پاکستان بھر میں سحری و افطاری کا پروگرام شروع کر دیا ہے، خالد مسعود سندھو
پاکستان مرکزی مسلم لیگ کے صدر خالد مسعود سندھو نے کہا کہ مہنگائی کی چکی میں پسی عوام کو ریلیف دینے اور رمضان المبارک کی بابرکت ساعتوں میں نیکیاں سمیٹنے کیلئے پاکستان مرکزی مسلم لیگ کا گرینڈ سحری و افطاری کا پروگرام شروع کر دیا گیا ہے،ہم پاکستان بھر میں ہزاروں افراد کے لیے سحری و افطاری کا اہتمام کر رہے ہیں-پاکستان مرکزی مسلم لیگ کے کارکنان سیاست کے سنہرے اصولوں کو اپناتے ہوئے لوگوں کی دہلیز پر سحری و افطاری پہنچا رہے ہیں-
ان خیالات کا اظہار انہوں نے لاہور میں مرکزی مسلم لیگ زیر اہتمام سحری کے لیے بنائے گئے اوپن کچن کا وزٹ کرتے ہوئے کارکنان سے گفتگو کرتے ہوئے کیا انہوں نے مزید کہا کہ موجودہ مہنگائی نے نا صرف غریب لوگوں کیلئے زندگی مشکل بنا دی ہے بلکہ مڈل کلاس طبقہ بھی گھر کا کچن چلانے کیلئے پریشان ہے،ہم کردار اور عمل سے بتائیں گے کہ اسلام کے سنہری اصولوں کے مطابق سیاست کیسے کی جاتی ہے۔اس کمر توڑ مہنگائی میں ہزاروں چولہے سحری و افطار میں ٹھنڈے پڑ چکے ہیں-پاکستان مرکزی مسلم عوامی مسائل سے بخوبی واقف ہے اور اپنی مدد آپ کے تحت حل کرنے میں مصروف ہے، انہوں نے مزید گفتگو کرتے ہوئے کہا کہ جس حکومت کا کام عوام کو سہولت فراہم کرنا تھا وہ خواب خرگوش کی نیند سوئی ہوئی ہے،مہنگائی اس وقت ملک و قوم کے لیے ناسور بن چکی ہے پاکستان مرکزی مسلم روایتی سیاست کے انداز کو تبدیل کرنے آئی ہے،
مسلم خواتین کی آن لائن نیلامی کی ایپ،خاتون سمیت دو ملزمان گرفتار
دہلی فسادات، کوریج کرنیوالے صحافیوں کی شناخت کیلیے اتروائی گئی انکی پینٹ
دہلی فسادات میں امت شاہ کی پرائیویٹ آرمی ملوث،یہ ہندوآبادی پر دھبہ ہیں، سوشل ایکٹوسٹ جاسمین
بھارت میں ایک بار پھرمسلم خواتین کی آن لائن نیلامی کا انکشاف
پاکستان مرکزی مسلم لیگ نے مہنگائی کیخلاف مضبوط آواز بن کر سامنے آئی ہے دعوے کی بجائے عملی اقدامات کرکے عوام کو معاشی سہولت سے مستفید کررہی ہے،پورے ملک میں سحری و افطار پروگرام یکم رمضان سے شروع ہے جو پورا مہینہ جاری رہے گا۔
اسلام آباد بھر میں ایک لاکھ افراد تک سحری پہنچانے کیلئے سات مقامات پر اوپن گرینڈ کچن