مرکزی مسلم لیگ کراچی کے صدر احمد ندیم اعوان نے رمضان المبارک میں گیس ، بجلی کی لوڈشیڈنگ پر افسوس کا اظہار کرتے ہوئے کہاہے کہ حکومت نے رمضان کے دوران عوام کو سحری اور افطاری میں کسی قسم کی مشکلات سے بچانے کے دعوے کیے تھے، مگر حقیقت اس کے بالکل برعکس ہے.
باغی ٹی وی کے مطابق جاری بیان میں انہوں نے کہا کہ لوگ سحری اور افطاری کے اوقات میں گیس اور بجلی کی لوڈشیڈنگ کی وجہ سے شدید پریشانی کا سامنا کر رہے ہیں۔حکومت کے یہ دعوے صرف بیانات تک محدود ہیں اور ان پر ابھی تک عملی طور پر کوئی قدم نہیں اٹھایا گیا۔
کراچی کے صدر نے کہا کہ مہنگائی کی وجہ سے عوام پہلے ہی مشکلات کا شکار ہیں اور اب گیس اور بجلی کی لوڈشیڈنگ نے ان کی زندگی مزید اجیرن بنا دی ہے۔
احمد ندیم اعوان نے کہا کہ پانی کی کمی نے اس صورتحال کو اور بھی سنگین بنا دیا ہے، شہری پانی کی بوند بوند کو ترس رہے ہیں۔انہوں نے حکومت سے مطالبہ کیا کہ رمضان کے دوران سحری و افطاری کے اوقات میں گیس اور بجلی کی فراہمی کو یقینی بنایا جائے، تاکہ شہری اس بابرکت مہینے میں ان بنیادی ضروریات کی کمی کے بغیر سکون سے اپنی عبادات کر سکیں۔
اشیائے خورد و نوش اور سامان لیکر قافلہ پارا چنار پہنچ گیا
ارمغان سے منشیات کے کاروبار اور منی لانڈرنگ کی تحقیقات شروع
ارمغان سے منشیات کے کاروبار اور منی لانڈرنگ کی تحقیقات شروع
سونے کی قیمت میں اضافہ، 3 لاکھ 7 ہزار روپے تولہ
امریکی صدر کے بیان کے بعد جادو ٹونے زمین بوس ہوگئے، گورنر سندھ