگرام "کھرا سچ” کے ذریعے، انہوں نے نہ صرف حکومتی کرپشن کو بے نقاب کیا بلکہ عوامی مسائل پر بھی گہری نظر رکھی۔

    mubasher

    مبشر لقمان کی ایمانداری اور بے باکی کی بدولت وہ ایک اہم شخصیت بن چکے ہیں۔ پی ٹی آئی حکومت کے خاتمے کے بعد مبشر لقمان کو سوشل میڈیا پر شدید تنقید کا سامنا بھی رہا، اور ان کے خلاف پروپیگنڈہ کیا گیا، تاہم وہ ہمیشہ اپنی سچائی پر قائم رہے اور کرپشن کے خلاف آواز بلند کرتے رہے۔ مبشر لقمان کے بارے میں سابق وزیر اعظم عمران خان نے بھی یہ اعتراف کیا کہ وہ ایک بہادر صحافی ہیں جو طاقتوروں کی کرپشن کو بے نقاب کرتے ہیں۔مبشر لقمان نے ہمیشہ حقائق کو سامنے لانے اور حکومتی کرپشن کو بے نقاب کرنے میں اہم کردار ادا کیا ہے۔ وہ پاکستان کے واحد اینکر ہیں جنہوں نے ہمیشہ سچ بولنے کی جرات دکھائی اور حکمرانوں اور اپوزیشن دونوں کو آئینہ دکھایا۔

    مبشر لقمان پاکستان کے سب سے بڑے ڈیجیٹل میڈیا نیٹ ورک باغی ٹی وی کے سی ای او بھی ہیں ۔ باغی ٹی وی اردو انگریزی، چینی زبان، پشتو ، دری میں شائع ہو رہا ہے، مبشر لقمان کا یوٹیوب چینل مبشر لقمان آفیشیل یوٹیوب چینل بھی پاکستان کے مقبول ترین چینلز میں سے ہے۔بیباک تبصروں اور تجزیوں کے ساتھ کھرا سچ اور پھر اس پر ڈٹ جانا مبشر لقمان کی پہچان ہے، انہوں نے مفاد کی خاطر کبھی ضمیر کا سودا نہیں کیا بلکہ علی الاعلان کلمہ حق کہا یہی وجہ ہے کہ ان پر نہ صرف مقدمے بنائے گئے بلکہ متعدد بار انکے پروگرام کو بھی بند کروانے کی مذموم کوشش کی گئی.

    mubasher

    مبشر لقمان پاکستان برج فیڈریشن کے صدر بھی ہیں، دو برس قبل لاہور میں انہوں نے ایشیا اور مڈل ایسٹ کے برج فیڈریشن کے تحت مقابلہ جات کروائے جس میں بھارت سمیت کئی ممالک کی ٹیموں نے شرکت کی.پاکستان برج فیڈریشن کے صدر مبشر لقمان برج فیڈریشن آف ایشیا اینڈ مڈل ایسٹ کے نائب صدر بھی ہیں. یہ نہ صرف مبشر لقمان اور پاکستان برج فیڈریشن کیلئے ایک اعزاز کی بات ہے جبکہ ملک پاکستان کیلئے بھی اعزاز ہے کہ مبشر لقمان کو اس کھیل کے میدان میں عالمی سطح پر انہیں اپنی خدمات پر سراہا جارہا ہے.

    pbf ml

    مبشر لقمان کی سالگرہ کے موقع پر سوشل میڈیا سائٹ ٹوئٹر پر HBD_Mubasherlucman ٹرینڈ میں مداحوں سمیت معروف شخصیات کی جانب سے مبارکباد کے پیغامات موصول ہورہے ہیں اور ساتھ ہی نیک تمناؤں کا اظہار بھی کیا جا رہا ہے-

    ml

  • شاہ رخ خان کی سالگرہ،مداحوں کے پیغام،زندگی بارے دلچسپ واقعات

    شاہ رخ خان کی سالگرہ،مداحوں کے پیغام،زندگی بارے دلچسپ واقعات

    آج 2 نومبر کو شاہ رخ خان کی 59ویں سالگرہ ان کے مداحوں نے ممبئی کے مشہور بنگلے منت کے باہر جمع ہو کر منائی۔

    بالی ووڈ کنگ شاہ رخ خان نے زندگی کی 59 بہاریں دیکھ لی ہیں،گذشتہ شب 12 بجتے ہی ہمیشہ کی طرح شاہ رخ کے لاکھوں مداح ان کی رہائش گاہ ’منت‘ کے باہر سالگرہ کی مبارکباد دینے کے لیے جمع ہو گئے۔ جس کی مختلف ویڈیوز سوشل میڈیا پلیٹ فارم پر وائرل ہو رہی ہیں،اپنے پسندیدہ اداکار کی ایک جھلک دکھنے کے لیے مداح غبارے اورسالگرہ کے پوسٹرز لیے ان کے گھر کے باہر رات گئے کھڑے رہے،رات کے بارہ بجتےہی مداحوں نے آتش بازی اور نعرے بازی کے ساتھ انہیں سالگرہ کی مبارکباد دی،شاہ رخ نے بھی اپنے مداحوں کو مایوس نہیں کیا اور اپنے گھر کی بالکونی سےروایتی انداز میں ہاتھ ہلا کر مداحوں کی محبت اور آمد کا شکریہ ادا کیا.

    شاہ رخ خان نے اپنی شاندار اداکاری، دلکش شخصیت، اور بے مثال فنی صلاحیتوں کی بدولت دنیا بھر میں لاکھوں دلوں میں جگہ بنائی ہے،شاہ رخ خان نے اپنے فنی کیریئر کا آغاز 1988 میں ٹیلی ویژن سیریل "فاؤز” سے کیا، اور جلد ہی بالی ووڈ میں قدم رکھا۔ ان کی پہلی بڑی فلم "دیوانہ” نے انہیں راتوں رات شہرت کی بلندیوں پر پہنچا دیا۔ اس کے بعد انہوں نے "دل والے دلہنیا لے جائیں گے”، "ہم”، "کبھی خوشی کبھی غم” اور "چک دے! انڈیا” جیسی بے شمار ہٹ فلموں میں کام کیا۔سالگرہ کے اس خاص موقع پر، ان کے مداح سوشل میڈیا پر #HappyBirthdaySRK کے ہیش ٹیگ کے ساتھ انہیں مبارکباد دے رہے ہیں۔ دنیا بھر میں شاہ رخ خان کے چاہنے والے ان کے مقبول ڈائیلاگ اور مناظر کو یاد کر رہے ہیں، اور ان کی فلموں کی یاد تازہ کر رہے ہیں۔شاہ رخ خان نے نہ صرف بھارت بلکہ پوری دنیا میں اپنے کام سے ایک منفرد مقام حاصل کیا ہے۔ ان کی کامیاب فلموں نے بین الاقوامی سطح پر بھی ان کی شناخت بنائی ہے۔ انہیں "بادشاہ” اور "کنگ خان” کے لقب سے بھی جانا جاتا ہے۔ان کی سالگرہ کے موقع پر، بہت سی مشہور شخصیات نے انہیں سوشل میڈیا پر خراج تحسین پیش کیا ہے۔ ان کے قریبی دوستوں نے بھی اس خاص دن کو منانے کے لیے خصوصی تقریبات کا اہتمام کیا ہے۔

    شاہ رخ خان کی زندگی میں ایک اہم موڑ اس وقت آیا جب انہوں نے اپنی پروڈکشن کمپنی "ریڈ چلی انٹرٹینمنٹ” قائم کی، جس کے تحت کئی کامیاب فلمیں تیار کی گئیں۔ ان کی محنت اور لگن نے انہیں ایک عظیم اداکار اور کاروباری شخصیت بنا دیا ہے۔شاہ رخ خان کی سالگرہ کا یہ موقع نہ صرف ان کے مداحوں کے لیے خوشی کا باعث ہے بلکہ بالی ووڈ کے لیے بھی ایک یادگار لمحہ ہے۔ امید کی جاتی ہے کہ وہ آئندہ بھی شاندار پرفارمنسز کے ساتھ اپنے مداحوں کو خوش کرتے رہیں گے۔

    بالی ووڈ کنگ خان شاہ رخ 2؍ نومبر 1965ء کو نئی دہلی میں پیدا ہوئے تھے۔ انہوں نے ’’دیوانہ‘‘ (۱۹۹۲ء) سے بالی ووڈ میں اپنے کریئر کا آغاز کیا تھا۔ آج وہ بالی ووڈ کے کنگ کہلاتے ہیں،مینز ورلڈ انڈیا کے مطابق جب شاہ رخ خان دہلی سے ممبئی اداکاری کے میدان میں کریئر بنانے کیلئے آئے تھے تو ان کے پاس صرف 1500 روپے تھے۔ ایک مرتبہ کرایہ ادا نہ کرنے کے سبب انہیں مکان سے نکال دیا گیا تھا،شاہ رخ کی دادی نے ان کا نام عبدالراشد خان رکھا تھا۔ شاہ رخ خان کے والد میر تاج محمد خان مجاہد آزادی تھے، ۱۹۹۱ءمیں ان کے والد کا انتقال اس وقت ہوا تھا جب شاہ رخ 15سال کے تھے۔ شاہ رخ خان اپنے والد کے کافی قریب تھے۔2009 میں شاہ رخ خان نے سولر الیکٹریسٹی پروجیکٹ میں سرماریہ کاری کی تھی۔ ان کی معاونت سے ادیشہ کے سات؍ گاؤں اور 270؍ خاندانوں کو آزادی کے 61؍ سال بعد بجلی فراہم ہوئی تھی۔ 10 نومبر 2011 کو شاہ رخ خان کو بڑے پیمانے پر عطیہ فراہم کرنے کیلئے یونیسکو کے ’’پیرامیڈ کون مارنی‘‘ ایوارڈ سے نوازا گیا تھا۔ یہ اعزاز حاصل کرنے والے وہ پہلے ہندوستانی تھے۔2017 میں شاہ رخ خان نے اپنے والد کے اعزاز میں میر فاؤنڈیشن کی بنیاد ڈالی تھی، اس ادارے کا مقصد خواتین ، خاص طور پر ایسی خواتین جو تیزاب حملے کا شکار ہوئی ہوں، کا تعاون اور انہیں بااختیار بنانا ہے۔یہ ادارہ طبی علاج، پیشہ وارانہ تربیت اور قانونی تعاون کے ذریعے خواتین کی معاونت کرتا ہے۔ 2013 میں شاہ رخ خان نے اتراکھنڈ سیلاب متاثرین کی مدد کیلئے 33 لاکھ روپے، 2015میں چنئی سیلاب متاثرین کیلئے ایک کروڑ روپے اور 2018 میں کیرالا سیلاب متاثرین کیلئے 12 لاکھ روپے عطیہ کئے تھے۔2014 میں جب شاہ رخ خان کی ٹیم کولکاتا نائٹ رائیڈرز آئی پی ایل میں فتح یاب ہوئی تھی تو انہوں نے انعامی رقم ممبئی اور کولکاتا میں کینسر کے مریضوں کے علاج کیلئے مختص کی تھی۔شاہ رخ خان نے اپنی فلم ’’کبھی ہاں کبھی نا‘‘ کی ریلیز کے پہلے دن اس کی ٹکٹیں فروخت کی تھیں۔ کندن شاہ کی ہدایتکاری والی اس فلم کیلئے شاہ رخ نے صرف 25؍ ہزار روپے معاوضہ لیا تھا۔ شاہ رخ خان 26؍ فلموں میں بطور مہمان اداکار نظر آئے،شاہ رخ خان کو گھڑسواری سے ڈر لگتا ہے۔ اس کے باوجود انہوں نے متعدد فلموں میں گھڑ سواری کی ہے.

  • مریم نواز کی سالگرہ،وزیراعظم کی مبارکباد،نیک خواہشات کا اظہار

    مریم نواز کی سالگرہ،وزیراعظم کی مبارکباد،نیک خواہشات کا اظہار

    وزیراعلیٰ پنجاب مریم نواز کی سالگرہ آج 28 اکتوبر کو منائی جا رہی ہے، وزیراعظم شہباز شریف سمیت پارٹی کے رہنماؤں، کارکنوں نے سالگرہ پر مریم نواز کو مبارکباد پیش کی ہے

    مریم نواز، جن کی پیدائش 28 اکتوبر 1973 کو لاہور میں ہوئی، پاکستان کے سابق وزیراعظم نواز شریف کی بیٹی ہیں، مریم نواز اب وزیراعلیٰ پنجاب ہیں، مریم نواز نے اپنی سیاسی زندگی کا آغاز 2012 میں کیا اور جلد ہی پارٹی کے اندر اہم عہدوں پر فائز ہو گئیں۔ مریم نواز نے اپنی والدہ کلثوم نواز کی بیماری کے دوران خاص طور پر عوامی حمایت حاصل کی اور 2018 کے عام انتخابات میں بھی متحرک کردار ادا کیا۔مریم نواز کی سالگرہ کے موقع پر وزیراعظم شہباز شریف سمیت پارٹی کے دیگر رہنماؤں نے بھی انہیں سوشل میڈیا پر سالگرہ کی مبارکباد دی،

    وزیراعظم محمد شہباز شریف نے وزیراعلیٰ پنجاب مریم نوازشریف کوان کی سالگرہ پر مبارکباد دی ہے،پیرکو ’’ایکس‘‘پر جاری پوسٹ میں وزیراعظم نے کہا کہ مریم بیٹی آپ کو سالگرہ مبارک ہو،آپ کو آپ کی تمام کوششوں میں خوشی، صحت اور خوشحالی نصیب ہو، ہمارے مشترکہ وژن کے لیے آپ کی لگن اور عزم ثمر آور ہے، یہ سال آپ کے لیے طاقت، کامیابی، اور بے شمار برکتیں لائے

    وزیراعلیٰ پنجاب مریم نواز کی سالگرہ کے موقع پر سماجی رابطے کی ویب سائٹ ایکس پر #HBDCMMARYAM ٹرینڈ چل رہا ہے جس میں صارفین مریم نواز کومبارکباد دے رہے ہیں، ایک صارف کا کہنا ہے کہ وزیراعلی پنجاب مریم نواز کی سالگرہ کی تقریب میں ذیشان ملک (پرسنل سیکرٹری سی ایم پنجاب) اور عزیر کیانی (فوکل پرسن سی ایم پنجاب) کے ہمراہ۔ سی ایم مریم نواز کی سالگرہ کے موقع پر دل سے دعا ہے کہ ان کی قائدانہ صلاحیتوں کا سفر مزید روشن ہو۔

    ایک اور صارف کا کہنا تھا کہ سالگرہ مبارک ہو مریم نواز! آپ کی بے لوث قیادت اور وژن نے پنجاب کو حقیقی تبدیلی دی۔ اللہ آپ کو ہمیشہ سلامت رکھے۔

    پیر عدنان بودلہ کا ایکس پر کہنا تھا کہ وزیر اعلیٰ پنجاب مریم نواز شریف کو سالگرہ مبارک، مشکل ترین حالات میں مضبوط اعصاب کے ساتھ اپنے والد کے ساتھ کھڑے ہو کر ان کی طاقت بن کر دکھایا پارٹی کو سنبھالا کال کوٹھڑی سے وزارت اعلیٰ کے منصب تک پہنچ کر ایک بہترین لیڈر شپ کے طور پر سامنے آئیں۔

  • عوام کی امید، ملک کے روشن مستقبل کی نوید،بلاول 36 برس کے ہو گئے

    عوام کی امید، ملک کے روشن مستقبل کی نوید،بلاول 36 برس کے ہو گئے

    سابق وزیراعظم بے نظیر بھٹو ،صدرِ مملکت آصف علی زرداری کے صاحبزادے، پاکستان پیپلز پارٹی کے چیئرمین، 37 ویں سابق وزیرِ خارجہ، بلاول بھٹو زرداری کی آج سالگرہ منائی جا رہی ہے، بلاول زرداری 36 برس کے ہو گئے ہیں

    بلاول کی سالگرہ پر انہیں ان کی بہنوں، پارٹی رہنماؤں، کارکنان کی جانب سے مبارکباد دی گئی ہے، بلاول زرداری کو بختاور اور آصفہ نے بھی مبارکباد دی ہے، بلاول قومی اسمبلی کے رکن بھی ہیں، آصفہ بھی قومی اسمبلی کی رکن ہیں،بختاور بھٹو نے انسٹاگرام اسٹوری پر بھائی اور بیٹے کی ایک خوبصورت ویڈیو شیئر کرتے ہوئے لکھا ہے کہ 36ویں سالگرہ مبارک بلاول بھٹو زرداری، خاتونِ اوّل آصفہ بھٹو نے بھی بھائی کے اعزاز میں کی گئی ایک پوسٹ کو انسٹاگرام اسٹوری پر شیئر کیا ، پیپلز پارٹی کے سوشل میڈیا اکاؤنٹ پر بھی بلاول بھٹو زرداری کی سالگرہ کے حوالے سے بھی پوسٹ شیئر کی گئی ہے،پوسٹ کے کیپشن میں لکھا ہے کہ عوام کی امید، ملک کے روشن مستقبل کی نوید، عوامی حقوق کی جدوجہد کے علم بردار اور جمہوریت کے محافظ چیئرمین پاکستان پیپلز پارٹی بلاول بھٹو زرداری کو ان کی سالگرہ مبارک،

    بلاول بھٹو21ستمبر 1988کو کراچی میں پیدا ہوئے، ان کی پیدائش کے تین ماہ بعد ہی ان کی والدہ محترمہ بے نظیر بھٹو مسلم دنیا کی پہلی خاتون وزیر اعظم بنیں۔بلاول بھٹو کی سالگرہ کی مناسبت سے پاکستان کے ٹوئٹر ٹرینڈ پینل پر بلاول کو سالگرہ کی مبارکباد دی جا رہی ہیں،اس ٹرینڈ کا استعمال کرتے ہوئے صارفین، پیپلز پارٹی کے ارکان، اور بلال بھٹو کے مداح انہیں سالگرہ کی مبارکباد دے رہے ہیں اور ساتھ ہی بینظیر کی یاد بھی تازہ کر رہے ہیں۔بلاول کو مبارکباد دیتے ہوئے کارکنان کا کہنا ہے کہ عوام کی امید، ملک کے روشن مستقبل کی نوید، عوامی حقوق کی جدوجہد کے علمبردار اور جمہوریت کے محافظ چیئرمین پاکستان پیپلز پارٹی بلاول بھٹو زرداری کو انکی سالگرہ مبارک،

    پیپلزپارٹی ضلع وسطی کی جانب سے چیئرمین بلاول زرداری کی سالگرہ کے موقع پر نارتھ ناظم آباد میں عظیم الشان تقریب کا اہتمام کیا گیا۔تقریب میں قوالی پروگرام ،آتش بازی کا مظاہرہ اور چیئرمین بلاول کی سالگرہ کا کیک کاٹا گیا۔تقریب میں بڑی تعداد میں عوام نے شرکت کی

    بلاول کی سالگرہ کے موقع پر آج ملک بھر میں تقریبات منعقد کی جائیں گی اور پیپلز پارٹی کارکنان اپنے چیئرمین کی سالگرہ پر کیک کاٹیں گے، ان کی درازی عمر کی دعائیں کریں گے

  • 11 جنوری، مبشر لقمان کی سالگرہ

    11 جنوری، مبشر لقمان کی سالگرہ

    لاہور:پاکستان کے مایہ ناز اور سینئر صحافی واینکر پرسن مبشر لقمان کی آج سالگرہ منائی جا رہی ہے،

    سینئر صحافی واینکر پرسن 11 جنوری 1963ء کو لاہور میں پیدا ہوئے- مبشر لقمان نے ابتدائی تعلیم اپنے آبائی شہر سے حاصل کی انٹرمیڈیٹ کی تعلیم مکمل کرنے کے بعد مزید تعلیم کا سلسلہ جاری رکھنے کے لئے گورنمنٹ کالج لاہور میں داخلہ لیا۔سینئر صحافی واینکر پرسن نے بطور میزبان چینل بزنس پلس سے صحافت میں اپنے کیریئر کا آغاز کیا۔ٹیلی وژن اسکرین پر اپنے پہلے تجربے کے دوران ، سینئیر اینکر پرسن مبشر لقمان نے پاکستان کے بہت سے معاشی و معاشی اور سیاسی مسائل کا احاطہ کیا تھا۔ ملک کے متعدد اہم امور کے بارے میں اپنے شاندار موقف کی وجہ سے صحافت کے میدان میں اپنی الگ شناخت بنائی، اس کے بعد وہ ایکسپریس نیوز کے پروگرام اور پاکستان کے سب سے بڑے میڈیا گروپ ، ایکسپریس نیوز میں بطور میزبان پروگرام پوائنٹ بلینک میں شامل ہوئے ، اور پھر بعد میں دنیا نیوز میں منتقل ہوگئے اور پروگرام کھری بات ود لقمان کی میزبانی کے فرائض سر انجام دیئے-اس کے بعد انہوں نے کھرا سچ کی میزبانی میں اے آر وائی نیوز میں شمولیت اختیار کی ، جس کے ذریعے انہوں نے متعدد سیاستدانوں کے کرپشن اور جھوٹ کو بے نقاب کیا، مبشر لقمان مختلف ٹی وی چینلز میں بطور اینکر کام کرتے رہے، اور کرپشن کو بے نقاب کرتے ہوئے سرعام کھرا سچ بولتے رہے.
    ml

    مبشر لقمان 2007 اور 2008 میں انفارمیشن ٹیکنالوجی ، مواصلات پنجاب کےنگران وزیربھی رہے ہیں۔ان کا پروگرام کھرا سچ عوام میں مقبول ترین پروگراموں میں سے ہے ۔ مبشر لقمان کھرا سچ میں ہمیشہ کھرا سچ ہی بولتے ہیں حکمرانوں کی کرپشن کو بے نقاب پر مبشر لقمان پر درجنوں مقدمات قائم کیے گئے تاہم رب العزت نے انہیں کامیابی دی اور مقدمے خارج ہوئے عدالتی فیصلے انکے حق میں آئے۔
    ml

    مبشر لقمان کو تحریک انصاف حکومت کے‌خاتمے کے بعد پی ٹی آئی سوشل میڈیا بریگیڈ کی جانب سے نہ صرف دھمکیاں ملیں سوشل میڈیا پر انکے خلاف مہم چلائی گئی تاہم مبشر لقمان ڈٹے رہے اور پی ٹی آئی دو ر کی کرپشن کو ثبوتوں کے ساتھ بے نقاب کیا،مبشر لقمان پاکستان کے واحد اینکر ہیں جو ہمیشہ کھرا سچ میں سچ بولتے آئے اور حکمران ہوں یا اپوزیشن سب کو آئینہ دکھایا ۔ تحریک انصاف کے سابق چئیرمین عمر ان خان خود اس بات کا اعتراف کر چکے ہیں کہ مبشر لقمان ایک بہادر صحافی ہے جو طاقتوروں کی کرپشن کو بے نقاب کرتا یے۔ حقیقت بھی یہی ہے کہ مبشر لقمان نے ہر دور میں ہمیشہ سچ کا علم بلند کیا اور حکمران خواہ وہ کسی بھی پارٹی سے ہوں انکی کرپشن کو عوام کے سامنے لائے حقیقی چہرہ عوام کو دکھایا ۔ عمران خان کے اقتدار میں آنے سے پہلے مبشر لقمان انکے لئے ہیرو تھے اور جلسوں میں وہ مبشر لقمان کی مثالیں دیتے تا ہم جب عمران خان کی کرپشن ۔فرح گوگی کے ڈاکے۔ عثمان بزدار کے کارنامے۔ بشری بی بی کی رشوت خوریاں مبشر لقمان ثبوتوں کے ساتھ منظر عام پر لائے تو پی ٹی آئی کی سوشل میڈیا ٹیم نے مبشر لقمان کیخلاف پروپیگنڈہ شروع کر دیا ۔

    مبشر لقمان پاکستان کے سب سے بڑے ڈیجیٹل میڈیا نیٹ ورک باغی ٹی وی کے سی ای او بھی ہیں ۔ باغی ٹی وی اردو انگریزی، چینی زبان، پشتو ، دری میں شائع ہو رہا ہے، مبشر لقمان کا یوٹیوب چینل مبشر لقمان آفیشیل یوٹیوب چینل بھی پاکستان کے مقبول ترین چینلز میں سے ہے۔بیباک تبصروں اور تجزیوں کے ساتھ کھرا سچ اور پھر اس پر ڈٹ جانا مبشر لقمان کی پہچان ہے، انہوں نے مفاد کی خاطر کبھی ضمیر کا سودا نہیں کیا بلکہ علی الاعلان کلمہ حق کہا یہی وجہ ہے کہ ان پر نہ صرف مقدمے بنائے گئے بلکہ متعدد بار انکے پروگرام کو بھی بند کروانے کی مذموم کوشش کی گئی.

    mubasher luqman

    مبشر لقمان پاکستان برج فیڈریشن کے صدر بھی ہیں، گزشتہ برس لاہور میں انہوں نے ایشیا اور مڈل ایسٹ کے برج فیڈریشن کے تحت مقابلہ جات کروائے جس میں بھارت سمیت کئی ممالک کی ٹیموں نے شرکت کی.پاکستان برج فیڈریشن کے صدر مبشر لقمان برج فیڈریشن آف ایشیا اینڈ مڈل ایسٹ کے نائب صدر بھی ہیں. یہ نہ صرف مبشر لقمان اور پاکستان برج فیڈریشن کیلئے ایک اعزاز کی بات ہے جبکہ ملک پاکستان کیلئے بھی اعزاز ہے کہ مبشر لقمان کو اس کھیل کے میدان میں عالمی سطح پر انہیں اپنی خدمات پر سراہا جارہا ہے.
    pbf ml
    ml

    مبشر لقمان کی سالگرہ کے موقع پر سوشل میڈیا سائٹ ٹوئٹر پر HBD_Mubasherlucman ٹرینڈ میں مداحوں سمیت معروف شخصیات کی جانب سے مبارکباد کے پیغامات موصول ہورہے ہیں اور ساتھ ہی نیک تمناؤں کا اظہار بھی کیا جا رہا ہے-
    ml

    ml

    پشاور فلائنگ کلب کے جہاز کی فروخت،مبشر لقمان کا مؤقف بھی آ گیا

    مبشر لقمان اپنا دشمن کیوں بن گیا؟ ڈوریاں ہلانے والے سن لیں

    نور مقدم کو بے نور کرنے والا آزادی کی تلاش میں،انصاف کی خریدوفروخت،مبشر لقمان ڈٹ گئے

    میچ فکسنگ، خطرناک مافیا ، مبشر لقمان کی جان کو خطرہ

    انضمام الحق مکر گئے،انڈیا کے ساتھ گٹھ جوڑ،ڈالروں کی بارش

    ڈنڈا تیار، کورٹ مارشل کی گونج،پی آئی اے بند، مبشر لقمان نے کہانی کھول دی

    جو کام حکومتیں نہ کر سکیں،آرمی چیف کی ایک ملاقات نے کر دیا

    جنرل عاصم منیر کے نام مبشر لقمان کا اہم پیغام

    عمران خان پربجلیاں، بشری بیگم کہاں جاتی؟عمران کےاکاونٹ میں کتنا مال،مبشر لقمان کا چیلنج

  • پرویز الہیٰ کی سالگرہ،اہلخانہ کو ملی ملاقات کی خصوصی اجازت

    پرویز الہیٰ کی سالگرہ،اہلخانہ کو ملی ملاقات کی خصوصی اجازت

    انسداددہشتگردی عدالت اسلام آباد: سابق وزیر اعلیٰ پنجاب چوہدری پرویز الہی کی سالگرہ پر اہل خانہ سے ملاقات کی درخواست پر سماعت ہوئی

    عدالت نے چوہدری پرویز الہی سے اہل خانہ کی ملاقات کیلئے اجازت دے دی،ڈیوٹی جج شاہ رخ ارجمند نے فیملی سے ملاقات کی درخواست پر سماعت کی،درخواست میں کہا گیا کہ گزشتہ ملاقات والے دن چوہدری پرویز الہی لاہور میں تھے، ملاقات نہ ہوسکی،چوہدری پرویز الہی کی آج سالگرہ ہے،بیوی، بیٹے اور اہل خانہ سے ملاقات کی اجازت دی جائے، سالگرہ کی وجہ سے خصوصی ملاقات کی اجازت دی جائے،عدالت نے استفسار کیا کہ چوہدری پرویز الہی اڈیالہ جیل میں ہیں،وکیل نے کہا کہ جی چوہدری پرویز الہی اس وقت اڈیالہ جیل میں ہی ہیں، عدالت نے ملاقات کی اجازت دے دی

    نواز شریف اورشہباز شریف کے لیے ہی سارے ریلیف ہیں

    پرویز الہیٰ کے خلاف ایک اور مقدمہ درج کر لیا گیا ،

    پرویزالہٰی کی حفاظتی ضمانت پر تحریری فیصلہ 

    زمان پارک سے اسلحہ ملنے کی ویڈیو

  • استاد کی سالگرہ منانے کی تقریب کے دوران 22 طلبا بیہوش

    استاد کی سالگرہ منانے کی تقریب کے دوران 22 طلبا بیہوش

    باغی ٹی وی کی رپورٹ کے مطابق سکول میں استاد کی سالگرہ منانے کی تقریب کے دوران 22 طلبا بیہوش ہو گئے

    واقعہ بھارت میں پیش آیا، دیلی میں سکول میں استاد کی سالگرہ کی تقریب تھی، دوران تقریب 22 طلبا بیہوش ہو گئے جس پر انہیں طبی امداد کے لئے فوری ہسپتال منتقل کر دیا گیا،اطلاع پر پولیس کی بھاری نفری موقع پر پہنچی اور تحقیقات کا آغاز کر دیا ، پولیس نے طلبا اور سکول کے عملے سے تحقیقات کی ،

    بعد ازاں پولیس حکام نے میڈیا کو بتایا کہ ابتدائی تحقیقات میں اس بات کا پتہ چلا ہے کہ استاد کی سالگرہ کی تقریب کے دوران کسی طالب علم نے غلطی سے خوشبو والے سپرے کی بجائے کالی مرچوں والا سپرے کر دیا، جس سے طلبا کی آنکھوں میں مرچیں گئیں اور وہ بیہوش ہو گئے، تقریب میں کالی مرچوں والا سپرے کون لے کر آیا، اس پر پولیس تحقیقات کر رہی ہے، پولیس کا کہنا ہے کہ سکول انتظامیہ سے بھی تحقیقات کیجائے گی، طلبا کے والدین بھی بچوں کی بیہوشی کی خبر سن کر ہسپتال پہنچ چکے ہیں،

    قصور کے بعد تلہ گنگ میں جنسی سیکنڈل. امام مسجد کی مدرسہ پڑھنے والی بچیوں کی ساتھ زیادتی

    سوشل میڈیا چیٹ سے روکنے پر بیوی نے کیا خلع کا دعویٰ دائر، شوہر نے بھی لگایا گھناؤنا الزام

    سابق اہلیہ کی غیراخلاقی تصاویر سوشل میڈیا پر اپ لوڈ کرنے والے ملزم پر کب ہو گی فردجرم عائد؟

  • شاہین شاہ نے اپنی 23ویں سالگرہ سسرال میں منائی،تصاویر

    شاہین شاہ نے اپنی 23ویں سالگرہ سسرال میں منائی،تصاویر

    قومی ٹیم کے کھلاڑی شاہین شاہ آفریدی 23 برس کے ہو گئے ہیں۔

    باغی ٹی وی: شاہین شاہ آفریدی آج اپنی 23ویں سالگرہ منا رہے ہیں شاہین نے کراچی میں اپنے سسر شاہد آفریدی سمیت اہلخانہ کے ہمراہ سالگرہ کا کیک کاٹا شاہد آفریدی نے آفیشل ٹوئٹراکاؤنٹ پر تصاویر شیئر کرتے ہوئے داماد کو سالگرہ کی مبارکباد دی، کیپشن میں شاہین کیلئے لکھا، ’خوش رہو‘۔
    https://twitter.com/SAfridiOfficial/status/1643697969407877135?s=20
    تصاویرمیں دیکھا جاسکتا ہے کہ گھرکے ٹیرس پرکیک کاٹنے کے بعد شاہد آفریدی شاہین کو کیک کھلا رہے ہیں۔

    واضح رہے کہ شاہد آفریدی کی صاحبزادی انشاء آفریدی شاہین کی منکوحہ ہیں، دونوں کا نکاح رواں سال 3 فروری کو ہوا تھا۔

    پاکستان سپرلیگ 8ویں ایڈیشن کے فائنل میں لاہورقلندرز کی سنسنی خیزفتح کے بعد کپتان شاہین شاہ آفریدی کو ان کی منکوحہ انشاء آفریدی کے ساتھ ٹرافی اٹھائے گراؤنڈ میں دیکھا گیا تھا۔

    شاہین آفریدی کا تعلق پشتونوں کے ذخہ خیل آفریدی قبیلے سے ہے۔ وہ افغانستان کی سرحد پر پاکستان کے ضلع خیبر کے ایک قصبے لنڈی کوتل میں پلا بڑھا۔ وہ سات بھائیوں میں سب سے چھوٹا ہے شاہین نے اپریل 2018ء میں پاکستان کے لیے بین الاقوامی کریئر کا آغاز کیا اور دسمبر 2018ء میں قومی ٹیم کے لیے ٹیسٹ میچ میں ڈیبیو کیا۔ 2017ء میں آفریدی کو 6 فٹ 6 انچ 17 سالہ پاکستانی فاسٹ باؤلنگ ٹیلنٹ کے طور پر جانا جاتا ہے –

    اگست 2018ء میں، وہ ان تینتیس کھلاڑیوں میں سے ایک تھے جنہیں پاکستان کرکٹ بورڈ نے 2018-19ء کے سیزن کے لیے سینٹرل کنٹریکٹ سے نوازا تھا۔ اگلے سال، آفریدی کو سر گارفیلڈ سوبرز ٹرافی (سال کا بہترین کرکٹ کھلاڑی) سے نوازا گیا۔ آفریدی کو 2021ء کے آخر میں 2022ء پاکستان سپر لیگ کے لیے لاہور قلندرز کا کپتان نامزد کیا گیا تھا۔

  • ڈیرہ غازی خان : باغی ٹی وی کی گیارہویں سالگرہ کا کیک کاٹا گیا

    ڈیرہ غازی خان : باغی ٹی وی کی گیارہویں سالگرہ کا کیک کاٹا گیا

    ڈیرہ غازی خان،باغی ٹی وی (نمائندگان شہزادخان ،جواداکبر)باغی ٹی وی کی گیارہویں سالگرہ کا کیک کاٹا گیا
    تفصیل کے مطابق باغی ٹی وی کی 11ویں سالگرہ کے موقع پر پریس کلب ڈی جی خان میں ایک تقریب میں باغی ٹی وی کی سالگرہ کاکیک کاٹا گیا،اس تقریب میں ڈیرہ غازی خان کے سینئر صحافیوں نے شرکت کی اور باغی ٹی وی کے CEO سینئر صحافی اور نامور اینکر جناب مبشر لقمان صاحب،ایڈیٹرباغی ٹی وی جناب ممتاز حیدر اعوان صاحب اور انچارج نمائندگان ڈاکٹر غلام مصطفی بڈانی سمیت پوری ٹیم کو مبارکباد پیش کی،

    اس تقریب کااہتمام ڈیرہ غازیخان میں باغی وی ٹی وی کے نمائندوں شہزادخان یوسفزئی اور جواداکبر بھٹی نے کیا اور انچارج نمائندگان ڈاکٹرغلام مصطفی بڈانی نے اس تقریب میں شرکت کی ،

    اس تقریب میں سینئر صحافیوں روزنامہ مرکزاسلام آباد کے بیوروچیف منظوراحمدخان لغاری، روزنامہ نیاکل کے بیوروچیف چوہدری شکیل احمد،روزنامہ کسک ڈیرہ غازیخان کے ایڈیٹرانچیف قیصرعباس جعفری،فیاض خان لغاری،قیصرباپا،ظفراقبا ل کھوکھر،پیرامائونٹ نیوزکارنرکے شمیم خان،اخبارفروش یونین کی طرف سے بزرگ اخبار فروش عبداللہ ،کالم نگارڈاکٹربلال لودھی ،محمدنواززہر،آزاد بلوچ ،محمداشرف ودیگرنے شرکت کی ،

    اس تقریب میں شرکت کرنے والے سینئر صحافیوں نے باغی ٹی وی کے CEO اور سینئر صحافی اور نامور اینکر جناب مبشر لقمان صاحب،ایڈیٹرباغی ٹی وی جناب ممتاز حیدر اعوان صاحب اور انچارج نمائندگان ڈاکٹر غلام مصطفی بڈانی سمیت پوری ٹیم کو مبارکباد پیش کی اور باغی ٹی وی کی ترقی کیلئے دعا بھی کی گئی۔